Skessuhorn - 10.07.2013, Blaðsíða 15

15MIÐVIKUDAGUR 10. JÚLÍ 2013
Veiðivörur fyrir
fjölskylduna
Baulan - Sími 435-1440
Afgreiðslutími
þriðjud. til föstud. 12.30 – 18.00

Veiðivörur í miklu úrvali
Stekkjarholti 8-10 • Akranesi • 431 4318 • 894 2298
www.veidibudin.is • veidibudin@veidibudin.is
„Hér er góður gangur í augnablik-
inu. Miklar laxagöngur og veiði um
alla á. Sextán laxar veiddir í gær á
stangirnar fjórar, svo það var líflegt,
fyrir svo utan tökur og nart sem hélt
veiðimönnum í háspennu,“ sagði
Ástþór Jóhannsson við Straum-
fjarðará, þegar við heyrðum í hon-
um í byrjun vikunnar. „Mikið hef-
ur rignt hér í nótt og neðri hluti
árinnar nokkuð skolaður þar sem
dregur úr túnskurðunum umhverf-
is. Efri hlutinn er hinsvegar mun
betri. Strauma er nú alltaf fljót að
hreinsa úr sér móskolið. Það eru
því spennandi veiðidagur að hefj-
ast hér.“
Ástþór segir að búið sé að færa
til bókar um 100 laxa, en opn-
að var í veiðina 20. júní, en aðeins
er veitt á þrjár stangir til mánaða-
móta. „Fyrsta vikan af júlí verður
að teljast með eindæmum góð og
ekki vantar vatnið sem er kærkomin
breyting frá fyrri árum, því þurrk-
ar hafa plagað okkur hér undan-
farin sex sumur og það hefur bitn-
að mjög á veiði því yfirleitt er hér
nægur fiskur. Nú er öldin önnur;
gott og gamaldags íslenskt rigning-
arsumar og þá veiðist vel hjá okk-
ur í Straumfjarðará. Og laxinn sem
veiðist hefur verið ágætlega vænn,“
sagði Ástþór ennfremur.
Stórlaxar í Andakílsá
Fyrir helgi veiddist í Laxá í Aðal-
dal 115 cm löng hrygna sem líklega
hefur verið um eða yfir 30 þund að
þyngd. Var hún stærsti fiskur sem
veiðst hefur hér á landi síðan 2006.
En ævintýrin gerast víðar og okkur
nær. Á laugardaginn veiddust tveir
stórlaxar í Andakílsá í Borgarfirði.
Sá fyrri mældist 90 cm, var hæng-
ur og fékkst á veiðistað nr. 3. Þá
fékkst annar hængur sem mældist
85 cm í Efri Fossbakkahyl (veiði-
staður nr. 4). Báðir veiddust laxarn-
ir á flugu og var sleppt. Auk stóru
laxanna veiddust á laugardaginn
tveir 3,5 kg laxar. Á hádegi á laug-
ardaginn stóð Andakílsáin í 31 laxi,
en á sama tíma í fyrra höfðu 13 lax-
ar komið á land.
Norðurá yfir
þúsund laxa
„Það er mjög mikil veiði í Norð-
urá. Gærdagurinn fór langleiðina
í að skila 100 laxa veiði og mikill
fiskur að hellast inn. Þá gaf síðasta
tveggja daga holl í Straumunum 30
laxa,“ segir í frétt frá Stangveiði-
félagi Reykjavíkur á mánudaginn.
„Sem dæmi um lætin í Norðurá þá
settu tvær stangir í 40 laxa á morg-
unvaktinni og lönduðu 30 þeirra.
Viðlíka sögur eru sagðar við mat-
arborðið á Rjúpnahæð þessa dag-
ana. Mikið hefur rignt síðasta sól-
arhringinn og áin í vexti, en spáð er
enn frekari úrkomu í Borgarfirði.
Útlit er því fyrir að þetta verði með
albestu laxveiðisumrum við Norð-
urá.“
Straumarnir fara ekki varhluta
af miklum laxagöngum. Síðasta
holl fékk 21 lax á stangirnar tvær
á morgunvaktinni á sunnudag-
inn og endaði hollinu í 30 löxum á
tvær stangir á tveimur dögum. Það
er því útlit fyrir mjög gott sumar
á þeim slóðum líkt og allsstaðar í
borgfirsku ánum.
Allra veðra von á
heiðinni
„Við vorum sex félagar úr veiði-
félaginu „Upp á Heiðar“ í árlegri
veiðiferð á Arnarvatnsheiði um
sl. helgi,“ sagði Kristján Sigur-
bergsson sem hafði samband við
Skessuhorn eftir góðan veiðitúr
um helgina. „Samkvæmt venju þá
höldum við okkur á sunnanverðri
heiðinni og förum gjarnan á „okk-
ar“ staði sem hafa reynst vel í gegn-
um tíðina. Þessir staðir sem í okk-
ar hópi nefnast meðal annars; For-
maðurinn, Fálkahylur, Dalatangi,
Bleikjubugt og Sæmundarhyl-
ur, finnast ekki á opinberum kort-
um en við innvígðir göngum beint
að þeim og förum sjaldnast fisk-
lausir þaðan. Færri fiskar komu á
land í þessari ferð en oft áður og
kann hluti af skýringunni að vera
sá að veðrið var oft á tíðum með
versta móti; hávaða rok og rign-
ing og því erfitt að beita flugunni í
verstu vindhviðunum. Má segja að
um helgina hafi veðrið sýnt okkur
bæði sínar bestu en jafnframt verstu
hliðar en það voru ánægðir og veð-
urbarðir félagar sem komu af heið-
inni á sunnudaginn.“
Mikil laxagengd í
Gljúfurá
Í venjulegur árferði hafa gengið í
gegnum teljarann í Gljúfurá 500-
600 laxar. Nú þegar hafa gengið í
gegnum teljarann 404 laxar; 342
smálaxar og 62 stórlaxar. Að sögn
Birnu G. Konráðsdóttur formanns
Veiðifélags Gljúfurár er einnig at-
hyglisvert að stórlax gengur yfir-
leitt í Gljúfurá um eða eftir versl-
unarmannahelgi og er hann því
óvenjulega snemma á ferðinni.
Þetta er eina áin sem menn vita um
að þannig hagi til. Veiðin í Gljúfurá
er að nálgast 100 laxa, 96 voru á há-
degi í gær komnir á land, en áin var
opnuð 25. júní.
Fjör í Flóku
Síðasta holl í Flókadalsá í Borg-
arfirði veiddi 70 laxa eftir tveggja
daga úthald, sem er hreint út sagt
frábær veiði.
Loks fréttum við að góð silungs-
veiði hefi verið á Vatnasvæði Lýsu
að undanförnu. Nokkrir vænir sil-
ungar hefðu komið á land en ekki
hefur enn frést af laxi úr Lýsu.
Gott og gamaldags íslenskt rigningarsumar
hentar vel í Straumfjarðará
Fallegir urriðar sem tóku svartan Nob-
bler, aðfararnótt laugardagsins 6. júlí
á Arnarvatnsheiði.
Veiðikona hampar hér laxi við Sjávar-
foss í Straumfjarðará. Ljósm. gb.
Frá veiðistað nr. 3 í Andakílsá þar sem 90 cm hængur veiddist á laugardaginn.
Ljósm. Þorsteinn Ólafs.