Víkurfréttir - 12.01.2012, Blaðsíða 16

Draumur í dós
Öll eigum við okkur drauma að hætti ABBA flokksins. Við lifum í trúnni að bráðum birti til á bæjunum og blessunarlega er þráin ekki
skattlögð. Ennþá. Sumir draumar rætast, aðrir liggja í
láginni og dorma. Flesta dreymir um skjótfengin auðæfi,
nánast eins og þau falli af himnum ofan í faðminn breiða.
Einhverjir spila í happdrætti og finnst löngu tímabært
að þeirra tími sé kominn. Lottóið, Háskólinn, SÍBS, DAS
og hvað þetta heitir nú allt saman. Góðra gjalda vert að
styrkja málstaðinn, en svo koma bara réttu tölurnar alls
ekki. Er orðinn leiður á að vera með númerið við hliðina á
þeim heppna. Hundfúlt, en þori ekki að hætta.
Það er ekki um annað að ræða, en taka „secret-ið“ á þetta allt saman. Minn draumur er að losna undan klafa auðvaldsins, sem glottir með
vísitölusvip á híbýlin og rukkar eins og ræningi í Kardimommubæ. Réttast
væri að senda Soffíu í seðlagryfjurnar, ja fussum svei og fussum svei!
Ætla mér nú að snúa þessari hringavitleysu við og létta á klafanum. Vísa
löngutöng og vísifingri með taktföstum hreyfingum frá augntóftum að
Ægishrammi! Stend ekki í frekari dáleikum við þessa andskota.
Leyndarmálið mitt er að eignast lítinn kofa við litla laut sem hjá rynni spræna. Alveg eins og hjá Ólafi, nema hvað minn yrði smærri í sniðum
en hans. Fjallahringurinn á að blasa við í fjarska og angan af vorinu á að
berast til mín úr iðrum jarðar. Lóukvakið úr túninu yrði merki um lífsins
endurleik. Já, framundan eru breyttir tímar og brakið í óbreytanleikanum
ómar í hugarfylgsnum sálarinnar. Þráin er mér náin og nú verður ekki
aftur snúið.
En hvað verður svo umleikis, þegar allt er orðið hljótt. Frúin mun una sér við sína eftirlætisiðju og ég mun sitja við skriftir og hvíla angurvær
við gluggatóft. Hugleiða síðan með undrunarsvip hvað það var, sem hélt
aftur af mér, að láta drauminn rætast. Hafa látið þrána þrána og umfram
allt, að hafa horft í baksýnisspegilinn löngum stundum, þegar allt þar, var
og kemur ekki aftur. Blessuð sértu sveitin mín!
vf.is
Fimmtudagurinn 12. janúar 2012 • 2. tölublað • 33. árgangur
auglýsingasími víkurfrétta er 421 0001
FIMMTUDAGSVALS
VAlUr KeTIlSSon SKrIFAr
.
Spennandi vinnustaður í alþjóðlegu umhverfi
SUMARSTÖRF
Hæfniskröfur:
• Góður sölumaður með ríka þjónustulund
• Reynsla af verslunarstörfum
• Hæfni í mannlegum samskiptum
• Gott vald á íslenskri og enskri tungu
Fríhöfnin ehf. er dótturfyrirtæki ISAVIA ohf. og annast rekstur 6 verslana í Flugstöð Leifs Eiríkssonar. Félagið er stærsta
verslunarfyrirtækið í Flugstöðinni með um 120 starfsmenn. Stærstu vöruflokkarnir í verslunum félagsins eru áfengi, tóbak,
snyrtivörur, sælgæti og fatnaður. Fríhöfnin er framsækið fyrirtæki í síbreytilegum ferðaheimi þar sem markmiðið er að
bjóða upp á gæðavörur á góðu verði í samkeppni við verslanir á erlendum flugvöllum.
Fríhöfnin hefur sett sér það markmið að vera ávallt til fyrirmyndar í jafnréttismálum. Í jafnréttisáætlun
félagsins er unnið að því markmiði með margvíslegum hætti og leggur Fríhöfnin áherslu á að jafna hlutfall
kynjanna í sambærilegum stöðum.
Konur jafnt sem karlar eru hvött til að sækja um starfið.
