Fréttablaðið - 02.08.2014, Side 46

2. ágúst 2014 LAUGARDAGUR| SPORT | 34

STJARNAN
KR
FH
ÍA
VALUR
FRAM
KEFLAVÍK
BREIÐABLIK
BYRJANIR ÍSLENSKRA FÉLAGA Í EVRÓPUKEPPNI
Fréttablaðið hefur tekið saman fyrstu fimm Evrópuleikina hjá nokkrum íslenskum
félögum en Stjarnan varð fyrsta íslenska félagið sem fer taplaust í gegnum fyrstu
fimm leiki sína í Evrópukeppni. Stjarnan hefur unnið fjóra af fyrstu fimm Evrópu-
leikjum sínum og skorað í þeim 14 mörk.
ÍBV FYLKIR

FÓTBOLTI Eintracht Frankfurt
festi í gær kaup á svissneska
framherjanum Haris Sefero-
vic frá Real Sociedad. Seferovic
skrifaði undir þriggja ára samn-
ing við þýska liðið. Svisslend-
ingurinn skoraði tvö mörk í 24
deildar leikjum á síðustu leiktíð.
Með brotthvarfi Seferovic
styrkist staða Alfreðs Finn-
bogasonar sem var keyptur til
spænska liðsins fyrr í sumar. Nú
eru því aðeins þrír framherjar í
leikmannahópi Sociedad, Alfreð,
Carlos Vela og Diego Ifrán, en
félagið er einnig nýbúið að selja
Frakkann Antoine Griezmann til
Spánarmeistara Atletico Madrid.
Alfreð lék sinn fyrsta keppnis-
leik með Sociedad í fyrradag,
þegar liðið vann 2–0 sigur á Aber-
deen frá Skotlandi í forkeppni
Evrópudeildarinnar. Alfreð, sem
mun leika í treyju númer sjö í
vetur, var í byrjunarliðinu og lék
allan leikinn fyrir Sociedad. - iþs
Hagur Alfreðs
vænkast
FRUMRAUN Alfreð Finnbogason lék
með Sociedad í gær. FRÉTTABLAÐIÐ/VALLI
FÓTBOLTI Stjörnumenn voru búnir
að bíða lengi eftir fyrsta Evrópu-
leiknum en þeir hafa nýtt fyrsta
tækifærið sitt í Evrópuboltanum
afar vel. Evrópuævintýrið í Garða-
bænum í ár er þegar orðið sögu-
legt en uppskera Stjörnumanna úr
fyrstu fimm leikjum sínum í Evr-
ópudeildinni er fjórir sigrar og
ekki eitt einasta tap.
Það er sama hvar er komið niður
í sögu íslensku liðanna í Evrópu-
keppninni því ekkert þeirra kemst
með tærnar þar sem Stjörnumenn
eru með hælana hvað varðar
árangur í fyrstu leikjum félagsins
í Evrópukeppni.
KR-ingar töpuðu sem dæmi
fyrstu fimm Evrópuleikjum sínum
með markatölunni 5–20, Skaga-
menn töpuðu fjórum af fyrstu
fimm leikjum sínum og Valsmenn
náðu ekki að vinna leik í fyrstu
fimm Evrópuleikjum sínum frek-
ar en KR, ÍA, Valur og Keflavík.
Blikar stóðu fremst fyrir „innrás“
Stjörnumanna á listann en Breiða-
blik vann tvo af fyrstu fimm Evr-
ópuleikjum félagsins. Fylkismenn
töpuðu reyndar aðeins tveimur
af fyrstu fimm leikjum sínum en
fögnuðu bara einum sigri.
Stjörnumenn voru þegar búnir
að bæta afrek Fylkismanna (frá
2001) og Þórsara (frá 2012) með
því að komast áfram í tveimur
fyrstu umferðum sínum í Evr-
ópukeppninni en Grindvíkingar
komust einnig áfram eftir sigra
í fyrstu tveimur Evrópuleikjum
sínum þegar þeir tóku þátt í Inter-
toto-keppninni sumarið 2001.
Tveir 4–0 stórsigrar á velska lið-
inu Bangor City voru frábær byrj-
un hjá Stjörnuliðinu og drama-
tískur endurkomusigur á skoska
liðinu Motherwell og stór brotið
sigurmark Atla Jóhannssonar
voru einn af hápunktum íslenska
fótboltasumarsins 2014. Stjörnu-
menn eru hins vegar ekki hættir
og 1–0 sigur á reynsluboltunum
í Lech Poznan frá Póllandi er
eitt af stærstu afrekunum í sögu
íslenskra liða í Evrópukeppninni.
Lech Poznan hefur verið fasta-
gestur í Evrópukeppninni síðustu
ár og fór alla leið í sextán liða
úrslit Evrópudeildarinnar 2010-11.
Stjörnumenn verða þó að hafa var-
ann á því pólska liðið hefur tapað á
útivelli í síðustu tveimur umferð-
um sínum í Evrópukeppni en svar-
að því með sigri í heimaleiknum.
Staðan er góð í hálfleik en það er
mikið eftir enn.
