Fréttir - Eyjafréttir - 12.06.2008, Side 7

Fréttir / Fimmtudagur 12. júní 2008
smiðurinn á bak tið Tyrkjaránið á í \ ^ VCnð hugmynda-
«■ v —■ i
paöan komu ránsmennirnir sem herjuðu á Austfirði og
V estmannaeyjar. Borgin heyrði formlega undir Tyrkjasoldán en fór
þó SÍnu fram í flestum málum. Borgin Salé í Marokkó var helsta
miðstöð sjórána Mára sem hraktir voru frá Spáni, en þó var margt um
e\TÓpska trúskiptinga í hópi sjóræningja.
Who være the Turkish raiders?
I T irict. Raid“ it is a misleading tenn toda\ as
Although these ^ ^Le. Many óf the
muslims were genera s The ieader in the raid in the Westman ^
— ZZX a. 0.™., J ».-*
KARI segir að safnið verði með lítið breyttu sniði í sumar en Tyrkjaránssýningin, sem var sett upp í Vélasalnum í vetur, hefur verið sett upp þar í
sérstöku rými.
Stefnan að þetta nýtist
byggðarlaginu sem best
-segir Kári Bjarnason, forstöðumaður Bókasafnsins og stjórnarmaður í
Sögusetri 1627 en félagið mun sjá um rekstur Byggðarsafnsins í sumar
Byggðarsafnið var opnað fyrir gesti
á mánudag og verður opið alla daga
í sumar, 11.00 til 17.00 á virkum
dögum og 13.00 til 17.00 um helgar.
Sú breyting hefur verið gerð á
rekstri þess að bærinn hefur gert
samning við Sögusetur 1627 (áður
Tyrkjaránsfélagið) um rekstur safns-
ins í sumar. Kári Bjamason, for-
stöðumaður Bókasafnsins og einn af
félögum í félaginu, segir að það
muni sjá um safnið í sumar og
fyrirhugað sé að hafa opið alla daga
út ágúst og jafnvel fram í september.
Síðan sé möguleiki á að halda þessu
samstarfi áfram ef vel tekst til.
Einstaklingar komu söfn-
unum upp
Þetta er nokkurt nýmæli, safnið
hefur lengst af verið rekið af bænum
og sérstakur aðili sem hefur haft
yfirumsjón með því, síðast Hlíf
Gylfadóttir. Kári segist ekki muna
til þess að ákveðnu félagi hafi áður
verið falinn slfkur safnrekstur á
Islandi. Þó kunni það að vera enda
sé ýmis háttur á hafður í rekstri
byggðasafna á Islandi. „En við
skulum ekki gleyma því að flest, ef
ekki öll byggðasöfn og byggðarsöfn
á Islandi hafa orðið til fyrir atbeina
ákveðinna einstaklinga sem með
brennandi áhuga komu þessum
söfnum á legg og sáu margir um
rekstur þeirra, a.m.k. til að byrja
með. Síðan uxu söfnin og döfnuðu,
mest fyrir þeirra atbeina og áhuga.
Nægir þar að nefna Þórð Tómasson
í Skógum og svo Þorstein Þ. Víg-
lundsson hér í Eyjum. Mér finnst
eins og sami andi sé hér til kominn á
ný, þegar áhugamannafélagi um
sögu byggðarlagsins er falið þetta
verkefni," segir Kári Bjamason.
Sögusetrið 1627 er félagsskapur
sem hingað til hefur einbeitt sér að
einum ákveðnum atburði í sögu
eyjanna en Kári segir að nú muni
félagið einbeita sér að því að koma
upp því sem kalla mætti fræðandi
starfsumhverfí. „Þetta er tilraun til
að koma þeim þætti betur inn í
safnið, hluti af menningarstefnu
bæjarfélagsins, Sagnaheimi. Og
dýpsta röddin í Sagnaheimi er án efa
Tyrkjaránið," segir Kári.
