Akureyri - 12.06.2014, Blaðsíða 4

4 22. tölublað 4. árgangur 12. júní 2014
Steinsmiðja Akureyrar • Glerárgötu 36 • S: 466 2800 • sala@minnismerki.is • www.minnismerki.is
Opnunartímar: Mán. - fim. kl. 13:00-18:00, föst. kl. 13:00-17:00
Frábært úrval af minnismerkjum!
Fagmennska • Gæði • Gott verð • 25 ára reynsla
Aðeins athygli á því sem
fer úrskeiðis í skólastarfi
Ásta F. Flosadóttir, skólastjóri Greni-
víkurskóla, sagði í útskriftarrræðu
sinni í síðustu viku að sum störf væru
þess eðlis að þau vektu ekki eftirtekt
nema þau væru unnin illa. Undir þetta
flokkuðust heimilisstörf og mörg störf
sem lytu að að umönnun og uppeldi.
„Stundum finnst mér að kennara-
starfið falli líka í þennan flokk.
Viðhorf alltof margra í samfélaginu er
að skólinn sé of tímafrekur og of dýr í
rekstri. Það starf sem unnið er í skól-
um landsins er oft vanmetið og um
það rætt bæði af vanþekkingu og yfir-
læti sem jaðrar við fyrirlitningu. Þeim
sem vinna í skólunum sárnar oft þessi
umræða, og ekki að ástæðulausu.
Kennarar vinna sitt starf almennt af
mikilli hugsjón og leggja mikið á sig
svo nemendum þeirra farnist sem
best. Það er því sárt að sitja undir
illa ígrunduðum dylgjum sem settar
eru fram meira til að slá um sig í fjöl-
miðlum en til að hafa bætandi áhrif á
skólastarf,“ segir skólastjórinn.
„Réttara væri að við sem þjóð
sameinuðumst í að hefja skólana og
kennarastarfið til vegs og virðingar.
Það er löngu kominn tími til að
við gerum okkur grein fyrir mikil-
vægi skólans í uppeldi og menntun
þjóðarinnar, horfum á unga fólkið
okkar eins og þá mikilvægu auð-
lind sem það er,“ segir Ásta F. Flosa-
dóttir. a
7% fjölgun innritaðra
Við lok umsóknarfrests um nám
við Háskólann á Akureyri fyrir
haustönn 2014 hafa borist 7% fleiri
umsóknir samanborið við árið á
undan. Vaxandi áhugi er á þeim
námsleiðum sem aðrir háskólar
á Íslandi eru ekki að bjóða upp á,
ásamt öðrum vinsælum námsleið-
um.
Þegar umsóknarfrestur rann út
um miðnætti þann 5. júní höfðu
1082 umsóknir um skólavist borist.
Það eru 7% fleiri umsóknir en bár-
ust fyrir sömu námsleiðir og tekið
var inn í á sama tíma árið 2013.
Þetta er mesti fjöldi umsókna sem
borist hefur fyrir nám við Háskól-
ann á Akureyri frá stofnun skólans.
Mest er fjölgun umsókna um grunn-
nám við skólann í fjölmiðlafræði en
aukning er 82% á milli ára. Einnig
er aukning í umsóknum um nám
í sjávarútvegsfræði, líftækni, sál-
fræði, félagsvísindum, hjúkrunar-
fræði og í kennaradeild skólans.
Háskólinn á Akureyri útskrif-
ar laugardaginn 14. júní yfir 300
nemendur og fer athöfnin nú fram
í glæsilegum húsakynnum skólans
og er það í fyrsta sinn sem það er
gert.
Að sögn Stefáns B. Sigurðsson-
ar rektors HA sýnir þetta að Há-
skólinn á Akureyri er á réttri leið. a
Frír flugdagur fyrir börnin
Flugáhugamannafélögin á Akur-
eyri í samstarfi við Flugskóla Akur-
eyrar bjóða börnum og unglingum
á aldrinum 8 til 14 ára þátttöku í
Alþjóðlega Young Eagles deginum
sem haldinn verður næstkomandi
laugardag 14. júní. Þátttakendum
er boðið í frítt hringflug og þeir fá
fræðslu um flug og flugvélar.
