Fréttir - Eyjafréttir - 06.11.2008, Blaðsíða 14
14
Fréttir / Fimmtudagur 6. nóvember 2008
ÞRJÁR hressar, Svana, Ágústa og Ása.
STOLTIR FORMENN Guðrún og Gréta höfðu fulla ástæðu til að bera
höfuðið hátt enda ballið þeim og öðrum sóma.
Verslunarballið var öllum til mikils sóma
Verslunarmannaballið er orðið
eitt stærsta ball ársins í Eyjum
enda til þess vandað á allan hátt.
Það sást vel á ballinu í ár sem
lialdið var í Höllinni á laugar-
daginn. I boði var matur,
skemmtiatriði og dansleikur með
Sálinni.
Um 450 manns voru í mat sem
þótti frábær og mikill fjöldi
þegar Sálin byrjaði að spila.
Það var engin kreppustemning
á Verslunarmannaballinu en að
því standa Verslunarmanna-
félagið og Félag kaupsýslumanna.
Allir skörtuðu sínu fegursta og
var gaman að sjá svona margt
fólk prúðbúðið fólk saman
komið.
Helga Braga Jónsdóttir, leik-
kona, stýrði veislunni af miklum
krafti og stóð sig frábærlega.
Kom fram í glæsikjól, brá sér í
hlutverk Gyðu Sólar og kom svo
sem magadansmær sem sló
algjörlega í gegn. Formenn félag-
anna, Gréta Grétarsdóttir, for-
maður Kaupsýslumanna og
Guðrún Erlingsdóttir, formaður
Verslunarmannafélagsins létu til
sín taka. Drógu glæsilega vinn-
inga í happdrætti sem verslanir
lögðu til. Gréta rifjaði upp gamla
takta frá því hún var „aðstoðar-
kona“ Skara skrípó og klæddi
Arnór bakara úr skyrtunni án
þess að hann færi úr jakkanum.
Næsta fórnarlamb var Björgvin
Rúnarsson, framkvæmdastjóri
Hallarinnar, sem varð að sætta
sig við að standa uppi á stól á
brókinni einni fata.
Jóhannes eftirherma sýndi
gamla takta en lokatóninn á
skemmtuninni sló hljómsveitin
Tríkot sem þótti fara á kostum.
Þá tók Sálin við og spilaði til
klukkan fjögur um morguninn.
Þar með lauk Verslunarballinu
sem var bæði gestum og aðstand
endum til mikils sóma.
KRAFTUR OG HÁVAÐI Foreign Monkies héldu tónleika á Conero á föstudagskvöldið og var mæting góð.
Strákarnir sýndu snilli sína en hávaðinn var í efri mörkum þannig að erfitt var haldast við enda húsnæðið
ekki stórt. En cflaust hafa einhverjir skemmt sér og Víðir þurfti ekki færri en fjóra kjuða til að ljúka tón-
leikunum sem sýnir að keyrslan var mikil. Slegið var á létta strengi inn á mlli, Gísli, Bogi, Víðir og Leifur.
GESTIR á tónleikunum voru flestir í yngri kantinum.
SIGURDÍS: Ég hef ekki sýnt í Eyjum síðan árið 2000 og verð því með
myndir sem ég hef unnið frá 2000 til 2008 því mig langar að sýna það
sem ég hef verið að gera.
Sigurdís Harpa á Safnahelgi
Sigurdís Harpa Arnarsdóttir verður með myndlistarsýningu í anddyri
Safnahúss um helgina. Er þetta 30. einkasýning hennar.
„Ég hef ekki sýnt í Eyjum síðan árið 2000 og verð því með myndir
sem ég hef unnið frá 2000 til 2008 því mig langar að sýna það sem ég
hef verið að gera á tímabilinu. Ég verð með ríflega 50 myndir sem ég
hef aldrei sýnt áður og eru allar í römmum. Þetta eru blekmyndir,
olíumyndir, teikningar og myndir með texta og blandaðri tækni, “
sagði Sigurdís þegar hún var spurð út í sýninguna.
Sýningin verður opnuð klukkan 13.00 á laugardag og þá mun Guðrún
Eva Mínervudóttir lesa upp nýjustu bókinni sinni. „Guðrún Eva er
vinkona mín og ég fékk hana til að lesa upp úr Skaparanum og hvet
alla til að mæta. Þetta er sölusýning og ég vonast til að sjá sem flesta
því mér finnst æðislegt að fá tækifæri til að sýna heima. Ég tileinka
Ulfari Eysteinssyni á Þremur Frökkum sýninguna en hann hefur fylgst
með mér í tólf ár og alltaf styrkt mig og komið reglulega á vinnustof-
una mína og keypt myndir. Ég sýni lítil og stór verk og það er hægt að
greiða með korti og ég vona að það komi sem flestir á sýninguna, “
sagði Sigurdís en sýningin verður opin til klukkan 18.00 á laugardag
og frá 14.00 til 18.00 sunnudag.