Víkurfréttir - 08.04.2009, Blaðsíða 6

6 AUGLÝSINGASÍMINN ER 421 0000VÍKURFRÉTTIR I 15. TÖLUBLAÐ I 30. ÁRGANGUR
Samkaup breytist í Nettó:
Nýr valkostur í
verslun á Suðurnesjum
Nettó opnar í dag nýja og glæsilega verslun sem leysir af hólmi verslun Sam-
kaupa í Njarðvík. Með þessum breytingum verða ýmsar áherslubreytingar
sem miða aðallega að því að bjóða hnitmiðað vöruúrval og lægra verð en
Nettó er lágvöruverðsverslun eins og flestir vita. Í tilefni af opnuninni verða
mörg glæsileg tilboð í gangi á næstunni, eins og sjá má í blaðauka sem fylgir
Víkurfréttum í dag.
Svar við breyttu
neyslumynstri
„Meg in breyt ingin verð ur
fólgin í meira hnitmiðuðu
vöruúrvali með fókus á lægstu
verð sem við getum boðið
upp á. Við teljum að sú hug-
myndafræði sem er að baki
Nettó henti mjög vel í því ár-
ferði sem við erum að upp-
lifa núna. Þetta er okkar svar
við breyttu neyslu mynstri
á Suðurnesjum en það er al-
veg ljóst að fólk sækir meira
í lágvöruverðsverslanir en
áður. Við erum með þessu
að horfa til framtíðar með
því að aðgreina okkur í sam-
keppninni,“ segir Sturla Eð-
varðsson, framkvæmdastjóri
Samkaupa.
Hnitmiðað vöruúrval í Nettó
hefur í för með sér minni
breidd í þeim efnum enda
gengur rekstur lágvöruverðs-
verslana út á meiri veltuhraða
en í hefðbundinni verslun.
Neytendur eiga engu að síður
að geta fundið allt sem vantar
til heimilisins á einum stað
í Nettó, að sögn Sturlu. Eftir
sem áður verður boðið upp á
mikið vöruúrval, einnig í sér-
vöru.
Boðið upp á
raunverulegan sparnað
„Við ætlum áfram að bjóða
upp á góðar vörur, gæðavöru
og ferskleika bæði í grænmeti
og kjöti. Þrátt fyrir ákvörðun
um að loka kjötborðinu í nú-
verandi mynd þá verður boðið
upp á mikið úrval í kjöti. Við
verður áfram með kjötiðnaðar-
mann og fólk sem sinnir þeim
þætti þannig að við komum
til með að fylgjast grannt með
þörfum viðskiptavina hverju
sinni og reynum að bregðast
við því,“ segir Sturla. Þess má
geta að áfram verður boðið
upp á eldaðan kjúkling sem
notið hefur mikilla vinsælda
á meðal viðskiptavina Sam-
kaupa.
Auk þekktr ar merkja vöru
stendur Samkaup fyrir eigin inn-
flutningi á sambærilegri vöru til
að bjóða viðskiptavinum ódýr-
ari valkost undir vörumerkjum
eins og Coop og Extra sem er
enn ódýrari. Með því er höfðað
til breiðari hóps viðskiptavina.
„Þessar vörur er að finna í
öllum okkar verslunum enda
hefur það verið keppikefli okkar
að bjóða fólki upp á val þar sem
það getur raunverulega sparað,“
segir Sturla.
Aðspurður segir hann að lág-
vöruverðsverslunin Kaskó við
Iðavelli verði áfram rekin í
þeirri mynd sem verið hefur.
Þrátt fyrir að hún sé lítil sé
mikið verslað þar enda hafi
staðsetning hennar góðar teng-
ingar í allar áttir. „Við viljum
áfram vera öflugur þátttakandi
í samkeppni hér á svæðinu og
veitir ekki af. Það er okkar von
að Suðurnesjamenn kunni
að meta þessar breytingar og
haldi áfram að styðja öflugt
fyrirtæki í heimabyggð,“ segir
Sturla.
Sturla Eðvarðsson, fram-
kvæmdastjóri Samkaupa.
Undanfarið hefur verið unnið hörðum
höndum að breytingunum.