Seinni leikurinn fer fram í Pól-
landi á fimmtudaginn í næstu viku
og í boði er sæti í umspili um sæti
í riðlakeppni Evrópudeild arinnar.
Þar gæti beðið afar spennandi
mótherji og möguleiki á að gera
betur en FH-liðið sem var einu
skrefi frá riðlakeppni Evrópu-
deildarinnar fyrir ári.
Hver endirinn verður á þessu
Evrópuævintýri verður að koma
í ljós en það breytir ekki því að
Stjörnumenn eru búnir að skrifa
sig með stæl í sögubækurnar og
það er frekar ólíklegt að fyrstu
leikir félaga verði nokkurn tímann
eins glæsilegir og hjá Garðbæing-
um í sumar. ooj@frettabladid.is
Evrópu-stjarnan skín skærast
Ekkert íslenskt félag hefur byrjað eins vel í Evrópukeppni og lið Stjörnunnar. Stjarnan fylgdi eft ir dramatískum
endurkomusigri á skoska liðinu Motherwell með 1–0 sigri á pólska liðinu Lech Poznan í fyrrakvöld.
EFTIRMINNILEGT Sigurmark Atla Jóhannssonar á móti skoska liðinu Motherwell er
ein eftirminnilegasta stund íslenska fótboltasumarsins 2014. FRÉTTABLAÐIÐ/DANÍEL
„Við getum sagt að það séu þrenn úrslit í sögunni sem
eru betri,“ sagði Víðir Sigurðsson, blaðamaður og höf-
undur bókaraðarinnar Íslenskrar knattspyrnu, við Guðjón
Guðmundsson í íþróttafréttum Stöðvar 2 í gær um sigur
Stjörnunnar á Lech Poznan. „Það eru tveir sigrar Valsmanna
á frönsku liðunum Nantes og Monaco seint á síðustu öld og
sigur Skagamanna á Feyenoord árið 1993. En þessi leikur
kemur mjög fljótlega þar á eftir í hópi nokkurra annarra
mjög góðra úrslita,“ sagði Víðir. Valur vann Nantes, 2–1, á
Laugardalsvellinum 1985 og Monaco með ungan George
Weah innanborðs, 1–0, þremur árum síðar. Feyenoord-sigur
Skagans er grafinn í minni knattspyrnuáhugamanna þökk
sé frábæru skallamarki Ólafs Þórðarsonar. „Þetta er algjört
ævintýri,“ sagði Víðir um árangur Stjörnunnar í ár.
Bara þrenn úrslit betri í Evrópukeppni
VÍÐIR
SIGURÐSSON
GOLF Eitt skemmtilegasta golfmót ársins fer fram um
helgina þegar Einvígið á Nesinu hefst. Um er að ræða
góðgerðarmót og er að vanda tíu af bestu kylfingum
landsins boðið að leika á mótinu sem að þessu
sinnier til styrktar einhverfum börnum.
Er þetta í sautjánda sinn sem mótið
er haldið en ríkjandi meistari og ríkjandi
Íslandsmeistari, Birgir Leifur Hafþórs-
son, er ekki skráður til leiks. Það vantar þó ekki gæðin
í hópinn sem keppir á Nesvellinum á mánudaginn.
Kristján Þór Einarsson, Íslandsmeistari í holukeppni,
Helga Kristín Einarsdóttir, Íslandsmeistari unglinga, og
atvinnukylfingurinn Þórður Rafn Gissurarson sem sigraði
Einvígið árið 2012.
Klukkan 10.00 leika keppendur 9 holu höggleik en
klukkan 13.00 hefst svo einvígið(e. shoot-out). - kpt
Sigrar Þórður Rafn Einvígið á ný?
GOLF Bandaríski kylfingurinn
Dustin Johnson var í gær dæmd-
ur í sex mánaða keppnisbann
vegna eiturlyfjaneyslu. Greind-
ist Dustin með kókaín í blóðinu á
dögunum en það er ekki í fyrsta
sinn sem hann greinist með ólög-
leg efni í blóðinu.
Dustin hefur samkvæmt heim-
ildum bandarísku golfsíðunnar
Golf.com tvisvar verið gripinn
með ólögleg efni í blóðinu. Greind-
ist hann með maríjúana í blóðinu
árið 2009 og kókaín árið 2012.
Dustin, sem er einn högglengsti
kylfingurinn á PGA-mótaröðinni,
gaf frá sér yfirlýsingu í gær þess
efnis að hann ætlaði að taka sér
óvænt frí frá golfi næstu mán-
uðina.
Dustin hefur átt góðu gengi
að fagna á PGA-mótaröðinni á
þessu ári en heildarvinningar
hans á þessu ári eru rúmlega 4,2
milljónir Bandaríkjadala.
