Víkurfréttir - 11.06.2009, Síða 12

12 AUGLÝSINGASÍMINN ER 421 0000VÍKURFRÉTTIR I 24. TÖLUBLAÐ I 30. ÁRGANGUR
Grindvíkingar eru höfðingjar heim að sækja eins og ljósmyndari Víkurfrétta komst að á ferð
sinni um Grindavík á hátíðinni Sjóarinn síkáti. Við Glæsivelli í Grindavík beið rauður dregill
eftir ljósmyndaranum og síðan var boðið upp á hvítlauksristaðan humar, hnallþórur og
viðeigandi drykki. Síðar sama dag var ljósmyndarinn kallaður að húsi við Vesturhóp þar sem
tveir lambaskrokkar voru á grillinu og bjórinn Kaldi eins og fólk gat í sig látið. Myndband úr
grillveislunni í boði Kalda er í Vefsjónvarpi Víkurfrétta á vf.is
Kátína í veltibílnum.
Humar og hvítvín eða kaffi og kökur við Glæsivelli.
Myndarleg börn á sjómannahátíð. Grindjánar buðu upp á hjólaferðir.
Hátíðahöldin voru fjölmenn og góð þátttaka í öllum dagskrárliðum. Koddaslagur er ómissandi liður á sjómannadaginn. Það var mikið keppnisskap í mönnum.
Um 15.000 manns sóttu sjómannahátíðina Sjóarann síkáta
sem haldin var í Grindavík um liðna helgi. Veðrið lék við
Grindvíkinga og gesti en hátíðin stóð frá fimmtudegi og
fram á sunnudagskvöld. Dagskráin var fjölbreytt og sniðin að
þörfum sem flestra.
Skreytingar voru áberandi í bænum en hverfin höfðu hvert
sinn lit og var mikil samkeppni í bænum um að gera sem
glæsilegastar skreytingar. Þá voru garðveislur um allan bæ og
Grindvíkingar voru höfðingjar heim að sækja. Grillað sjávarfang
og stórsteikur voru á borðum fyrir gesti og gangandi. Landsins
besta humarsúpa var afgreidd í tunnuvís og svo mætti lengi
telja. Aðstandendur hátíðarinnar eru í skýjunum með hvað
framkvæmdin tókst vel og ánægðir með hversu margir létu sjá
sig á hátíðinni sem nú var haldin í 11. sinn.
15.000 síkátir!
VIDEO FRÁ

HÁTÍÐINNI
Á VF.IS