Fréttablaðið - 07.12.2013, Page 40

7. desember 2013 LAUGARDAGUR| HELGIN | 40
EINFALDAR VARNARAÐGERÐIR TIL AÐ AUÐVELDA ÞÉR LÍFIÐ
➜ Svona notum við netið
Fréttablaðið leitaði til nokkurra þekktra einstaklinga sem allir nota netið
mikið í sínum daglegu störfum. Spurningarnar voru þrjár.
1 Lýstu þinni daglegu notkun á netinu.
2 Hvernig tryggir þú öryggi þitt á netinu?
3 Telur þú þig örugga/n á netinu?
Árni Páll Árnason,
formaður Samfylkingarinnar
1 Ég nota mikið Facebook og svo Twitter nú í vaxandi mæli. Ég er með mína eigin heimasíðu– sem var nú brotist inn á í febrúar 2011 og tilkynnt um afsögn mína
– svo úr varð mikið fréttaefni. Á öllum þessum miðlum er maður með of gömul
lykilorð og þarf að huga að því að skipta reglulega í ljósi nýjustu fregna.
2 Þingkerfið krefst reglulegra skipta á lykilorðum og ég nota oft VPN-aðgang þess, en geri ráð fyrir að nota hann meira héðan í frá.
Almennt séð hef ég reynt að nálgast netsamskipti á þann veg að maður eigi ekki
að segja þar neitt sem ekki þoli almenningssjónir. Mér finnst margt sem fólk lætur
frá sér í ummælum á netinu bera þess merki að fólk heldur að það sé að skrifa fyrir sjálft sig og fáa
aðra og áttar sig ekki á að ósvífin og dónaleg komment munu varðveitast um aldur og ævi ritanda til
ævarandi háðungar. Sama á að sínu leyti við um tölvupóst– ég hef alltaf reynt að skrifa hann á þann
veg að hann geti farið víðar en til viðtakanda.
3 Ég nota sms mikið til að gantast og fíflast og fá útrás fyrir svartan húmor og held að opinber birting sms-a frá mér gæfi heldur undarlega mynd af mér, þegar aðstæður eru ekki til að skýra
efnisinnihaldið. Ég hafði nú ekki hugarflug fyrir þennan Vodafone-skandal til að láta mér detta í hug
að efnisinnihald slíkra skilaboða gæti einhvers staðar sést fyrir aðra til lestrar en sendanda og við-
takanda. Vonandi verður hann til að fjarskiptafyrirtækin axli ábyrgð sína af upplýsingaöryggi betur
en hingað til.
Eva Hauksdóttir
aðgerðasinni
1 Ég nota Twitter lítið en Facebook
á svo til hverjum degi
og er reyndar að fylgj-
ast með Facebook af
og til allan daginn.
2 Ég treysti öryggisstillingum
Facebook ekki svo ég bið fólk frekar
að senda mér tölvupóst ef það er
með trúnaðarupplýsingar. Reglan er
sú að fólk ætti ekki að segja neitt á
samfélagsmiðlum, msn eða í síma,
sem það vill ekki segja löggunni,
mömmu sinni og skattinum.
3 Ég upplifi mig ekki örugga á netinu en finnst frábært að hafa aðgang að
öllum þessum upplýsingum svo ég
nota það mjög mikið en forðast að
nota það fyrir einkalíf mitt og annað
sem ég vil alls ekki að fari á flakk.
Ágúst Borgþór
Sverrisson rithöfundur
1 Ég nota Facebook mjög mikið og Twitter annað
slagið. Ég er með blogg á
DV.is sem ég skrifa af og
til á, auk þess skrifa ég
nokkuð á vefi fyrir KR og
dreifi því efni á Facebook-
hópa. Ég er með tölvupóst
á Gmail og svo vafra ég auðvitað heilmikið
á netinu, les fréttir og horfi á myndbönd á
YouTube.
2 Ég er með nokkuð sterk lykilorð fyrir minn aðgang að samfélagsmiðlum sem og
póstföngum en ég beiti engum öryggisráð-
stöfunum fyrir utan það.
3 Ég á erfitt með að svara þessu. Ég er kannski fullandvaralaus gagnvart hætt-
unum en ég hef engan veginn á tilfinn-
ingunni að það sé verið að reyna að hakka
mína vefi. Hins vegar fæ ég oft sent alls
konar drasl, aðallega á Facebook, sem
virkar óheiðarlegt en ég leiði það hjá mér.
➜ Lykilorð
Ekki nota sama lykilorðið
á mörgum vefsvæðum.
Búðu til flókið lykilorð
með lág- og hástöfum,
tölustöfum og merkjum
á borði við #%!. Notaðu
frumlegar aðferðir til
að muna lykilorðið. Eða
notaði lykilorðaforrit
á borð við LastPass og
DirectPass.
➜ Leynispurning
eða endurræsing
lykilorðs
Ein algengasta leiðin til
að hakka sig inn á vef-
svæði eða póst er með
óöruggri leynispurningu.
Spurðu sjálfan þig hvort
svarið við spurningunni sé
eitthvað sem enginn veit.
Sumir gefa upp svörin á
samfélagsmiðlum, nöfn á
fyrsta gæludýri eða grunn-
skóla. Mundu að svarið
við leynispurningunni þarf
ekki endilega að vera satt.
➜ Samfélagsmiðlar
Samfélagsmiðlar sem eru
miðlægir (þar sem eign og
umsjón samfélagskerfisins
er í höndum eins aðila, t.d.
Facebook) eru varasamir.
Upplýsingar um notendur
eru seldar og mikilvægt
að muna að upplýsingum
sem notendur gefa upp
á þessum miðlum verður
aldrei eytt. Ekki deila of
miklum upplýsingum.
Sérstaklega ekki nafninu á
fyrsta gæludýrinu þínu.
➜ Tölvupóstur
Gerðu ráð fyrir að allur
tölvupóstur sem er sendur
í gegnum þjónustur á borð
við Hotmail eða Gmail
séu ekki einkaskilaboð.
Athugaðu hvort þú sért að
nota öll þau öryggistæki
sem forritin hafa upp á að
bjóða.
➜ Leitarvélar
Leitarvélar: Taktu þér smá
frí frá Google og prufaði
minni leitarvél. Til dæmis
DuckDuckGo.com eða
startpage.com sem heldur
ekki skrá yfir leitarsögu
þína.
➜ Snjallsímar
Engin skilaboð sem þú
sendir með snjallsímum
eru fullkomlega örugg. At-
hugaðu sérstaklega hvaða
upplýsingum þú hleður
upp á iCloud, Dropbox,
Evernote eða aðrar slíkar
þjónustur. Allar þessar
þjónustur hafa veitt upp-
lýsingar um viðskiptavini
sína til stjórnvalda.
➜ Köngulóarvefurinn
Með tilkomu snjall-
símans, spjaldtölvunnar
og samskiptavefja verður
internetnotkun okkar
samtengdari. Ef hakkara
tekst að brjótast inn á
eina þjónustu er líklegt
að hann komist inn á þá
næstu. Haltu yfirlit um
hvernig þjónusturnar
tengjast.
VODAFONE Stóra
hakkaramálið vekur
upp margar spurn-
ingar um netöryggi.
FRÉTTABLAÐIÐ/VILHELM
Jólagjöfin
sem mýkist
ár eftir ár
Krummi
Ofnhanski
1.990 kr
Krummi
Rúmföt
12.690 kr
Náttföt
3.990 kr
0-10 ára
Svuntur
2.790 kr
Margar gerðir
Laugavegi 176 & Glerártorgi Akureyri