Bæjarins besta - 12.04.2007, Síða 5

FIMMTUDAGUR 12. APRÍL 2007 5
Nú brettum við
upp ermarnar!
Hvíldarklettur ehf., leitar að öflugu fólki til að vinna með núverandi
starfsfólki og eigendum að uppbyggingu á stærsta verkefni á
sviði ferðaþjónustu á Vestfjörðum frá upphafi. Unnið er að sam-
einingu nokkra fyrirtækja í ferðaþjónustu um þessar mundir und-
ir merki Hvíldarkletts ehf til að takast á við öfluga uppbyggingu
og samstillta markaðssókn fyrir ferðaþjónustu á Vestfjörðum.
Útgerðarstjóri
Við leitum að öflugum aðila til að sjá um útgerð 22 frístundaveiði-
báta sem gerðir verða út frá norðanverðum Vestfjörðum. Hlutverk
útgerðarstjóra er eftirlit með viðhaldi bátanna, umsýsla með afla-
heimildir, sala á afla og vinna að nýjum verkefnum tengt útgerðinni.
Fjármálastjóri
Við leitum að kraftmiklum viðskiptafræðingi eða rekstrartækni-
fræðingi til að sjá um fjármála og verkefnastjórn innan fyrirtækisins.
Fjármálastjóri vinnur náið með skrifstofufulltrúum og er þeirra
yfirmaður. Aðalhlutverk fjármálastjóra verður áætlunargerð og
greining nýrra verkefna.
Verslunarstjóri
Við leitum að áhugasömum aðila til að taka að sér verslunarstjórn
yfir þremur verslunum í Ísafjarðarbæ. Hlutverk verslunarstjóra er
mönnun vakta, innkaup, vörustjórnun, vörueftirlit og þátttaka í að
breyta verslunum í takt við nýja tíma.
Yfirmatreiðslumeistari
Við leitum að metnaðarfullum matreiðslumeistara til að sjá um
daglegan rekstur á nokkrum veitingahúsum á norðanverðum
Vestfjörðum. Viðkomandi verður yfirmaður matreiðslumanna í
hverju veitingahúsi ásamt því að vinna að uppbyggingu nýrra
tækifæra í veitingarekstri.
Framkvæmdastjóri
Hvíldarklettur ehf., hefur stýrt klasaverkefninu Sjávarþorpið
Suðureyri ehf., frá upphafi. Nú er svo komið að verkefnið hefur
þróast mjög hratt undanfarið og því er komin þörf fyrir að ráða
framkvæmdastjóra til að fylgja félaginu eftir og byggja það upp
í takt við þær áætlanir sem gerðar hafa verið. Við leitum því að
aðila sem er úrræðagóður og sýnir mikið frumkvæði til að takast
á við mjög spennandi nýsköpunar og þróunarstarf. Megin verkefni
framkvæmdastjórans er rekstur klasans, fjölgun samstarfsaðila
og stóraukin sókn á sölu þjónustu og framleiðsluafurða aðila
klasans.
Þjónustufulltrúar
Við leitum að hressu fólki eldri en 25 ára á Flateyri, Suðureyri
og Þingeyri til að sjá um móttöku og daglega þjónustu við sjó-
stangveiðimenn sem munu gera út fyrrgreindum höfnum í sum-
ar. Mikilvægt er að viðkomandi séu liðleg og hjálpsöm, tali góða
ensku og jafnvel þýsku.
Sumarvinna
Við leitum að áhugasömum aðilum til að vinna í sumar við hin
ýmsu störf eins og við almenna afgreiðslu í söluskálum, við
ræstingar á gististöðum og að þjóna á veitingahúsum.
Eitt atvinnusvæði - Störfin eru óháð staðsetningu og búsetu
starfsmanna á norðanverðum Vestfjörðum. Allar nánari upp-
lýsingar er að finna í síma 456 6666.