Tyrkjaránssýningin sett upp
á ný
Safnið verður með lítið breyttu sniði
í sumar en Tyrkjaránssýningin, sem
var sett upp í Vélasalnum í vetur,
hefur verið sett upp þar í sérstöku
rými. Kári segir að þar hafi verið
fyrir sýning á köfunarbúnaði í eigu
Sigurðar Oskarssonar en þeir munir
verði nú til sýnis í anddyri Safna-
hússins þar sem þeir voru upphaf-
lega settir upp, á sýningunni
Maðurinn og hafið, fyrir fjórum
árum. Kári segir enn fremur að ætl-
unin sé að halda alþjóðlega
ráðstefnu í Eyjum í haust um sjórán
í norðurhöfum og þar muni m.a.
erlendir sérfræðingar mæta.
„Bæjarbúar munu fínna fyrir
nokkrum breytingum á safninu í
sumar,“ segir Kári. „Það er ætlun
félagsins að reyna að tengja muni
safnsins betur við söguna. Safna-
húsið er í raun sögusafn, sagna-
heimur. I sumar mun félagið
einkum beita sér í því er tengist rán-
inu 1627. Ef framhald verður á
þessu samstarfí við bæinn, verður
ráðinn sérstakur safnstjóri til að sjá
um safnið. En þetta er spennandi
atburðarás sem okkur þykir vænt
um að taka þátt í.“
Viljum fá hugmyndir
bæjarbúa
Eins og fram kom hér að framan,
verður safnið með nær óbreyttu
sniði í sumar, að því frátöldu að
Tyrkjaránið fær þar sinn sess.
„Minn áhugi stendur til þess að
munir Byggðarsafnsins séu ekki
bara munir sem standa þar ósnortnir,
heldur getum við komið þeim og
sögu þeirra betur til skila. Að gestir
safnsins sjái ekki bara fjallið, heldur
finni þytinn af sögu þess, svo notað
sé líkingamál," segir Kári. „Svo við
höldum áfram með fjallið, þá er fjall
lítils virði ef það heitir ekkert og
hefur enga sögu. Þessi hópur veit
hvaða fjöregg hann er með í hönd-
unum. Við höfum unnið að því að
búa til batterí kringum ránið og
hugur okkar stendur til að gera Vest-
mannaeyjar að miðstöð þessarar
umfjöllunar, ekki bara á íslandi
heldur í öllum heiminum. Ef okkur
tekst að tengja það við Byggðar-
safnið þá er það vel, því að við
viljum veg þess sem mestan."
Kári segir að félagið vilji fá skoð-
anir fólks á því hvernig safnið eigi
að vera, enda eigi byggðarsafn að
vera hjarta hvers byggðarlags.
Hann hvetur því bæjarbúa til að hafa
samband við sig eða aðra í félaginu
með skoðanir sínar og hugmyndir.
„Safn, sem er bara einstakir hlutir án
sögu, hefur ekki tilgang," segir Kári.
I stjórn félagsins eru, auk Kára,
Sigurður Vilhelmsson, formaður,
Þórður Svansson, Helga Hallbergs-
dóttir, Ragnar Óskarsson, Hall-
grímur Rögnvaldsson, Karl Gauti
Hjaltason og Guðbjörg Sigurgeirs-
dóttir. Kári segir að félagið hafi
notið mikils stuðnings Steinunnar
Jóhannesdóttur, rithöfundar sem
hefur öðrum meir rannsakað Týrkja-
ránið og ritað um það. „Við höfum
fengið fé af fjárlögum og einnig
vegna mótvægisaðgerða ríkisstjórn-
arinnar, auk þess sem bærinn leggur
líka fé til reksturs safnsins. Það má
líta á þessa aðkomu félagsins að
safninu sem viðleitni okkar til að
koma þessu fé til byggðarlagsins.
Rétt er þó að taka fram að við vinn-
um sem sjálfboðaliðar og stefna
okkar er að þetta nýtist byggðarlag-
inu sem best auk þess sem við sjáum
þama gott tækifæri til að vinna enn
betur að stefnu félagsins," sagði
Kári Bjamason að lokum.
BREIK og HIPHOP námskeið í HRESSÓ
Natasha Monay Royal, dans-
ari, danshöfundur og dans-
kennari verður með dansnám-
skeið í Hressó helgina 21. og
22. júní. Það verða fjögur
námskeið í boði:
1. BREIK f. 8-11 ára
2. BREIK f. 12 ára og eldri
3. HIPHOP f. 12-15 ára
4. HIPHOP f. 16 ára og eldri
Natasha fæddist þann 7.
febrúar 1973 í Bandaríkj-
unum, en hún ólst upp í
Brooklyn, New York og í New
Haven, Connecticut.
