Fréttablaðið - 02.04.2014, Síða 12

2. apríl 2014 MIÐVIKUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Ólafur Þ.
Stephensen
olafur@frettabladid.is
Oft er snúið að koma sér aftur út í
atvinnulífið eða í skólann eftir að fæð-
ingarorlofi lýkur. Hingað til hafa einu
úrræðin verið að koma börnum að hjá dag-
foreldrum eða inn á svokallaða ungbarna-
leikskóla. Það fá ekki allir foreldrar tæki-
færi til þess. Félagsstofnun stúdenta tekur
t.d. við börnum frá 6 mánaða aldri en til
að fá pláss þarf viðkomandi að vera skráð-
ur í HÍ. Ekki geta allir nýtt sér þetta.
Sum sveitarfélög niðurgreiða heldur
ekki dagvistunarúrræði í öðrum sveitar-
félögum þrátt fyrir að bjóða ekki upp á
þjónustu við ung börn. Það getur því verið
ærið kostnaðarsamt fyrir marga að nýta
sér þjónustu við ung börn. Það sama gildir
um dagforeldrakerfið. Biðlistar eru langir
og svo er skortur á dagforeldrum í sumum
hverfum. Dagvistargjaldið er einnig
hærra í báðum tilvikum heldur en í borg-
arreknum leikskólum og getur foreldra
munað um það því ýmiss konar útgjöld
fylgja börnum.
Vandinn sem blasir við er augljós. Þjón-
ustan sem býðst foreldrum og ungum börn-
um er af skornum skammti og svo er fæð-
ingarorlofið of stutt og þakið á greiðslum í
því of lágt. Á síðasta kjörtímabili var stigið
skref í rétta átt þegar Alþingi samþykkti
lög um lengingu fæðingarorlofs. Á þessu
kjörtímabili voru þau hins vegar afnumin
af nýju þingi. Er það mikil afturför í mál-
efnum barnafjölskyldna.
Við vinstri græn höfum barist fyrir
því að taka börn fyrr inn í borgarrekna
leikskóla. Til þess þurfum við að leggja
áherslu á þjónustu við ung börn og for-
eldra þeirra, stækka leikskólana og laða
að fleiri leikskólakennara með því m.a. að
bæta starfskjör þeirra. Því miður hefur
ekki verið pólitískur vilji til að forgangs-
raða með þessum hætti. Skrefin hafa því
ekki verið stigin. Ég held að það sé löngu
orðið tímabært að Reykjavíkurborg gangi
fram fyrir skjöldu og hefji vinnuna við
það að brúa bilið milli fæðingarorlofs og
leikskóla. Það er ekki bara þjóðhagslega
hagkvæmt og sjálfsögð þjónusta við borg-
arbúa heldur einnig liður í því að jafna
stöðu kynjanna og létta fjárhagslegar
byrðar barnafjölskyldna. Við vinstri græn
höldum áfram að mæla fyrir þessu þar til
brúin á milli fæðingarorlofs og leikskóla
verður byggð.
Byggjum brýr
DAGVISTUN
Líf Magneudóttir
varaborgarfulltrúi
➜ Ég held að það sé löngu orðið
tímabært að Reykjavíkurborg
gangi fram fyrir skjöldu og hefji
vinnuna við það að brúa bilið milli
fæðingarorlofs og leikskóla.
Asnalegt á þingi
Umræðan á Alþingi getur tekið á sig
hinar skringilegustu myndir. Einstaka
sinnum halda alþingismenn leiftrandi
skemmtilegar ræður en miklu oftar
missa þeir sig í karp sem engu skilar.
Hinum skelegga þingmanni sjálfstæðis-
manna, Ragnheiði Ríkharðsdóttur, var
nóg boðið í gær undir liðnum um störf
þingsins. Hún hvatti til að
menn hættu karpinu. Það
er asnalegt að standa hér
dag eftir dag og karpa um
hvor hópurinn ætlar að
gera betur í skuldamálum
heimilanna, fráfarandi
ríkisstjórn eða sú sem nú
situr, sagði Ragnheiður og
hvatti menn til að taka höndum
saman. Kannski að virðing
Alþingis meðal almennings
myndi aukast til muna ef menn tækju
orð Ragnheiðar til sín.
40% til í óljósan flokk
MMR birti könnun í gær þar sem fylgi
við nýjan hægri sinnaðan flokk var
kannað. Alls sögðu tæp 40 prósent
aðspurðra það koma til greina að kjósa
nýjan flokk sem nyti stuðnings Þor-
steins Pálssonar, fyrrverandi for-
manns Sjálfstæðisflokksins,
í næstu alþingiskosning-
um. Björn Bjarnason,
fyrrverandi
þingmaður og
ráðherra flokksins,
sakar lögmann-
inn Svein Andra Sveinsson „og félaga“
hafa staðið að könnuninni með
„furðuspurningum“. (Sveinn reyndar
kannast ekkert við að hafa komið
nálægt þessari könnun en Björn lætur
það sig litlu skipta). Hann sagði spurn-
inguna svo óljóst orðaða að ekki væri
ljóst hvort það sé skilyrði fyrir stofnun
hins nýja hægri flokks Sveins Andra
að Þorsteinn bjóði sig fram. Það kæmi
væntanlega í ljós í frekari samtölum
fjölmiðlamanna við Svein sem hefðu
þegar rætt spurninguna um nýjan
hægri flokk við hann í um fjögur ár.
