Fréttir - Eyjafréttir - 04.12.2008, Blaðsíða 4
4
JÓlin2008 Fimmtudagur 4. desember 2007
Ómissandi hluti jólahaldsins
Á dögunum komu
Kiwanismenn saman ásamt
börnum og barnabörnum
sínum í húsakynnum
Kiwanisklúbbsins
Helgafells. Komið var að
hinum árlega viðburði
þegar jólasælgætinu var
pakkað og eins og undan-
farin aldarfjórðung eða svo,
var svo sannarlega hama-
gangur í öskjunni.
Pökkunin fer þannig fram að börnin
setjast við þrjú langborð og er undan-
tekningalaust þétt setinn bekkurinn.
Pokinn er síðan látinn ganga og fylla
börnin á pokana með rétta namminu.
Það er sérstaklega gaman að fylgjast
með yngstu börnunum, sem mörg
hver hafa aldrei séð eins mikið magn
af sælgæti á sinni stuttu ævi og eru
mörg hver með stjörnur í augunum.
Hin, sem eru vanari, eru þó dugleg við
að siða þau til.
Alls var pakkað í 1725 kassa og eru 8
sælgætispakkningar í hverjum kassa.
Það fara því 13.800 sælgætispakkar
sem eru nú í umferð og skila sér
vonandi sem flest inn á heimili í
Vestmannaeyjum. Það tók um 100
krakka þó ekki nema um 45 mínútur
að raða þessu saman, sem er öruggle-
ga íslandsmet í sælgætispökkun, jafn-
vel evrópumet og hugsanlega
heimsmet.
Sælgætispakkarnir eru mörgum
heimilum ómissandi hluti jóla-
haldsins en Kiwanismenn ganga um
þessar mundir í hús og selja kassana.
Allur ágóði sölunnar rennur óskertur
til líknarmála innanbæjar.
Góð þjónusta og gott verð
- segir Hólmgeir hjá Dótakistunni
Dótakistan, sem er til húsa aö
Vestmannabraut 38, hefur
starfað í þrjú ár. Eins og
nafniö bendir til er áhersla
lögð á leikföng og eigendur
hafa aö leiöarljósi að bjóða
mikið úrval og verð sem stenst
samanburð við það lægsta sem
gerist annars staðar.
„Þegar við opnuðum ákváðum við að
einbeita okkur að leikföngum og vera
ekki að troða okkur inn á það sem
aðrir kaupmenn eru að gera. Þó
auðvitað geti það verið freistandi á
dauða tímanum en það grefur undan
öllum ef allir eru kroppa hver í
annan,“ sagði Hólmgeir Austfjörð,
kaupmaður.
Hann segir að lítil yfirbygging og gott
samstarf við innflytjendur sé lykill að
því að bjóða upp á gott verð. „Við
fylgjumst mjög vel með því sem er að
gerast í sölu á leikföngum og erum oft
á undan þeim í Reykjavík að koma
með nýjungar. Auk þess bjóðum við
lægra verð og það hefur fjöldi við-
skiptavina staðfest við okkur. Birgjar
okkar hafa hjálpað okkur til að ná
þessum markmiðum okkar og þó
freistandi væri að stækka við sig þá
kostar það sitt. Því yrðum við að
hleypa út í verðlagið en við viljum
vera samkeppnishæf og erum það.
Ekki síst núna þegar þeir stóru sitja
uppi með miklar fjárfestingar með til-
heyrandi kostnaði."
Hólmgeir segist finna greinilega
fyrir því að Eyjamenn kunni að meta
þetta. „Þetta hefur líka spurst út og við
erum að fá fyrirspurnir úr Reykjavík.
Ekki síst eftir að við auglýstum verð-
mun á þrettán vörutegundum hjá
okkur og Toys’r’us. Hann var hvorki
meira né minna en 38.508 krónur sem
geta nýst fimm manna fjölskyldu til
að kaupa í matinn yfir jólin," sagði
Hólmgeir.
Hann vildi að lokum koma á fram-
færi þakklæti til Eyjamanna fyrir
góðar viðtökur. „Þeir versla í
heimabyggð og halda tryggð við okkur
kaupmenn sem stöndum í þessu, sem
er að sjálfsögðu grundvöllurinn fyrir
því að við getum haldið úti verslun
hérna í eyjum, Okkar svar er góð
þjónusta og gott verð.“