Elding, félag smábátaeig-
enda í Ísafjarðarsýslum hefur
sent áskorun til sjávarútvegs-
ráðherra þess efnir að þorsk-
kvótinn verði nú þegar aukinn
um 25 þúsund tonn, í ljósi
undanfarinna hlýviðrisára. Í
áskorun þeirra segir meðal
annars: „Undanfarið hafa bor-
ist fréttir hvaðanæva af land-
inu, af mok-þorskafla. Í vetur
kom mikil þorskganga á Vest-
fjarðamið og nú berast fréttir
af meiri afla en verið hefur í
áraraðir á vertíðarsvæðunum
við sunnan- og vestanvert
landið. Hefur verið óskað eftir
því við Hafró að málin verði
skoðuð og athugað hvort ekki
geti verið um Grænlands-
göngu að ræða, en ekki hefur
enn náðst að draga þá út af
skrifstofunni til þess. En þó
gátu þeir farið í ferð um landið
í vetur, til að boða það að
skera þurfi niður þorskafla-
heimildir, ef ekki eigi illa að
fara.“
Þá segir einnig að nú virðist
svo komið sem „fiskifræðing-
arnir á Hafró hafi misst allt jarð-
samband og sama er hversu
mikið mokið er af þorski, þá
fari þeir sífellt með sömu
þuluna um að það þurfi að
skera niður þorskaflaheimildir
til að ná stofninum upp. Því
skorum við á sjávarútvegsráð-
herra í ljósi mikils þorskafla
og góðæris í hafinu eftir und-
angengin hlýviðrisár, að auka
þorskkvótann nú þegar um 25
þúsund tonn, til að gera ekki
sömu mistökin og gerð voru á
árunum 1994-1997 þegar
mokþorskafli var við landið
en Hafró viðurkenndi það
aldrei og tapaði þjóðin millj-
örðum á þeim mistökum. End-
urtökum ekki sömu mistökin
og aukum þorskveiðiheimild-
irnar strax um 25 þúsund
tonn.“
– eirikur@bb.is
Skora á ráðherra að
auka þorskkvótann
Um 300 manns voru við
vígslu nýrrar reiðhallar hesta-
mannafélagsins Storms á
Söndum í Dýrafirði fyrir páska.
Séra Guðrún Edda Gunnars-
dóttir, sóknarprestur á Þing-
eyri, fór með ávarp og hús-
blessun auk þess sem farið
var yfir byggingarsögu húss-
ins og flutt þakkarávarp til
þeirra sem lögðu félaginu lið
með vinnu- og fjárframlagi.
Ingi Þór Ágústsson, formaður
Héraðssambands Vestfirð-
inga, kom færandi hendi fyrir
hönd HSV og færði félaginu
að gjöf hnakk og tvö sett af
beislabúnaði.
Einar kristinn Guðfinnsson,
sjávarútvegsráðherra, flutti
ræðu sem og Magnús Stef-
ánsson félagsmálaráðherra
sem færði félaginu kveðjur frá
landbúnaðarráðherra sem átti
ekki heimangengt. Halldór
Halldórsson, bæjarstjóri Ísa-
fjarðarbæjar flutti einnig ávarp
og Ragna Magnúsdóttir færði
kveðjur fyrir hönd bæjar-
stjórnar Bolungarvíkur og af-
henti formanni Storms glæsi-
legan blómvönd.
Þá fluttu Kirkjukór Þing-
eyrar flutti lög, línudanshóp-
urinn Perlurnar sýndu línu-
dans og Karlakórinn Ernir
söng fyrir viðstadda. Síðan
héldu félagar úr stormi tölt-
sýningu. Að því loknu boðið
upp á léttar veitingar.
Stormsmenn eru afar stoltir
af nýju reiðhöllinni sem muni
leiða til þess að hestamenn
verði meira áberandi í fram-
tíðinni segir Sigþór Gunnars-
son formaður félagsins.
„Fleiri viðburðir verða í
boði yfir árið með tilkomu
reiðhallarinnar en bara félags-
mót á sumrin. Þetta býður upp
miklu á fleiri möguleika t.d.
til að efla barna- og unglinga-
starf, tamningaraðstöðu og
þjálfun og margt annað. Við
munum þróa áfram hvernig
hægt er að nýta höllina fyrir
sem flesta, og mun reynslan
leiða okkur áfram í því“, segir
Sigþór Gunnarsson.
Reiðhöllin hefur verið í
notkun í um mánaðartíma og
hefur fengist mjög góð reynsla
af. „Allir eru mjög ánægðir,
haldin hafa verið bæði full-
orðins og barnanámskeið og
reynt verður að hafa nám-
skeiðahald fram á vorið. Nú
getum við staðið jafnfætis
þeim félögum sem hafa inni-
húsaðstöðu á landsmótum og
betur undirbúnið hestana okk-
ar heldur en áður þegar engin
aðstaða fyrir hendi á Vest-
fjörðum. Það er nýtt fyrir okk-
ur að hafa svona glæsilega
aðstöðu og við vonum að sem
flestir komi til með að reyna
nýta sér þetta“, segir Sigþór.
Fjölmenni á vígslu
nýrrar reiðhallar
Karlakórinn Ernis tók lagið fyrir viðstadda.