Vegna kröfu um reglugerð um flugvernd þá þurfa umsækjendur að fylla út og skila inn umsókn vegna
bakgrunnsskoðunar, nánari upplýsinga er að finna á heimasíðunni.
Fríhöfnin ehf. óskar eftir að ráða starfsfólk í vaktavinnu í verslun fyrirtækisins á Keflavíkurflugvelli. Leitað
er að glaðlyndum, snyrtilegum og reyklausum einstaklingum sem hafa góða samskiptahæfileika, lipra og
þægilega framkomu, eru sveigjanlegir, geta unnið undir álagi og sýnt frumkvæði í starfi. Starfið felst í sölu
og áfyllingum í verslun. Einnig er óskað eftir starfsfólki á lager en unnið er í dagvinnu og er meirapróf
æskilegt. Aldurstakmark er 20 ár.
Umsækjendur þurfa að geta hafið störf fyrir 1. júní. Umsóknafrestur er til 30. janúar. Nánari upplýsingar
veitir Sóley Ragnarsdóttir, mannauðsstjóri Fríhafnarinnar, soley.ragnarsdottir@dutyfree.is. Umsóknar-
eyðublöð má finna á www.dutyfree.is/atvinna
Munum dýrin
stór og smá!
Undanfarnar vikur hafa verið erfiðar
veðurfarslega og þá er ástæða til að
muna eftir bæði smáfuglunum og
þeim stærri. Þannig hafa gæsir leitað
í stórum stíl inn í byggð eftir æti. Þá
rakst ljósmyndari VF á nokkur hross í
Garðinum sem áttu ekki auðvelt með
að komast í æti og voru kuldaleg að
sjá, eins og myndin hér að ofan sýnir.
LAUS STÖRF Í LEIKSKÓLUM
HJÁ SKÓLUM EHF
Heilsuleikskólinn Krókur Grindavík
Auglýsir eftir leikskólakennara - fagstjóra í hreyfingu
Viðkomandi sér um kennslu og þróun hreyfingar í leikskólanum bæði úti
og inni ásamt öðrum störfum. Hann þarf að vinna sjálfstætt að markmiðs-
setningu og skipulagningu starfsins í samráði við stjórnendur.
Fáist ekki leikskólakennari verður ráðinn starfsmaður með aðra uppeldis-
menntun eða leiðbeinandi.
Starfið hentar íþróttafræðingum vel.
Heilsuleikskólinn Krókur er 4 deilda leikskóli með um 100 börn. Í stefnu leikskólans er lögð áhersla á
heilsueflingu, frjálsan leik, umhverfismennt og jákvæð samskipti með áherslu á umhyggjusamt námsumhverfi.
Við leggjum ríka áherslu á jákvæðan skólabrag og öflugt lærdómssamfélag þar sem samvinna og gleði
ríkir og því leitum við að samstarfsfólki sem:
- Er tilbúið að tileinka sér starfsaðferðir leikskólans.
- Hefur áhuga á heilsueflingu, umhverfismennt og umhyggjusömum samskiptum.
- Er tilbúið að taka þátt í öflugri starfsþróun.
- Er stundvíst, samviskusamt og leggur sig fram um að velja sér jákvæð viðhorf í dagsins önn.
Við hvetjum karla jafnt sem konur til að sækja um.
Nánari upplýsingar veitir:
Hulda Jóhannsdóttir leikskólastjóri, sími 426-9998.
Rafrænar um óknir r hægt að leggja inn á www.skolar.is/Starf/
Heilsuleikskólinn Háaleiti Ásbrú Reykjanesbæ
Heilsuleikskólinn Háaleiti óskar eftir að ráða leikskólakennara
og/eða uppeldismenntaðan starfsmann í 100% stöðu
Í leikskólanum er unnið eftir heilsustefnunni með áherslu á næringu,
hreyfingu og listsköpun.
Unnið er með jákvæð og gefandi samskipti og er góður andi ríkjandi
í skólanum.
Hafir þú áhuga á að vinna í lifandi og metnaðarfullu starfsumhverfi með skemmtilegu fólki þá hafðu samband.
Við hvetjum karla jafnt sem konur til að sækja um.
