Fréttablaðið - 07.12.2013, Qupperneq 8

7. desember 2013 LAUGARDAGUR| FRÉTTIR | 8
www.volkswagen.is
Fullkominn ferðafélagi
Tiguan kostar aðeins frá
5.360.000 kr.
Volkswagen Tiguan eyðir aðeins frá 5,8l /100 km
Volkswagen Tiguan
Í Volkswagen Tiguan sameinast fullkomið fjórhjóladrif, sparneytin dísilvél
og einstakir aksturseiginleikar sem veita þér algjört ferðafrelsi. BlueMotion
tæknin frá Volkswagen leggur áherslu á lágmarks eyðslu eldsneytis og
hámarks umhyggju fyrir umhverfinu. Kynntu þér kosti Volkswagen Tiguan
og veittu þér sannkallað frelsi til að ferðast.
HEKLA · Laugavegi 170-174 · Reykjavík · Sími 590 5000 · hekla.is
Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
A
uk
ab
ún
að
ur
á
m
yn
d:
á
lfe
lg
ur
, s
va
rt
ir
þ
ak
bo
ga
r
og
lj
ós
ka
st
ar
ar
í
fr
am
st
uð
ar
a
.
HEILBRIGÐISMÁL Tækjakaupaáætl-
un Kristjáns Þórs Júlíussonar heil-
brigðisráðherra gerir ráð fyrir að
6,5 milljörðum króna verði varið
til tækjakaupa á Landspítala
(LSH) og Sjúkrahúsinu á Akureyri
(SA) til ársins 2018.
Tækjakaupin grundvallast á lista
yfir bráðakaup tækja sem forsvars-
menn spítalanna unnu fyrir vel-
ferðarráðuneytið, til að mögulegt
sé að viðhalda óbreyttri þjónustu.
Eins og Fréttablaðið greindi
frá í gær fær LSH 1.262 milljón-
ir á næsta ári og SA 273 milljónir.
Fjallað var um áætlunina í ríkis-
stjórn á föstudag, og fjárlaganefnd
hefur hana til umfjöllunar.
Áætlunin í heild nær til árs-
ins 2018, en eins og alþjóð veit er
mikil uppsöfnuð þörf á endurnýjun
tækja og búnaðar hjá stóru sjúkra-
húsunum; tæki eru komin til ára
sinna og stór, fjárfrek og sérhæfð
lækningatæki eru úr sér geng-
in. Áætluninni er ætlað að leggja
grunn að úrbótum í þeim efnum.
Gísli Georgsson, umsjónar-
maður viðhalds og lækninga-
tækja, segir að ef áætlunin standi
óbreytt verði LSH töluvert mikið
betur sett í lok tímabilsins en í
dag. „Listinn hefur lengi legið
fyrir upp á fjóra til fimm millj-
arða. En þessi áætlun myndi gera
mikið gott og við færum að sjá kúf-
inn ganga niður á næstu tveimur,
þremur árum. Það eru 15 til 20
stór tæki sem kosta 100 milljónir
plús, sem þarf að endurnýja sem
fyrst,“ segir Gísli.
Hann segir að Landspítalinn
hafi fengið tíunda hluta þess fjár-
magns sem háskólasjúkrahús á
Norðurlöndunum hafa fengið síð-
ustu tíu ár, svo skiljanlega þurfi að
taka til höndunum.
Viðmið við endurnýjun tækja í
þeim löndum sem Ísland ber sig
saman við eru 1,8 til 5% af veltu
sjúkrahúsanna. Sömu hlutföll eru
0,6% á Landspítalanum og 1,3% á
Sjúkrahúsinu á Akureyri ef litið er
áratug aftur í tímann.
Brýn þörf LSH fyrir kaup á
meiriháttar tækjabúnaði er 3,3
milljarðar til 2016, og aðrir 2,2
vegna áranna 2017 og 2018. Sam-
bærilegar tölur fyrir SA eru 540
milljónir til 2016 og 340 milljónir
árin tvö á eftir.
Gert er ráð fyrir að sjúkrahúsin
fái 1,8% af veltu á fjárlögum árið
2018. Þá fær LSH árlega 786 millj-
ónir til tækjakaupa og SA tæpar
100 milljónir á verðlagi ársins
2013. svavar@frettabladid.is
Tækjakaup fyrir 6,5
milljarða næstu árin
Tækjakaupaáætlun heilbrigðisráðherra gerir ráð fyrir að 6,5 milljarðar króna
gangi til Landspítalans og Sjúkrahússins á Akureyri á næstu fimm árum. Kaupa
þarf 15 til 20 stór tæki á Landspítalann hið fyrsta. Þau kosta öll yfir 100 milljónir.
RISASKREF Stóru sjúkrahúsin í Reykjavík og á Akureyri sjá loksins til sólar hvað
varðar tækjabúnað.
➜ Tækjakaupaáætlun til ársins 2018
LSH SA
1.262 2014 273
1.445 2015 190
1.030 2016 163
1.040 2017 157
786 2018 99
5.566 Samtals 883
*í milljónum króna
IÐNAÐUR Orkustofnun
hefur gefið grænt ljós
á byggingu og rekstur
Suðurnesjalínu 2. Hún
er rúmlega 32 kílómetra
löng og verður öll lögð
sem loftlína. Orkustofnun
tók undir þau rök Lands-
nets að jarðstrengur væri
óhagkvæmari en loft-
lína og í leyfinu segir að
hvorki umhverfissjónar-
mið né annað réttlæti kostnaðar-
aukann sem myndi fylgja því að
leggja línuna í jörðu.
Í niðurstöðum Orkustofnun-
ar kemur fram að framkvæmdin
hafi sætt mati á umhverfisáhrif-
um, verið útfærð í nánu samráði
við viðkomandi sveitarfélög og
uppfylli að öðru leyti þau skilyrði
laga sem krafist er. Þó þarf Lands-
net að setja fram áætlun
um vöktun á áflugshættu
fugla á raflínur á þremur
stöðum og um merkingu
línanna.
Ekki tókst að semja um
25% landsvæðis sem línan
fer um og hefur Landsnet
óskað eftir heimild frá
iðnaðarráðuneytinu um
eignarnám þeirra jarða.
„Næsta skref er að ráðu-
neytið tekur afstöðu til að veita
heimildina eða ekki. Þegar sú
ákvörðun liggur fyrir munum við
hefja undirbúning framkvæmdar-
innar,“ segir Þórður Guðmunds-
son, forstjóri Landsnets.
„Ef allt gengur eftir hefjast
framkvæmdir næsta sumar og
gert er ráð fyrir að þær taki tvö
ár.“ - skó
Grænt ljós gefið á lagningu Suðurnesjalínu tvö:
Krefjast eignarnáms
LOFTLÍNA Suðurnesjalína verður öll lögð sem loftlína. FRÉTTABLAÐIÐ/GVA
ÞÓRÐUR
GUÐMUNDSSON