Þjóðlíf - 01.12.1987, Qupperneq 59

• Leitað að árennilegum skíðabrekkum.
Á skíðum í Sahara
Hvaða glóra er nú í þessu? Skíðaferð á
sandi? Jú, ÞJÓÐLÍF kynnir hér, fyrst blaða,
nýjasta valkost ferðamannsins; skíðaferð til
_______________FÓLK___________________
Sahara. Petta er uppátæki íslandsvinarins og
ferðafrömuðarins Norbert Schehle frá
Pýskalandi. Fyrr á árinu lét hann gamlan
draum um skíðaferð á sandinum rætast og
kom alsæll til baka ásamt vinum sínum.
Nú stendur jafnvel til að bjóða uppá
skíðaferðir til Sahara á ferðaskrifstofu Nor-
berts Schehle en til þessa hefur hann sérhæft
sig í íslandsferðum og er orðinn stærsti um-
boðsaðili þýskra ferðamanna til íslands.
Schehle er gjörkunnugur íslandi og hefur
dreift mjög vönduðum og ítarlegum kynn-
ingarbæklingi um ísland í Þýskalandi og
býður nú líka upp á ferðir til Grænlands og
Færeyja. Nokkru áður en Schehle hélt í
skíðaferðina til Afríku fór hann í torsóttan
og mikinn hundasleðaleiðangur um Græn-
land - rétt til að kynna sér aðstæður.
í skíðaferðinni var líka Hans nokkur
Meilinger frá Austurríki en hann hefur helst
unnið sér það til frægðar að finna upp Iítið
tæki sem notað er til að finna fólk sem hefur
týnst í snjóflóðum. Hefur það gefið góða
raun að sögn - þó ekki þyrfti að grípa til þess
á sandhólum Sahara. Það fylgdi reyndar
ferðasögu Schehles frá Sahara að innfæddir
hafi ekki efast eitt andartak um andlegt
ásigkomulag Evrópumannanna þegar þeir
héldu út á sandauðnina með skíðaútbúnað-
inn.
• Hans Meilinger á léttu svigi.
59