Akureyri - 30.04.2014, Page 8

8 16. tölublað 4. árgangur 30. apríl 2014
Verslunarstjóri
Icewear óskar eftir að ráða verslunarstjóra
til starfa í nýja verslun okkar í Hafnarstræti,
Akureyri.
Hæfniskröfur:
• Reynsla af verslunarstörfum nauðsynleg
• Reynsla af verslunarstjórn æskileg
• Frumkvæði og metnaður í starfi
• Góð framkoma og rík þjónustulund
• Hæfni í mannlegum samskiptum
• Tölvu- og enskukunnátta
• Gott auga fyrir útstillingum
Umsóknir ásamt ferilskrá skulu berast á rafrænu formi
á netfangið: fridrik@icewear.is merkt „verslunarstjóri á
Akureyri“ fyrir 11. Maí. Umsóknum er ekki svarað í síma.
Um Icewear: Icewear var stofnað 1972 og starfaði lengst af
í ullariðnaði. Á undanförum árum hefur fyrirtækið þróðað
útvistarlínu sem er seld í verslunum í Evrópu og Norður
Ameríku undir vörumerkjunum Icewear og Norwear.
Víkurprjón er nú í eigu fyrirtækisins og framleiðum við þar
íslenskt hannaðar ullarvörur.
Starfsfólk
Óskum einnig eftir að ráða almenna starfsmenn í fullt starf.
Umsóknir ásamt ferilskrám sendast á fridrik@icewear.is
merkt „starf hjá Icewear Akureyri“ fyrir 11.Maí
Icewear leitar eftir
jákvæðu, ábyrgðarfullu og
kraftmiklu starfsfólki sem
hefur gaman af mann-
legum samskiptum, flottri
hönnun og sölumennsku
Sinfóníuhljómsveit Norðurlands 20 ára
Mahler, Sinfónía nr. 6
Á þessu ári fagnar Sinfóníuhljóm-
sveit Norðurlands 20 ára afmæli
sinu. Hljómsveitin varð til upp
úr Kammersveit Norðurlands,
sem starfaði með allgóðum og á
stundum góðum árangri í nokkur
ár. Þessi sveit, svo ágætt framtak
sem hún var, réði ekki við viða-
mikil verkefni, sem hugur manna
á Norðurlandi stóð til að flytja
íbúum landshlutans til ánægju og
menningarauka. Því var ráðist í
það að koma upp sinfóníuhljóm-
sveit, sem stæði undir nafni. Hún
hefur gert það. Hún hefur á ferli
sínum veit tónlistarunnendum
ómetanleg tækifæri til þess að njóta
tónlistar og þau hafa orðið sífellt
kærkomnari, því að hljómsveitin
hefur farið vaxandi bæði að getu og
áræði; áræði, sem ekki hefur reynst
vera oflæti, heldur miklu tíðast hið
gagnstæða. Þar hefur sveitin notið
krafta Guðmundar Óla Gunnars-
sonar, aðalstjórnanda síns, en hann
hefur iðulega sannað fjölbreytta og
mikla getu sína við flutning ýmissa
tegunda tónlistar. Ekki má heldur
látið ógetið þess mikilvæga þáttar
í starfi sinfóníuhljómsveitarinnar
að gefa tónlistarmönnum á Norður-
landi og lengra komnum nemendum
í tónlist kost á því að taka þátt í
flutningi krefjandi verkefna. Í þessu
rækir hún mikið uppbyggingar-
starf, sem er afar veigamikið fyrir
almennt tónlistarlíf í fjórðungnum.
Á stórtónleikum, sem haldnir
voru í tilefni afmælisins 17. apríl og
fóru að sjálfsögðu fram í Hofi, því
ágæta tónleikahúsi, réðist hljóm-
sveitin ekki á garðinn þar sem hann
er lægstur – fjarri því. Hún flutti 6.
sinfóníu Gustavs Mahlers, en hún
er talin ein af höfuðverkum hinna
klassísku tónbókmennta; samin á
árunum 1903 til 1904 og frumflutt
í Essen undir stjórn höfundarins
árið 1906. Verkið vakti þegar mikla
athygli og er mikið flutt allt til þessa
dags.
