Fréttablaðið - 22.02.2013, Qupperneq 8

22. febrúar 2013 FÖSTUDAGUR| FRÉTTIR | 8
AÐALFUNDUR ÖSSURAR HF.
VERÐUR HALDINN FÖSTUDAGINN 15. MARS 2013 KL. 9:00 AÐ GRJÓTHÁLSI 5, REYKJAVÍK
○○ WWW.OSSUR.COM
A. DRÖG AÐ DAGSKRÁ
1. Skýrsla stjórnar félagsins um starfsemi þess á liðnu starfsári.
2. Ákvörðun um hvernig skuli fara með hagnað félagsins á reikningsárinu 2012.
3. Ársreikningur félagsins fyrir liðið starfsár lagður fram til staðfestingar.
4. Skýrsla stjórnar félagsins um starfskjör.
5. Ákvörðun um starfskjarastefnu.
6. Ákvörðun um stjórnarlaun fyrir árið 2013.
B. REGLUR UM ÞÁTTTÖKU HLUTHAFA OG ATKVÆÐAGREIÐSLU
Hluthafar eiga rétt á að fá mál sett á dagskrá, leggja fram ályktunartillögur og spyrja spurninga, með skrifl egum eða rafrænum hætti,
uns endanleg dagskrá og tillögur eru birtar föstudaginn 1. mars 2013. Nánari upplýsingar um réttindi hluthafa er að fi nna á vefsíðu félagsins:
www.ossur.com/investors/agm
Hverjum hlut í félaginu fylgir eitt atkvæði, að frátöldum eigin hlutum sem ekki fylgir atkvæðisréttur. Aðgöngumiðar, atkvæðaseðlar og önnur fundargögn
verða afhent á fundarstað. Hluthafar, sem ekki sækja aðalfundinn, geta annaðhvort: a) kosið um dagskrármál með skrifl egum eða rafrænum hætti,
eða b) veitt umboð.
Beiðni hluthafa um að kjósa með skriflegum eða rafrænum hætti þarf að berast félaginu eigi síðar en 5 dögum fyrir aðalfundinn.
Hluthafar geta óskað eftir því að fá atkvæðaseðla senda til sín og þeir geta einnig vitjað atkvæðaseðla í höfuðstöðvum félagsins og
greitt þar atkvæði alla virka daga á skrifstofutíma. Atkvæði þurfa að berast félaginu fyrir aðalfundinn. Hluthafar geta annaðhvort
veitt skrifleg eða rafræn umboð að uppfylltum ákveðnum formkröfum sem fram koma á vefsíðu félagsins. Rafræn umboð
þarf að senda í gegnum aðgangskerfi hluthafa hjá félaginu. Umboð þurfa að berast félaginu fyrir aðalfund eða á fundarstað.
Nánari upplýsingar um atkvæðareglur og notkun umboða er að fi nna á vefsíðu félagsins: www.ossur.com/investors/agm
C. AÐRAR UPPLÝSINGAR
Aðalfundurinn fer fram á ensku. Skjöl sem lögð verða fyrir aðalfund, þ.m.t. endurskoðaður ársreikningur fyrir árið 2012 og ársskýrsla fyrir árið 2012,
auk ályktunartillagna og athugasemda við hvert dagskrármál er að fi nna á ensku á vefsíðu félagsins: www.ossur.com/investors/agm
Hluthafar geta einnig nálgast skjölin í höfuðstöðvum félagsins að Grjóthálsi 5, 110 Reykjavík, alla virka daga á skrifstofutíma.
Endanleg dagskrá og tillögur verða birtar föstudaginn 1. mars 2013. Hluthöfum er hins vegar bent á að samkvæmt grein 63 a. í hlutafélagalögum
nr. 2/1995 er hægt að tilkynna um framboð til stjórnar skrifl ega skemmst 5 dögum fyrir aðalfund. Af þeim sökum verða upplýsingar um alla
frambjóðendur til stjórnar kunngerðar eigi síðar en 2 dögum fyrir aðalfund.
Aðgöngumiðar, atkvæðaseðlar og önnur fundargögn verða afhent frá kl. 8:30 á aðalfundardag. Aðalfundurinn hefst stundvíslega kl. 9:00.
Nánari upplýsingar um aðalfundinn er að fi nna á vefsíðu félagsins: www.ossur.com/investors/agm
Reykjavík, 21. febrúar 2013,
Stjórn Össurar hf.
7. Kosning stjórnar félagsins.
8. Kosning endurskoðenda.
9. Tillaga um heimild til að kaupa eigin hluti.
10. Önnur mál sem borin hafa verið löglega fram eða aðalfundur hefur
samþykkt að taka til meðferðar.
SJÁVARÚTVEGUR Fyrir tveimur ára-
tugum var komið í veg fyrir ofveiði
á laxi í hafi. Þetta var gert fyrir til-
stilli Verndarsjóðs villtra laxastofna
(North Atlantic Salmon Fund - NASF),
sem keypti upp veiðihlunnindi á laxi
í sjó og heldur sú vinna áfram í dag.
