Víkurfréttir - 28.10.2010, Blaðsíða 14
AUGLÝSINGASÍMINN ER 421 0000VÍKURFRÉTTIR I 42. TÖLUBLAÐ I 31. ÁRGANGUR14
- Hver er staðan hjá rafverk-
tökum á Suðurnesjum í dag?
„Hún er merkilega góð, þrátt
fyrir ástandið. Hún fer hins
vegar versnandi. Það er í raun
ótrúlegt hvað þetta hefur
hangið, en það hefur dregið úr
vinnu og verð hafa snarlækk-
að, sérstaklega hér á svæðinu“.
- Eru menn þá að vinna undir
kostnaðarverði?
„Já, það þekkist og það fer
bara á einn veg og skilar engu,
hvorki til verktakans né við-
skiptavinarins þegar upp er
staðið“.
Hjörleifur segir möguleikana
vera óþrjótandi á Suðurnesj-
um og bendir á að á Ásbrú og
Keflavíkurflugvelli sé hægt að
vera með 100 til 150 ársverk í
að klára þau verk sem ólokið
er í umbreytingu rafkerfisins.
VIÐSKIPTI & ATVINNULÍF Á SUÐURNESJUM
Fjöldi verkefna handan við
hornið sem bíða ákvörðunar
n Rafverktakar óttast verkefnaskort á Suðurnesjum:
Í Rafverktakafélagi Suðurnesja eru 16 fyrirtæki og í iðninni eru starfandi um 100 rafvirkjar á Suðurnesjum. Rafvirkjum
fer þó fækkandi og eitthvað er um að rafvirkjar hafi yfirgefið
landið og horfið til starfa á hinum Norðurlöndunum eftir að
verkefni drógust saman hér heima á Íslandi. Rafverktakar á
Suðurnesjum tóku sig saman á dögunum og auglýstu sam-
eiginlega til að minna á sig og þá þjónustu sem þeir bjóða.
Verkefnaskortur er fyrirsjáanlegur í faginu á Suðurnesjum en
rafvirkjar benda á fjölda verkefna sem séu handan við hornið
og sé hægt að fara í með skömmum fyrirvara. Hjörleifur Stef-
ánsson er formaður Rafverktakafélags Suðurnesja.
Bráðabirgðalög sem sett voru
vegna rafkerfismála á svæð-
inu eru runnin út en Bruna-
málastofnun gaf frest gegn því
að aðilar málsins kæmu með
verkáætlun. Verkefnastaðan er
þannig að Þróunarfélag Kefla-
víkurflugvallar hefur lokið nær
öllum verkefnum sem snúa að
þeim, Háskólavellir eiga þó
nokkuð eftir í sínum íbúðum á
svæðinu og eru að vinna í fjár-
mögnun þeirra verkefna. Þá
er ÍSAVIA að vinna í hönnun
á þeim breytingum sem þarf
að gera á flugvallarsvæðinu.
Þar þarf að breyta öllum braut-
arljósum á flugbrautum og
þá er félagið með fjölmargar
byggingar á flugvallarsvæð-
inu sem þarf að gera rafkerf-
isbreytingar í.
Hjörleifur er einn af eigendum
verktakafyrirtækisins Bergraf.
Í því fyrirtæki sameinuðust
rafverktakar m.a. til að taka
að sér verk við uppbyggingu
álvers í Helguvík. Ef áætlanir
með álverið hefðu gengið eftir
væru nú um 30-50 rafvirkjar að
störfum í Helguvík. Staðan er
hins vegar sú að í dag eru tveir
menn að störfum í Helguvík
og hafa lítið að gera.
Miklar vonir eru bundnar við
forval sem nú er í gangi vegna
fyrirhugaðrar innréttingar á
sjúkrahúsinu á Ásbrú. Hjör-
leifur segir að þar verði mikil
vinna fyrir rafvirkja og aðra
iðnaðarmenn.
