Víkurfréttir - 05.03.2009, Blaðsíða 9

VÍKURFRÉTTIR I FIMMTUDAGURINN 5. MARS 2009 9STÆRSTA FRÉTTA- OG AUGLÝSINGABLAÐIÐ Á SUÐURNESJUM
Tími árshátíða
Nú í upphafi Góu er tími árshátíða. Þannig gerðu
starfsmenn Reykjanesbæjar sér glaðan dag í Officera-
klúbbnum á Vallarheiði um sl. helgi. Það gerðu einnig
Lionessur úr Lionessuklúbbi Keflavíkur sem héldu
sína árlegu Góugleði í golfskálanum í Leiru.
Þar sem plássið í blaðinu okkar er af skornum skammti,
þá hefur myndum frá þessum tveimur hátíðum verið
komið inn á vef Víkurfrétta, vf.is undir ljósmyndasafn.
Háskólasamfélag, pólitík, menning og
íþróttir verða meðal málefna í sérstök-
um sjónvarpsþætti sem Víkurfréttir
hafa unnið að síðustu daga og verður
sýndur á sjónvarpsstöðinni ÍNN í kvöld
kl. 21.30. Þá verður hann sýndur á Kapalsjónvarpi VF.
Að sögn Páls Ketilssonar, ritstjóra VF verða tveir prufuþættir
á dagskrá ÍNN, í kvöld og næsta fimmtudagskvöld 12. mars og
báðir kl. 21.30. Ástæðan fyrir þessari tilraun er sú staðreynd
að stóru sjónvarpsstöðvarnar hafa þurft að skera niður kaup á
sjónvarpsefni frá VF í kreppunni en Víkurfréttir hafa m.a. sinnt
fréttaþjónustu fyrir Stöð 2 frá 1993. Í ljósi þessa ástands kom
upp hugmynd að fá pláss hjá ÍNN sem er opin stöð og aðgengi-
leg á Digital Ísland og Breiðbandi Símans.
Í þættinum í kvöld verður rætt við Runólf Ágústsson, fram-
kvæmdastjóra háskólafélagins Keilis um gang mála í gömlu
herstöðinni. Einnig verður rætt við Skúla Thoroddsen, en hann
býður sig fram í 1. sætið í prófkjöri Samfylkingarinnar um
helgina. Litið er á æfingu hjá Taikwando deild Keflavíkur og
spjallað við fjölskyldu sem æfir og keppir í sportinu. Þá er lit-
ið inn á æfingu hjá leikfélagi Nemendafélags Fjölbrautaskóla
Suðurnesja en það frumsýnir Sódómu um helgina.
Stutt fréttayfirlit er einnig í þættinum þannig að búast má
við fjölbreytni og skemmtilegheitum í þessum fyrsta
Suðurnesjaþætti sem hefur fengið nafnið „Suðurnesja-
magasín“.
-30 MÍNÚTNA SUÐURNESJA-
ÞÁTTUR VÍKURFRÉTTA KL. 21.30
SUÐURNESJA-MAGASÍN
Á ÍNN Í KVÖLD