Vel má vera að fjölmiðlar hafi rætt
þetta mál í mörg ár við Svein – en
hins vegar er ljóst að meirihluti þeirra
sem styðja núverandi ríkisstjórn er
tilbúinn að styðja þennan óljósa,
margrædda flokk lögmannsins.
johanna@frettabladid.is, fanney@frettabladid.is
W
illum Þór Þórsson þingmaður hefur ásamt fleiri
alþingismönnum úr Framsóknarflokki, Sjálfstæðis-
flokki og Bjartri framtíð lagt fram frumvarp um
að heimila starfsemi spilavíta (eða spilahalla eins
og þau eru kölluð í frumvarpinu).
Í frumvarpinu er gengið út frá að spilavítin þyrftu sérstakt
leyfi frá ráðherra. Ströng skilyrði yrðu sett fyrir veitingu leyf-
anna, meðal annars um gegnsæi eignarhalds, og opinbert eftirlit
haft með starfseminni. Meðal skilyrða sem frumvarpshöfundar
vilja setja er að spilavítin hleypi ekki inn fólki yngra en 21 árs, að
skrá skuli upplýsingar um við-
skiptavinina, að þeim sem taldir
eru glíma við spilafíkn séu kynnt
úrræði og meðferð við henni og
að viðskiptavinirnir geti sjálfir
beðið um að þeim sé meinaður
aðgangur að spilahöllinni.
Í greinargerð frumvarpsins
segja flutningsmenn í fyrsta lagi að starfræksla spilavíta myndi
efla ferðaþjónustu, í öðru lagi að hún myndi afla aukinna tekna
fyrir ríki og sveitarfélög og í þriðja lagi væri hægt að „koma
starfsemi sem þegar þrífst á Íslandi í undirheimum og á netinu
undir eftirlit, veita viðskiptavinum réttarvernd og senda skýr
skilaboð um hverjir það eru sem eiga erindi til að stunda fjár-
hættuspil.“
Það er ekki sízt síðasti punkturinn sem er mikilvægur. And-
staða við lögleiðingu spilavíta hefur verið mikil og fylgjendur
áframhaldandi banns hafa bent á það böl sem spilafíkn er, en talið
er að einhverjar þúsundir Íslendinga kunni að vera haldnar henni.
Í greinargerð með frumvarpinu er hins vegar bent á hræsnina,
tvískinnunginn og feluleikina varðandi fjárhættuspil á Íslandi,
sem blasa við hverjum sem vill sjá. Á Íslandi er happdrætti, lottó
og getraunir leyft með sérlögum, sömuleiðis spila- og söfnunar-
kassar. Þá er aðgangur að erlendum veðmála- og spilasíðum á
netinu auðveldur og nánast engin leið fyrir yfirvöld að takmarka
hann. Loks eru starfræktir ólöglegir spilasalir, en sú starfsemi
„stendur utan alls eftirlits í eins konar svartholi“ eins og segir í
greinargerðinni. Spilafíklarnir hafa því nóg við að vera.
Gera má ráð fyrir að meirihluti þeirra sem myndu heimsækja
lögleg spilavíti séu ekki neinir spilafíklar. Margir geta spilað
fjárhættuspil án þess að ánetjast þeim. Það er engin ástæða til að
banna einhverja starfsemi af því að minnihluti á í vanda. Stefnan
varðandi fjárhættuspilin hefur byggzt á svipuðum misskilningi og
áfengispólitíkin í landinu; reynt er að takmarka alla notkun í stað
þess að einbeita sér að því að fást við misnotkunina.
Spilavítabannið er sambærilegt við annan þátt áfengispólitíkur-
innar; bannið við áfengisauglýsingum. Í lögunum er gert ráð fyrir
að þær séu ekki til, þótt þær séu í raun út um allt, og þess vegna
eru þeim ekki sett nein skilyrði og þær ekki undir neinu eftirliti.
Það er full ástæða til að lögleiða spilavítin og koma þannig því
sem í dag er neðanjarðarstarfsemi upp á yfirborðið. Um leið á að
nota tækifærið til að ná til spilafíklanna og nota hluta af tekjunum
sem munu koma inn af starfseminni til að fjármagna meðferð
þeirra. Það er miklu skynsamlegri stefna en að loka augunum
fyrir tilvist fjárhættuspila á Íslandi.
Frumvarp um að leyfa starfsemi spilavíta:
Fjárhættuspilin
upp á yfirborðið
Suðurlandsbraut 20, Reykjavík | Sími 588 0200 | www.eirvik.is
Amerískir með klakavél
Kynningarverð
án klakavélar kr. 239.600
með klakavél kr. 399.900