Nánari upplýsingar veita:
Þóra Sigrún Hjaltadóttir leikskólastjóri í síma 426-5276
Rafrænar umsóknir er hægt að leggja inn á www.skolar.is
Heilsuleikskólar Skóla:
Hamravellir, Háaleiti, Kór og Krókur.
Leikskóli á “Heilsubraut“
Ungbarnaleikskólinn Ársól.
Gamaldags
og nýtin
Mikið ósköp getur maður verið stíflaður stundum. Ég
á mér þann leiða
ósóma að nýta alla
hluti fram yfir allt
velsæmi. Á meðan
þeir tóra, þá duga
þeir. Reyni að vera
þokkalegur til fara
en gef þó garmana
áður en ég vex upp
úr þeim eða öllu
heldur út úr þeim. Teygi lopann á
öðrum hlutum, þegar enginn sér
til. Frúin hlær að mér og segir að ég
sé ótrúlega nýtinn. Á minn hátt.
Tökum sem dæmi sportið. Það á sér tísku eins og allt
annað. Sama hvar þú berð niður,
þá eru nýir gallar og betri græjur
bráðnauðsynlegar, annars ertu
ekki með. Það var mikið hlegið
að mér þegar ég mætti á teig í
Leirunni fyrir nokkrum árum og
það upplýstist að ég hafði notast
við sama golfsettið í heil þrjátíu
ár! „Þeir á Byggðasafninu voru
að hringja og spyrja um þig“ var
viðkvæðið. Ég var litinn hornauga
með þessar líka eldgömlu járn- og
trékylfur, að jafnvel grassvörðurinn
leit undan þegar ég sló. Gafst upp
á endanum og uppfærði áhöldin
enda þróunin gífurleg. Spila miklu
betur núna, verð að viðurkenna
það. Að ég held.
Er samt enn að hanga á túpu-sjónvarpinu sem ég keypti fyrir
sex árum, enda nýjasta og besta
túpan í boði þá. Og enn hlæja
pungarnir að mér. „Er gamli enn
með túpu?“ og ég fullyrði að það sé
nóg eftir af tækinu. Tekur reyndar
hálfa mínútu að komast í gang en
skilar ágætis mynd. Á tvær aðrar
í notkun í kofanum og skammast
mín ekkert fyrir það. Ennþá. Þarf
samt að fara að huga að endurnýjun,
enda nýju tækin þynnri, skýrari,
orku- og umhverfisvænni. Alveg
örugglega. Ætla mér á útsölu á
nýárinu og skipta út. Allavega einu.
Svo er það ljósadýrðin á heim-ilinu. Geri ekki annað allan
liðlangan daginn heima hjá mér en
að slökkva ljósin. Það eru logandi
ljós út um allt hús og allir halda
að frú Orka sé ekki að mæla. Af
hverju þurfa að vera ljós í öllum
herbergjum þegar ekkert er í
gangi. Er ég gamaldags og nýtinn?
Allavega hundleiðinlegur á nútíma
mælikvarða.
vf.is
Opið frá kl. 8:00 - 17:00
Engar tímapantanir
Njarðarbraut 7
Bifreiðaskoðun
Fi tudagurinn 5. j r 1. tölublað • 33. árgangur
i í i í
Vertu í sambandi!
Auglýsingadeild
í síma 421 0001 (gunnar@vf.is)
Fréttadeild í síma
421 0002 (hilmar@vf.is)
FIMMTUDAGS
VALS
VAlUr KeTIlSSon SKrIFAr
Steinar Jóhannsson
ráðinn skólastjóri
Myllubakkaskóla
Guðrún Snorradóttir hefur látið af störfum sem skóla-
stjóri Myllubakkaskóla frá og með
1. janúar 2012.
Steinar Jóhannsson verður tíma-
bundið skólastjóri Myllubakkaskóla
eða fram til 1. ágúst 2012. Auglýst
verður í stöðu skólastjóra með
vorinu.
Eva Björk Sveinsdóttir verður
tímabundið aðstoðarskólastjóri eða
fram til 1. ágúst 2012.
›› reykjanesbær:
Tökum að okkur allt
- einnig laðaumbrot og auglýsingagerð!
Upplýsingar í síma 421 0000 eða póstur á pket@vf.is
pre tverk og hönnun
vf.is