Var talið nokkuð víst að hann
yrði hluti af Ryder-Cup liði
Bandaríkjanna í ár en hann mun
nú missa af mótinu sem þykir
hápunktur golftímabilsins ásamt
því að missa af PGA-meistara-
mótinu sem fer fram í ágúst. - kpt
Leyfi reyndist
lyfj abann
VANDRÆÐUM Dustin var settur í sex
mánaða bann í gær. FRÉTTABLAÐIÐ/DANÍEL
SPORT
FÓTBOLTI KR-ingar tryggðu sér
sæti í bikarúrslitaleiknum á
fimmtudagskvöldið með 5–2 sigri
á ÍBV í Eyjum og héldu því áfram
magnaðri framgöngu sinni í bikar-
keppninni. Fram undan er fimmti
bikarúrslitaleikur KR-liðsins á
sjö árum og sá fjórði síðan Rúnar
Kristinsson tók við liðinu á miðju
sumri 2010.
KR-ingar hafa nú unnið 29 af
32 bikarleikjum sínum síðustu sjö
sumur eða yfir 90 prósent leikja
sinna í bikarkeppninni á undan-
förnum árum.
Gott bikargengi KR-inga krist-
allast kannski best í samanburði
við aðalkeppinauta þeirra í FH
sem hafa unnið 19 færri bikar-
leiki en Vesturbæjarliðið frá og
með árinu 2008.
Rúnar Kristinsson tók við KR-
liðinu um mitt sumar 2010 og
stjórnaði því í 20. bikarleiknum
í fyrradag. KR hefur unnið 18 af
þessum 20 leikjum og markatalan
er 50–17. Það er samt ekki eins og
KR-liðið hafi verið svona heppið
í bikardrættinum því sautján af
þessum leikjum eru gegn félögum
úr efstu deild og liðið hefur verið á
útivelli í sjö síðustu leikjum sínum
í átta liða úrslitum og undanúrslit-
unum.
Rúnar mætir með KR-liðið í
fjórða sinn á fimm árum í bikar-
úrslitaleikinn á móti Keflavík 16.
ágúst næstkomandi en eftir skell í
fyrsta bikarúrslitaleiknum (0–4 á
móti FH 2010) hafa menn Rúnars
fagnað sigri tvisvar (2011 á móti
Þór og 2012 á móti Stjörnunni). - óój
Með 90 prósenta sigurhlutfall í bikarnum
KR-ingar eru komnir í fi mmta bikarúrslitaleik sinn í karlafótboltanum frá og með sumrinu 2008.
19 FLEIRI SIGRAR Baldur Sigurðsson og
félagar í KR hafa unnið 19 fleiri bikarleiki
en FH frá 2008. FRÉTTABLAÐIÐ/DANÍEL
KÖRFUBOLTI Logi Gunnarsson spilaði sinn hundraðasta landsleik þegar íslenska karlalandsliðið vann
fjórtán stiga sigur á Lúxemborg í æfingaleik í fyrrakvöld. Logi hafði svo sannarlega tilefni til að brosa
út að eyrum eftir leikinn því hann hélt upp á tímamótin sín með sögulegum hætti.
Logi sker sig nefnilega úr á meðal þeirra tólf sem hafa komist í hundrað leikja klúbbinn en enginn
þeirra hefur bæði verið stigahæstur og fagnað sigri í hundraðasta landsleiknum sínum. Logi varð fjórði
leikmaðurinn sem nær því að verða stigahæstur í sínum hundraðasta landsleik en því náðu einnig þeir
Valur Ingimundarson, Guðmundur Bragason og Falur Harðarson. Þeir náðu því hins vegar allir í tapleik.
Jón Sigurðsson varð fyrsti meðlimur klúbbsins í ársbyrjun 1982 en 23 stigin hans dugðu aðeins til að
verða þriðji stigahæstur í 21 stigs sigri á Portúgal í Laugardalshöllinni.
Logi Gunnarsson er í fjórða sæti yfir flest stig í hundraðasta landsleiknum á eftir Vali Ingimundar-
syni (24 stig – 14.5 maí 1989), Jóni Sigurðssyni (23 – 6. janúar 1982) og Teiti Örlygssyni (22 – 19. maí
1997) og aðeins Herbert Arnarson hefur sett niður fleiri þrista í slíkum tímamótaleik en Logi skoraði
fjórar þriggja stiga körfur í leiknum. Logi hefur ekki skorað meira í landsleik síðan sumarið 2011 eða
í síðustu tuttugu landsleikjum sínum og hafði aðeins skorað samtals 20 stig í síðustu sex leikjum
sínum undir stjórn Peters Öqvist. Logi fann sig hins vegar mjög vel í fyrsta leiknum undir stjórn Craigs
Pedersen og vonandi verður framhald á því en Ísland mætir Lúxemborg aftur í æfingaleik í dag. - óój
Söguleg tvenna Loga í hundraðasta landsleiknum
LEIKUR NÚMER 101 Í
DAG Logi Gunnarsson
blómstraði í tímamóta-
leiknum.
Sigurhlutfall KR í
bikarnum 2008–14
32-liða úrslit: 100% (7 sigrar í 7 leikjum)
16-liða úrslit: 100% (7 sigrar í 7 leikjum)
8-liða úrslit: 100% (7 sigrar í 7 leikjum)
Undanúrslit: 71% (5 sigrar í 7 leikjum)
Bikarúrslit: 75% (3 sigrar í 4 leikjum)
Samtals: 91% (29 sigrar í 32 leikjum)