Bæjarins besta - 19.02.2009, Blaðsíða 4

4 FIMMTUDAGUR 19. FEBRÚAR 2009
Fjöldi gistinátta jókst lítillega
milli ára á samanlögðu svæði
Suðurnesja, Vesturlands og
Vestfjarða. Samkvæmt tölum
Hagstofunnar fjölgaði gistinótt-
um á svæðinu úr 111.756 í
114.676 á árinu 2008. Erlendir
ferðamenn voru þar í meirihluta
eða 72.859 á móti 41.817 Íslend-
ingum. Gistinætur á hótelum fyr-
ir árið 2008 voru 1.339.879 en
voru 1.310.719 árið 2007. Fjölg-
un gistinátta varð á Suðurlandi
um 13% og á Austurlandi um
7% milli ára. Á öðrum landsvæð-
um eru gistinætur svipaðar eða
hafa dregist örlítið saman á milli
ára.
Athygli skal vakin á því að hér
er eingöngu átt við gistinætur á
hótelum, þ.e. hótelum sem opin
eru allt árið. Til þessa flokks
gististaða teljast hvorki gisti-
heimili né hótel sem eingöngu
eru opin yfir sumartímann.
– thelma@bb.is
Fjölgun gisti-
nátta milli ára
Hótel Ísafjörður.
Vöruflutningabifreið frá Flytj-
anda á Ísafirði, stórskemmdist í
Vestfjarðagöngunum í síðustu
viku. Bifreiðin var að flytja fisk
frá Suðureyri er hún mætti fólks-
bifreið í gangamunnann Súg-
andafjarðarmegin og fór utan í
hurð í göngunum. Kassi vöru-
flutningsbifreiðarinnar skekktist
allur og ein hliðin fór af honum.
Farmurinn, sem bifreiðin flutti,
slapp þó að mestu að sögn Haf-
þórs Halldórssonar, rekstrarstjóra
Flytjanda á Ísafirði. „Þetta er ekki
í fyrsta skiptið sem þetta gerist
og er að kosta fyrirtækið gríðar-
lega fjármuni. Það hafa margir
speglar á bifreiðum frá okkur
eyðilagst við þessar aðstæður og
við vorum nýbúnir að skipta um
spegla á þessum bíl fyrir 200.000
krónur,“ segir Hafþór.
Hann segir tjónið á bílnum
hlaupa á átta milljónum króna.
Aðspurður hvort Flytjandi hafi
farið fram á úrbætur vegna slæmra
aðstæðna í göngunum segir Haf-
þór svo ekki vera en það verði
eflaust gert eftir þetta óhapp.
„Við höfum oft lent í þessu.
Hurðarnar í göngunum eru alltof
mjóar og ef svo vill til að tveir
bílar koma inn í göngin Súganda-
fjarðarmegin, á sama tíma, þá er
þar mikil blindbeygja sem er
stórhættuleg og ekkert svigrúm
til að víkja,“ segir Hafþór og seg-
ir umferð um göngin hafa aukist
til muna sem þýðir meiri hættu á
samskonar slysum. „Það þarf að
betrumbæta aðstæður þarna. Það
er ekki spurning hvort, heldur
hvenær verður slys á fólki þarna.
Það vildi til að það varð ekki
stórslys á fólki í þetta skiptið,“
segir Hafþór. – birgir@bb.is
Stórskemmdist í
Vestfjarðagöngunum
Tjónið á bílnum er metið á um átta milljónir króna.