Fréttablaðið - 30.10.2014, Side 40

Þjónusta við aldraða FIMMTUDAGUR 30. OKTÓBER 20148
HUGAÐ AÐ HOLLUSTU
Þegar aldurinn færist yfir og
fólk hættir að vinna verður það
stundum minna svangt en áður
þegar allt var á fullum gangi
í lífinu. Ekki er þó sniðugt að
svelta sig. Góður morgunverður
er ákveðin vítamínsprauta fyrir
daginn. Þegar ekki er verið að
flýta sér úr húsi er gott að slaka
á yfir góðum morgunverði.
Fólk þarf að vera meðvitað
um hollustu, því ekki er gott að
borða bara sætabrauð. Það sem
ætti alltaf að vera á morgun-
verðarborðinu eru ósaltaðar
hnetur og þurrkaðir ávextir, afar
hollt og gott út í jógúrt eða
hafragraut. Soðið egg ætti að
vera á morgunverðarborðinu,
það er prótín- og vítamínríkt.
Hollt álegg, eins og brauðost,
tómata, agúrku og paprikubita
er sömuleiðis gott að hafa á
borðum.
Fullorðið fólk ætti alltaf að
vera með niðurskorna ávexti
hjá sér til að grípa í, til dæmis
appelsínu- og eplabáta. Allt
gefur þetta vítamín í kroppinn.
Ekki veitir af því að fá kraft og
orku yfir vetrarmánuðina.
BARÁTTUMÁL LANDSSAM
BANDS ELDRI BORGARA
Landssamband eldri borgara
hefur það að markmiði að
byggja upp öflug samtök
eftirlaunafólks sem gæta
réttar aldraðra og vinna að
hagsmunum þeirra gagnvart
stjórnvöldum. Í afmælisútgáfu
sambandsins af tímaritinu
Listin að lifa eru tekin saman
nokkur atriði sem landssam-
bandið leggur áherslu á. Þau
eru eftirfarandi.
… að dvalargjöld á stofnunum/
heimilum fyrir eldri borgara verði
lögð niður í núverandi mynd og
að íbúar haldi fjárhagslegu sjálf-
stæði.
… að eldri borgurum standi til
boða notendastýrð persónuleg
aðstoð.
… að valkostir varðandi búsetu
og þjónustu við aldraða verði
auknir.
… að heimaþjónusta verði efld
verulega í samræmi við stefnu
stjórnvalda.
… að samræmi verði í líf-
eyrisgreiðslum öryrkja og eldri
borgara.
… að stuðlað verði að lækkun
lyfjaverðs til dæmis með lækkun
virðisaukaskatts í sjö prósent
og að kostnaður eldra fólks
vegna heilbrigðisþjónustu verði
lækkaður
… að fasteignagjöld af íbúðum
sem eldri borgarar eiga og búa í
verði lækkuð verulega eða felld
niður.
… að komið verði á fót embætti
umboðsmanns aldraðra.
Kjaramál og lífeyrismál á
hverjum tíma eru auk þess sífelld
baráttuefni sambandsins og fjöl-
margt fleira. Sjá nánar á leb.is.
KNÚS OG HLÝJA GERA KRAFTAVERK
Snerting er hið fullkomna lyf við hinum ýmsu sálar- og líkamskvillum.
Hvort sem það er handaband, faðmlag eða nudd lækkar snerting blóð-
þrýsting og öran hjartslátt, styrkir ónæmiskerfið, linar sársauka, dregur
úr kvíða og eykur hamingju. Verum því dugleg að snerta gamla fólkið.
● Að haldast í hendur við ástvin er einkar róandi. Það veldur notalegri
samlíðan, eykur öryggistilfinningu og minnkar kvíða.
● Hlýtt og gott faðmlag fær ástarhormónið oxytósín til að flæða, það
dregur úr streitu og fyllir fólk trausti og öryggi gagnvart hvort öðru. Nið-
urstöður rannsóknar sýndi að streituhormón mældist enn lægra heilli
klukkustund eftir faðmlag á milli fullorðinna mæðgina og mæðgna.
● Nudd slakar á vöðvum, lækkar blóðþrýsting og dregur úr streitu-
hormóninu hýdrókortisóni sem bælir ónæmiskerfið. Við nudd nær
líkaminn að endurhlaða sig og um leið styrkist ónæmiskerfið.