Fréttablaðið - 27.01.2014, Blaðsíða 17
SÖFNUN
Sögur um te og te-
drykkju, uppskriftir
og hefðir má senda
Attikatti á Facebo-
ok, í tölvupósti á
contactattikatti@
gmail.com.
GOTT HÚSRÁÐ
Það getur verið snúið að
skera beikon. Góð leið til
að auðvelda sér verkið er að frysta
sneiðarnar í dálitla stund áður en
hnífnum er beitt.
Við völdum níu hönnuði og arki-tekta til að vinna út frá orðinu Te. Í mars opnum við svo tíma-
bundið Te-hús í Sparki Design space á
Klapparstíg þar sem kynnt verður „hin
íslenska tehefð“, eins og við túlkum
hana. Við lýsum því eftir sögum um te
og tehefðir fólks, uppskriftum og slíku,“
útskýrir Rúna Thors, ein fjögurra liðs-
manna hugmynda- og viðburðateymis-
ins Attikatti.
„Við ætlum að horfa á hvernig fólk
hagar sér á Íslandi miðað við Japana til
dæmis. Íslendingar eru meira fyrir að
skella bara Melroses-poka í heitt vatn
en Japanar stunda ýmiss konar serim-
óníur í kringum sína tedrykkju. Við
höfum ekki fundið neina tesögu Íslands
enn þá.“
Rúna segir hugmyndina hafa sprottið
út frá uppástungu sem ein úr hópnum
fékk, um að hanna tehettu. Þær hafi í
framhaldinu sökkt sér í umræður um
tehettu og temenningu yfirleitt og á
Restaurant day í Reykjavík síðasta
nóvember buðu þær upp á ýmsa rétti,
unna út frá tei.
„Þann viðburð kölluðum við TEASER
og buðum upp á te-kökur og fleira unnið
úr tei og gúrkusamlokur en þær ein-
kenna breska temenningu. Nú einbeitum
við okkur að því að skoða íslenska te-
menningu og munum búa til íslenska
tehefð út frá þeim rannsóknum okkar.
Í Sparki munum við setja upp einhvers
konar athöfn í kringum tedrykkju og
fólk sem mætir á viðburðinn mun
ekki bara fá tepoka í bolla. Það er ekki
komin mynd á athöfnina enn þá en það
mun skýrast þegar við fáum sögurnar
í hendurnar. Við munum einnig taka
saman bók með myndum af verkum
þeirra hönnuða sem taka þátt í verk-
efninu, og bókin mun einnig innihalda
einhvers konar skrásetningu á tehefðum
Íslands. Draumurinn er svo að ferðast
með sýninguna víðar og jafnvel út fyrir
landsteinana og kynna íslenska temenn-
ingu.“
En drekka meðlimir Attikatti sjálfar te?
„Ég er sú eina sem drekk ekki te,
drekk ekki einu sinni kaffi,“ segir
Rúna hlæjandi. „Ég hlýt að komast á
bragðið.“ ■ heida@365.is
SAFNA SÖGUM UM TE
ÍSLENSK HÖNNUN Hugmynda- og viðburðasmiðjan Attikatti rannsakar
íslenska temenningu og óskar eftir íslenskum sögum um te og tedrykkju.
ATTIKATTI Hugmynda- og viðburðasmiðjuna Attikatti skipa Hanna Dís Whitehead, Hanna Jónsdóttir, Bára Kristgeirsdóttir og
Rúna,Thors. Þær óska eftir íslenskum sögum um te. MYND/ATTIKATTI