Verkið er í þremur þáttum Al-
legro energico, ma non troppo; And-
ante moderato; Scherzo og Finale:
Sostenuto - Allegro moderato - Al-
legro energico. Svo sem heiti þátt-
anna bera með sér eru þættir 1. 3.
og 4. allir hraðir, en þeir eru ekki
einungis það,. heldur líka þrungnir
djúpri tilfinningu, sem kemur fram
í miklum blæbrigðum tónlistarinnar,
sem segja má, að sveiflist innan hvers
þáttar á milli mýktar og eiginlega
allt að því ofsa. Blæbrigðin eru ekki
einungis í styrk, en slíkar breytingar
notar tónskáldið mikið, heldur líka
í hljómagangi, takti og samnýtingu
hljóðfæra. 2. þáttur verksins sker
sig úr. Hann er sem næst dreyminn
í heild sinni og myndar mótvægi við
hina þættina þrjá. Þannig dýptkar
hann verkið og gerir það áhuga-
verðara og fjölbreyttara jafnt fyr-
ir áheyrendur sem og, væntanlega,
flytjendur.
Svo sem nærri má geta gerir
flutningur á verki sem þessu miklar
kröfur til flytjenda. Þeir voru rétt
eitt hundrað á sviðinu í Hamraborg
og vitanlega margir fengnir að til
þess að uppfylla kröfur tónskáldsins
um skipan hljómsveitarinnar. Það
sýnir hæfni tónlistarmannanna, hve
vel þeir náðu saman undir sprota
Guðmundar Óla. Feyrur voru fáar
og í raun óverulegar, Nokkur órói í
strengjum í fyrsta þætti – kom smá-
vegis fyrir víðar og í fleiri hljóðfæra-
flokkum – hornin ekki alveg í lagi í
fjórða þætti, fáeinar innkomur ekki
alveg sem best verður á kosið, en
heildin var með ólíkindum góð, því
að hér var markið sett afar hátt og
almennt talað náðist það með prýði.
Fyrir komu í hverjum kafla afar vel
fluttir hlutar, svo sem samleikur
tréblásturshljóðfæra innan fyrsta
þáttar, lítið en gullfallegt „glissandó“
í öðrum kafla, sem situr enn í hug-
anum, verulega vel unnin blæbrigði
í fjórða kafla, sem gengur í gengum
hin ýmsu svið tilfinningasveiflna, og
afar nostursamlega unnin upphöf,
svo sem í fyrsta kafla, og lok, svo sem
í fjórða kafla, en þá sátu áheyrendur
sem negldir við sæti sín, hugteknir
og hrifnir áður en þeir brustu fram
í dynjandi lófataki, sem sannarlega
var að fullu verðskuldað.
Hafi einhver efast um það, að
Sinfóníuhljómsveit Norðurlands rísi
undir nafni, hlýtur sá hinn sami að
hafa farið sannfærður um villu sína
hafi hann sótt þessa afmælistónleika
sveitarinnar. Hún hefur slitið barns-
skónum. Hún er komin á fullorðinsár
og hún á eftir að þroskast enn. Á því
er sem næst enginn vafi. a
NÝR BÆJARLISTAMAÐUR
Á Vorkomu Akureyrarstofu var til-
kynnt að Ragnheiður Björk Þórsdótt-
ir myndlistarmaður hljóti 8 mánaða
starfslaun listamanns á Akureyri
2014-2015. Ragnheiður Björk er sögð
fremst í sinni röð meðal textíllista-
manna hér á landi.
Heiðursviðurkenningar úr Menn-
ingarsjóði fyrir mikilvægt framlag
til menningarmála á Akureyri hlutu
myndlistamaðurinn Guðmundur
Ármann Sigurjónsson og leikkonan
Sunna Borg.