Young Eagles verkefnið var sett
á laggirnar árið 1992 og var til-
gangurinn að bjóða og kynna flugið
fyrir ungu fólki um allan heim og
markmiðið var að hafa flogið með
a.m.k. eina milljón börn og ung-
linga fyrir árið 2003 en þá voru 100
ár frá fyrsta flugi í heiminum. Þetta
tókst og síðan hefur verkefnið
haldið árfam og í dag hafa rúmlega
ein milljón og áttahundruðþúsund
tekið þátt í þessu ævintýri.
Unga fólkið fær fræðslu um
flugið, flugvélar og að lokum er
farið í loftið í einkaflugvélum fé-
lagsmanna. Að loknu fluginu fá
allir viðurkenningarskjal frá EAA
og þátttakendur eru síðan skráð-
ir í heimsins stærstu flugdagbók á
netinu.
Þetta verkefni er nú reynt í fyrsta
skipti hér á landi. Flogið verður frá
kl: 13:00 til 16:00 og er mæting
í húsnæði Flugskóla Akureyrar,
Skýli 13, Akureyrarflugvelli. a
Siglfirsk fiskbúð snuðar engan
Verðlagseftirlit ASÍ gerði verð-
samanburð á fiskafurðum í 27
fiskbúðum og öðrum verslunum
með fiskborð, víðsvegar um landið
mánudaginn 2. júní. Kannað var
verð á 23 algengum tegundum fisk-
afurða. Í um helmingi tilvika var
verðmunurinn á hæsta og lægsta
verði á milli 50-100%. Athygli vek-
ur hve fiskur er ódýr á Siglufirði.
Lægsta verðið var oftast að finna
hjá Litlu Fiskbúðinni Miðvangi
Hafnarfirði eða í 10 tilvikum af 23.
Fiskbúð Siglufjarðar var næstoft-
ast með lægsta verðið eða í fjórum
tilvikum af 23 og Fiskbúðin Fiskás
Hellu og Fiskbúðin Trönuhrauni í
þremur tilvikum.
Munur á hæsta og lægsta verði
í könnuninni var frá 25% upp í
123%. Mestur verðmunur í könnun-
inni var á stórlúðu í sneiðum sem
var dýrust á 3.990 kr./kg. hjá Fiski-
kónginum, en ódýrust á 1.790 kr./
kg. hjá Fiskbúðinni Fiskás Hellu
en það gerir 2.200 kr. verðmun eða
123%.
Minnstur verðmunur var á roð-
flettu og beinlausu ýsuflaki sem var
ódýrast á 1.590 kr./kg. hjá Fiskbúð-
inni Fiskás og Litlu Fiskbúðinni
Hafnarfirði en dýrast á 1.990 kr./
kg. hjá Hafberg, Fiskikónginum og
Ship O Hoj Reykjanesbæ, en það
gerir 400 kr. verðmun eða 25%.
Þá má nefna að ýsuofnréttur í
kókos/karrý sósu var ódýrastur á
1.490 kr./kg. hjá Litlu fiskbúðinni
en dýrastur á 2.190 kr./kg. hjá Haf-
berg sem er 47% verðmunur. Einnig
má benda á að þorskflök roðflett og
beinlaus voru ódýrust á 1.490 kr./
kg. hjá Litlu Fiskbúðinni en dýr-
ust á 1.999 kr./kg. hjá Hagkaupum
Kringlunni sem gerir 34% verðmun.
Könnunin var gerð m.a. í Fisk
kompaní Akureyri en búðin kemst
ekki á blað samkvæmt ASÍ, hvorki
fyrir hátt né lágt verð.
Ein búð, Melabúðin, neitaði
þátttöku í könnuninni. a
GRENIVÍKURSKÓLI
ÞAÐ HEFUR MYNDAST nýtt fjall í Eyjafirði. Völundur