Natasha byrjaði að dansa
breikdans árið 1983 þegar hún
var 10 ára gömul. Natasha
byrjaði danskennaraferil sinn
á íslandi árið 1998.
Hún byrjaði að kenna í
Dansskóla Heiðars Astvalds,
1998-2001 en fór svo að
kenna í Kramhúsinu frá 2001
og kennir þar enn í dag.
Einnig er hún að kenna í
Dansskóla Jóns Péturs og
Köru, í Árbæ, Garðabæ,
Hafnarfirði og víðar.
Hún kennir Hiphop og
Breakdance og hefur sinn
sérstaka stíl í Street Dance.
Natasha er meðlimur í dans-
hóp sem hún byrjaði með árið
2005 og heitir „Vicious
Vikings“. En þar blandar hún
saman nemendum sínum sem
dansa Hip hop, Breikdans og
Street Style á sinn einstaka
hátt. Svo mætti líka nefna að
hún hefur oft sýnt dans á 17.
júní og Menningarnótt
í Reykjavík, fullt af skóla-
böllum og nokkuð mörg þeirra
á Broadway. Svo hefur hún
verið í blöðum, sjónvarps-
þáttum, auglýsingum,
tískusýningum og svo mætti
lengi telja.
Fréttatilkynning.
Nokkur orð
um Sigríði
Valgerði
Hún var alltaf kölluð Sigga Vala.
Hún setti ákveðinn svip á dag-
legt líf hér í bæ. Ekki er mér
kunnugt um uppruna hennar né
hvenær hún kom til Eyja, en
snemma á Eyjadvöl hennar hafði
hún herbergi í Landlyst.
Þá voru dæturnar fjórar fæddar
í Landlyst, Sesselja, sú yngsta,
hændist mjög að Siggu og svaf
hún iðulega hjá henni. Svo
sterkar taugar hafði hún til Sellu,
eins og hún var kölluð, að við lá
að henni fyndist hún eiga hana.
Ég kynntist þessu löngu seinna
hvað Sella var nærgætin við
Siggu.
Sigga þénaði nær alla tíð á
heimilum annara. Ég man hana
fyrst hjá Matthíasi á Litlhólum,
en ég ólst upp þar í nágrenni.
Hún fór fyrst út á almennan
vinnumarkaðl958 og fór í
fiskinn í Fiskiðjunni og einmitt
þá átti hún sextugsafmæli. Hún
var ákaflega vel skapi farin og
ávallt kát og góð í umgengni.
Það var þá sem ég kynntist
Siggu Völu, en Sella í Landlyst
var þá að vinna þarna og þá tók
ég eftir hversu umhugað henni
var að Sigga ofgerði sér ekki,
hún hafði aldrei unnið í svona
umhverfi áður.
A þeim tíma var alltaf talað um
kynlega kvisti í samfélagi manna
og mætti telja að hún félli í þann
hóp. Hún er alveg ógleymanleg
þeim sem kynntust henni og um-
gengust hana.
Ég kann nokkur smellin tilsvör
sem hún lét út úr sér, en ég tí-
unda það ekkert frekar. Hún er
mér ætíð minnisstæð.
Meðfylgjandi mynd er tekin á
sextugsafmæli hennar.
Sigga skuldaði aldrei neinum
neitt. Þegar hún kvartaði um
ireytu í baki, þá keypti ég hita-
poka og gaf henni, en hún keypti
slæðu og gaf konunni minni og
vafalaust hafði slæðan kostað
jafn mikið og hitapokinn. Við
gáfum henni náttkjól í afmælis-
gjöf og þá keypti hún ávaxta-
dósir til að gefa dætrum okkar
Hún var lengi vinnukona að
Sigríðarstöðum í Stórhöfða, en
eftir að það lagðist í eyði flutti
hún í bakhús við Garðhús,
Kirkjuvegi 14, sem hún kallaði
Sigríðarstaði. Síðast vissi ég um
hana hjá Árna í Garðsauka. EJ'tir
rað vissi ég lítið um hana. Ég
var frá Eyjum í 30 ár og allt var
orðið öðruvísi þegar ég kom
aftur.
Akureyri, 12 /5 '08,
Gísli H. Brynjólfsson, málari