Arkitektastofan Gláma-Kím
hlaut viðurkenningu fyrir bygginga-
list fyrir heildarútlit Háskólans á
Akureyri og einkar áhugaverða
heildarmynd háskólasvæðisins.
Þórunnarstræti 99 hlaut viður-
kenningu húsverndarsjóðs Akureyrar.
Slippurinn á Akureyri, sem er
stærsta skipasmíða- og málm-
vinnslufyrirtækið á Íslandi, veitti
viðtöku Athafnaverðlaunum Akur-
eyrar fyrir eftirtektarvert framtak í
atvinnulífinu.
Nýsköpunarverðlaunin komu í
hlut Neptune ehf. en fyrirtækið gerir
út tvö rannsóknarskip sem sérhæfð
eru til að þjónusta orkugeirann. a
Haukur Ágústsson
Skrifar tónleikagagnrýni
INGA SIGRÚN
ATLADÓTTIR
AÐSEND GREIN INGA SIGRÚN ATLADÓTTIR
Einelti í skólum
Undanfarin ár hefur umræðan um
einelti í íslenskum skólum verið tals-
verð.  Umræðan er mikilvægt en þó
er ennþá mikilvægara að kafa djúpt í
vandamálið og horfast í augu við hvað
raunverulega veldur því að
ekki tekst betur að ráða við
einelti en raun ber vitni.
Í þeim kenningum
sem mest eru notaðar til
að vinna gegn einelti á Ís-
landi er lögð áhersla á að
móta menningu í skólum
þannig að ekki sé flott að
níðast á öðrum og að sá
sem það gerir sé litinn
hornauga. Þessi félagsmótun þarf
að ná um allan skólann, bæði til
nemenda og starfsfólks.
Skólastjórar eru í lykilstöðu til
að móta skólamenningu þannig að
einelti líðst ekki. Í menningunni felst
lykillinn í vinnunni. Ef í skólanum
ríkir menning þar sem starfsfólki
leyfist að mismuna börnum þrífst
einelti. Þá er alveg sama hvað gert
er, einelti kemur alltaf aftur.
Nú er auðvelt að gera ráð fyrir
því að kennarar séu yfir það hafnir
að mismuna börnum. En
hvers vegna eigum við
að gera ráð fyrir að það
sé óvenjulegt þegar alls
staðar í samfélaginu er til
staðar menning þar sem
frumskógarlögmálið ríkir.
Það er engum sem
náttúrulega líkar vel við
alla – það er þjálfun að
láta sér líka vel við allt
fólk. Það þarf sjálfsaga og inn-
rætingu til að bera virðingu fyrir
skoðunum sem er ólík okkar eigin.
Stundum þarf kennari virkilega að
beita sig hörðu til að láta sér þykja
vænt um börn sem alla daga gera
starfið mun erfiðara en það þyrfti að
vera. Undir miklu álagi getur verið
auðvelt að kenna barninu um og láta
ógætileg orð falla.
Kennarar eru upp til hópa gott
fólk, eins og fólk almennt. En það
þarf sterkan ramma í skóla til að
sterkir einstaklingar sem ekki er
starfi sínu vaxnir eyðileggi ekki
andrúmsloftið í skólanum.
Starfsfólk skóla þarf að vera
skjöldur og hlíf fyrir alla nemendur,
líka grenjuskjóðurnar, klöguskjóð-
urnar, athyglissjúka einstaklinginn,
þann ofvirka, þann ofurviðkvæma,
töffarann, eineltarann og fórn-
arlambið. Það er ekki auðvelt og
sumum finnst það alls ekki sjálfsagt
viðhorf.
Í öllum starfsstéttum er fólk sem
hefur þörf fyrir að sýna vald sitt með
því að nýðast á öðrum. Það hættir
ekki fyrr en kerfið er nógu sterkt
til að stoppa þá hegðun, endanlega.
Inga Sigrún Atladóttir skólastjóri
Valsárskóla. a
RAGNHEIÐUR BJÖRK ÞÓRSDÓTTIR
bæjarlistamaður