Orri Vigfússon, formaður sjóðsins,
veltir fyrir sér hvort ekki sé hægt að
nota sömu aðferðafræði til að leysa
makríldeiluna – bjarga makrílnum.
Í samtali við Fréttablaðið segir Orri
að nánast allur laxastofninn í Norður-
Atlantshafi sæki fæðu sína í hafsvæði
sem eru utan umráðasvæðis Evrópu-
sambandsins og að nú virðist sem
makríllinn sé að gera slíkt hið sama.
Makríllinn sé nú þegar byrjaður að
hrygna innan íslenskrar fiskveiði-
lögsögu og hafi jafnframt ákveðið að
bestu fæðuna sé að finna hér við land.
Að sögn Orra sýna rannsóknir
Hafrannsóknastofnunar að makríll-
inn hafi étið um tvær milljónir tonna
af lífmassa á svæðinu sem sé gríðar-
legt magn. Til samanburðar sé sam-
anlagður lífmassi íslenska laxastofns-
ins um 200 tonn. Mikilvægt sé að hafa
í huga að fæðan sem makríllinn étur
sé sú sama og þorskur og ýsa, tvær
af verðmætustu fisktegundum Íslend-
inga, éta.
„Það má kenna hlýnun jarðar um
þessa þróun en það hjálpar ekki þeim
þjóðum sem veiða makrílinn að kom-
ast að niðurstöðu um kvóta heldur
flækir bara þá vinnu,“ segir Orri. „Ef
fram heldur sem horfir blasir því við
að örlög makrílsins gætu orðið þau
sömu og síldarinnar sem var veidd af
miklu offorsi á síðustu öld. Svo miklu
að stofninn varð nánast útdauður.“
Tvískinnungur í málflutningi
Verndarsjóðurinn er bandalag nátt-
úruverndarhópa, þar sem einkaaðil-
ar og opinberir aðilar hafa sameinast
um að endurreisa villta laxastofna.
Orri segir að þetta hafi tekist þrátt
fyrir að Norðmenn, Skotar og Bretar,
þjóðirnar sem nú deila hvað harðast
á Íslendinga fyrir makrílveiðar, hafi
um árabil gróflega misnotað laxa-
stofnana. Það sé því tvískinnungur í
málflutningi þessara þjóða í makríl-
deilunni.
„Ég vil taka það fram að ég er ekki
með neina töfralausn en það er hins
vegar alveg ljóst að Evrópusamband-
inu og stjórnmálamönnum hefur mis-
tekist að leysa þessa deilu,“ segir
Orri. „Ég held að nú sé rétti tíminn
til að skoða hvort ekki sé hægt að nýta
þá reynslu sem við höfum fengið við
að reisa laxastofninn úr öskustónni.
Hvort nú sé ekki rétti tíminn til að
hleypa hagsmunaaðilum að borðinu
því ég held að það sé lykillinn að því
að leysa þetta mál.“
Að sögn Orra eru hagsmunaaðilar
oft úrræðabetri en stjórnmálamenn
þegar kemur að deilum sem þessum.
Spurningin sé hins vegar sú hvort
stjórnmálamenn hleypi hagsmuna-
aðilum að samningaborðinu.
„Aðalatriðið er að leysa þessa
deilu,“ segir Orri. „Þeir sem stunda
ósjálfbærar makrílveiðar eiga að
hætta þeim og þeir sem stunda sjálf-
bærar veiðar eiga að fá að halda
áfram á sömu braut. Lausnin er
fólgin í því að láta þá sem þurfa
að hætta fá eitthvað annað í stað-
inn. Sem dæmi sé ég fyrir mér
að útgerðir hér gætu samið við
erlendar útgerðir um skiptingu
kvóta. Íslenskir útgerðarmenn
gætu til dæmis fengið aðrar
tegundir í skiptum fyrir
makríl og öfugt ef því
er að skipta.
Ég geri mér grein
fyrir því að það er
ekki hægt að semja
til langs tíma um
makrílinn, sem líkt
og laxinn og síldin
er flökkustofn, en
það væri kannski
hægt að búa til
formúlu sem yrði
síðan endurskoð-
uð eftir nokkur
ár.“
trausti@frettabladid.is
Vill pólitíkusa frá samningaborðinu
Orri Vigfússon, formaður Verndarsjóðs villtra laxastofna, segir ljóst að stjórnmálamönnum hafi mistekist að leysa makríldeiluna. Tími sé
kominn til að hleypa hagsmunaaðilum að samningaborðinu. Laxastofninum í N-Atlantshafi var bjargað frá hruni með einkaframtakinu.
THE SCOTTISH TIMES Orri Vigfússon skrifaði nýlega
opnugrein um makríldeiluna í dagblaðið The
Scottish Times.
Þeir sem stunda ósjálf-
bærar makrílveiðar eiga að
hætta því og þeir sem
stunda sjálfbærar veiðar
eiga að fá að halda áfram á
sömu braut.
Orri Vigfússon
formaður NASF