Hjörleifur bendir á að flest
stærri rafverktakafyrirtæk-
in á Suðurnesjum hafi ver-
ið með um helming af sínu
starfsfólki í verkefnum á höf-
uðborgarsvæðinu undanfarin
ár. Hann segir að það sé ekki
sama kreppan þar og hér á
Suðurnesjum. Flest verkefnin
hafa verið í gangi yfir langan
tíma en séu reyndar að klár-
ast um þessar mundir. Þegar
verkefnin klárast á höfuðborg-
arsvæðinu komi starfsmenn-
irnir heim og eins og staðan
er núna er ekkert í hendi með
verkefni fyrir þá.
Hjörleifur sér leik á borði fyrir
ríkisvaldið að fara í þau verk-
efni sem eru á borði ÍSAVIA,
enda sé þar mikil vinna fyrir
rafvirkja, málara og aðra iðn-
aðarmenn í því ástandi sem
nú ríkir.
Rafverktakar á Suðurnesjum
auglýstu á dögunum sameig-
inlega til að minna á sig og
þau verkefni sem þeir taka
að sér. Þeir vildu minna fólk
og fyrirtæki á það að þegar
rafverktaki hefur tekið að sér
verk í byggingu, þá ber hann
ábyrgð á rafmagni bygging-
arinnar. Í dag er fjöldi eigna
í eigu banka og lífeyrissjóða.
Þetta eru 800 til 1000 eignir og
segir Hjörleifur að þarna séu
mikil verkefni, enda hafi mikið
af þessum eignum ekki verið
kláraðar. „Það er oft ekki mjög
mikið, en það þarf að ljúka
því“, segir Hjörleifur.
Í stefnumörkun rík-isstjórnarinnar var
ákveðið að
auka atvinnu
og verð-
mætasköpun
í íslenskum
sjávar-
útvegi m.a.
með því að
ýta undir frekari full-
vinnslu hérlendis.
Nú geta verið skiptar skoð-
anir um ágæti þessa, meðal
annars út frá hagrænu
sjónarmiði í einstaka tilviki
og samskiptum við okkar
viðskiptamenn og mark-
aði t.d. á Humbersvæðinu í
Bretlandi. Hér verður því að
fara að með gát og það hefur
verið gert en engu að síður
náðst umtalsverður árangur.
Á nýliðnu fiskveiðiári var
fluttur út óunninn ísaður
fiskur á erlenda fiskmarkaði
með veiðiskipum og gámum
að verðmæti 13,2 milljarða
króna miðað við 17,8 millj-
arða króna á fiskveiðiárinu
2008/2009. Verðmæti út-
flutts óunnins afla dróst því
saman um rúm 26% á milli
fiskveiðiára. Útflutt magn
dróst einnig verulega saman,
úr 58.978 tonnum á fisk-
veiðiárinu 2008/2009 niður
í 38.201 tonn á nýliðnu fisk-
veiðiári, eða um rúm 35%.
Að sama skapi hefur atvinna
við landaðan afla aukist og
í því er mikill ávinningur.
Ég ætla ekki að þakka mín-
um aðgerðum þetta einum
og sér, því margir samverk-
andi þættir áttu hér hlut
að máli og þá ekki síst að
íslensk fiskvinnsla hefur
bætt samkeppnishæfni
sína og því ber að fagna.
Mér var síðan falið að tak-
marka framsal á aflaheim-
ildum, auka veiðiskyldu,
draga úr möguleikum á
hinni s.k. kínversku leið
og endurskoða tilfærslur á
heimildum milli ára. Þetta
allt hefur verið gert í breyt-
ingum sem gerðar voru á
lögunum um stjórn fiskveiða
sl. vetur. Nokkrar takmark-
anir voru settar á framsal,
veiðiskyldan var tvöfölduð
og heimild til tilfærslu á
milli ára var minnkuð um
meira en helming svo eitt-
hvað sé nefnt. Tekið hefur
verið á veiðiheimildum ým-
iss konar ferðaþjónustubáta
og vona ég að þau mál séu
nú komin í viðunandi horf.
Þessar breytingar á lögum
um stjórn fiskveiða eru
réttarbót og samt aðeins
lítið skref á langri leið.
Aukin fullvinnsla afurða
er mikilvægur liður í efl-
ingu atvinnulífs og barátt-
unni gegn atvinnuleysi.
Jón Bjarnason
sjávarútvegs- og
landbúnaðarráðherra.
n Jón Bjarnason skrifar:
Aukin atvinna
við landaðan afla