Skessuhorn - 09.10.2013, Blaðsíða 12

12 MIÐVIKUDAGUR 9. OKTÓBER 2013
Síðastliðin ár hefur tíðkast að nem-
endur 10. bekkjar í Grunnskólan-
um í Borgarnesi fari í „útskriftar-
ferð“ að hausti, en ekki að vori eins
og tíðkast í mörgum öðrum skól-
um. Þetta er meðal annars gert
til þess að hrista hópinn saman í
upph3afi síðasta skólaárs. Strax í
9. bekk byrja nemendur ásamt for-
ráðamönnum að safna fyrir ferð-
inni og er skipulagning ferðarinn-
ar unnin í góðri samvinnu við þá.
Ferðirnar eru ekki alltaf eins á milli
ára og ekki er alltaf farið á sömu
slóðir, heldur er reynt að verða við
óskum nemenda hverju sinni. Þess-
ar ferðir eru yfirleitt farnar við lok
samræmdra könnunarprófa sem
haldin eru um miðjan september ár
hvert.
Núverandi 10. bekkur var mjög
duglegur að safna peningum fyrir
sinni ferð og því var hægt að fara í
nokkuð viðamikla ferð dagana 25.-
27. september sl. Um leið og síð-
asta könnunarprófinu lauk var farið
upp í rútu og ekið norður á Bakka-
flöt í Skagafirði þar sem gist var
tvær nætur. Í Skagafirði og víðar
á Norðurlandi var búið að skipu-
leggja hina ýmsu afþreyingu, t.d.
Paintball, Wipeout, River rafting
og skotfimi svo dæmi séu tekin.
Einnig var farið á skauta og í keilu
á Akureyri. Þessi ferð gekk í alla
staði mjög vel og voru nemendur
sér, foreldrum sínum og skólanum
til mikils sóma enda frábærir krakk-
ar á ferð.
Birna Hlín Guðjónsdóttir,
umsjónarkennari.
Hefð er komin fyrir því að á Sauða-
messu í Borgarnesi afhendir Borg-
arbyggð viðurkenningar fyrir
snyrtimennsku við íbúðar- og at-
vinnuhúsnæði í sveitarfélaginu.
Veittar eru fernar viðurkenningar;
fyrir íbúðarhús, atvinnuhúsnæði,
bújörð auk sérstakra hvatningar-
verðlauna. „Umhverfið hefur mikil
áhrif á daglegt líf fólks hvort heldur
það er fögur náttúra Borgarfjarðar
eða snyrtilega umgengið manngert
umhverfi. Snyrtimennska gleður
í senn augað og auðgar andann,“
sagði Sigurður Guðmundsson for-
maður umhverfis- og skipulags-
nefndar, en nefndin annaðist út-
hlutun viðurkenninga í samráði við
landbúnaðarnefnd. Viðurkenningar
að þessu sinni hlutu einbýlishúsa-
lóðin Fálkakletti 9 í Borgarnesi, at-
vinnuhúsið við Sólbakka 3, bænda-
býlið Bóndhóli og sérstaka viður-
kenningu hlutu ábúendur á Hamri
í Þverárhlíð.
Bóndhóll
Bændabýlið sem hlaut viðurkenn-
ingu árið 2013 er Bóndhóll, býli
skammt ofan við Borgarnes í fyrr-
um Borgarhreppi. Þar búa mynd-
arbúi Kristbjörn Jónsson og Þór-
hildur Þorgrímsdóttir.
Sólbakki 3
Atvinnulóð sem hlaut viðurkenn-
ingu 2013 er Sólbakki 3 í Borg-
arnesi, þar sem bifreiðaverkstæð-
ið Hvannnes er til húsa. Húsið og
rekstur er í eigu bræðranna Gunn-
ars og Sigurðar Arelíusar Emils-
sona.
Fálkaklettur 9
Viðurkenningu fyrir íbúðarhúsalóð
hlutu hjónin Örn Jónsson og Anna
Gerður Richter fyrir lóð sína við
húsið Fálkakletti 9 í Borgarnesi. Í
þá lóð hefur í grunninn verið lögð
mikil vinna og metnaður til að gera
hana fallega og vel úr garði, sagði
m.a. í umsögn dómnefndar.
Hamar í Þverárhlíð
Sérstök umhverfisverðlaun Borg-
arbyggðar 2013 hlutu hjónin
Anna Hallgrímsdóttir og Jóhann-
es Helgason á Hamri í Þverár-
hlíð. „Hamar er einstaklega fallegt
býli heim að líta. Öllu vel við hald-
ið og snyrtilegt. Á Hamri er ekki
hefðbundinn búskapur en stund-
uð skógrækt,“ segir í umsögn dóm-
nefndar.
mm/ Ljósm. Björn Húnbogi Sveinsson.
Nemendur tíunda bekkjar
í Borgarnesi fóru í vel
heppnaða útskriftarferð
Umhverfisviðurkenningar afhentar í Borgarbyggð
Fulltrúar eigenda sem hlutu viðurkenningar. F.v. Sigríður Leifsdóttir vegna Sólbakka 3, Jóhannes og Anna á Hamri, Þórhildur
á Bóndhól og hjónin Anna Gerður og Örn í Fálkakletti 9.
Fálkaklettur 9 í Borgarnesi. Sólbakki 3 í Borgarnesi.
Horft heim að Bóndhóli. Hamar í Þverárhlíð.