Bæjarins besta - 19.02.2009, Side 6

6 FIMMTUDAGUR 19. FEBRÚAR 2009
Ritstjórnargrein
Það sem gildir
Útgefandi:
H-prent ehf.,
kt. 600690-1169,
Sólgötu 9, 400 Ísafjörður,
sími 456 4560, fax 456 4564
Ritstjóri:
Sigurjón J. Sigurðsson,
sími 892 5362, bb@bb.is
Blaðamenn:
Thelma Hjaltadóttir,
símar 456 4693 og 849
8699, thelma@bb.is
Birgir Olgeirsson, símar
456 4560 og 867 7802,
birgir@bb.is
Ritstjóri netútgáfu bb.is:
Sigurjón J. Sigurðsson
Ljósmyndari:
Halldór Sveinbjörnsson, sími
894 6125, halldor@bb.is.
Ábyrgðarmenn:
Sigurjón J. Sigurðsson
og Halldór Sveinbjörnsson
Lausasöluverð er kr. 400
eintakið með vsk. Veittur er
afsláttur til elli- og örorku-
lífeyrisþega. Einnig sé greitt
með greiðslukorti.
Önnur útgáfa:
Ferðablaðið
Á ferð um Vestfirði. ·
ISSN 1670 - 021X
Spurningin
Hvað ætlar þú að
kjósa í alþingiskosn-
ingunum 25. apríl?
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Helgarveðrið
Horfur á föstudag:
Suðaustlæg átt og rign-
ing eða slydda og hiti 0-6
stig, en úrkomulítið NA
lands. Horfur á laug-
ardag: Snýst í norðanátt
með snjókomu eða élja-
gangi. Kólnandi veður.
Horfur á sunnudag:
Snýst í norðanátt með
snjókomu eða éljagangi.
Alls svöruðu 1.123.
Framsóknarflokkinn
sögðu 129 eða 11%
Sjálfstæðisflokkinn
sögðu 293 eða 26%
Frjálslynda flokkinn
sögðu 98 eða 9%
Samfylkinguna
sögðu 154 eða 14%
Vinstri græna
sögðu 169 eða 15%
Önnur framboð
sögðu 79 eða 7%
Ætla að skila auðu
sögðu 141 eða 13%
Ætla ekki að kjósa
sögðu 60 eða 5%
,,Í því ástandi sem nú ríkir í þjóðfélaginu er það mín skoðun að
það verði að skoða allar atvinnugreinar sem hægt er til að auka tekj-
ur þjóðarinnar. Við þurfum einfaldlega að vinna meira og afla meiri
peninga. Það er ekki hægt að bjarga þjóðinni út úr þessum þrengingum
með því einu að skera niður í velferðarkerfinu og draga saman í
opinberum útgjöldum, það dugar einfaldlega ekki til,“ voru orð
Guðjóns A Kristjánssonar, alþingismanns, í samtali við blaðið
Skessuhorn fyrir skömmu.
Undir þessi orð er hægt að taka. Augljóslega má þó höggva
margar greinar af ríkistrénu, aðrar en þær sem snúa að velferð og
menntun; hömlulaus útvíkkun ríkisbáknsins í ,,góðærinu“ ber alltof
víða merki sukks, að ekki sé fastar að orði kveðið. Við verðum að
afla meiri tekna fyrir þjóðarbúið og til þess verður að leita allra
leiða. Þar á meðal verður ekki hjá því komist að við tökum um
stundar sakir einhverja áhættu og nýtum auðlindir sjávar í meira
mæli en við hefðum gert við aðrar kringumstæður.
Óöryggi og beint svelti Vestfirðinga hvað raforku varðar hefur
verið nokkuð í umræðunni undanfarið og þá einkum snúist um
virkjun Hvalár í Ófeigsfirði. Mikilvægi virkjunarinnar fyrir Vest-
firðinga verður best lýst með samanburði á framleiðslugetu hennar,
sem áætluð er 260 til 280 GWh, á móti framleiðslu Mjólkárvirkjunar,
55 til 60 GWh. Að ekki sé nú talað um að raforkan verði nýtt í þágu
nýs iðnaðar í fjórðungnum. Sem auðvitað á að vera höfuðmarkmið.
Áætlað er að um það bil 200 ársverk felist í byggingu virkjunarinnar.
Það munar um minna meðan erfiðasti hjallinn er klifinn.
Því miður er Hvalárvirkjun enn sem komið er fugl í skógi. ,,Við
erum tiltölulega bjartsýnir. Þetta veltur allt á hvaða viðbrögð við
fáum frá Landsneti því virkjunin verður ekki reist nema fyrirtækið
komi að henni. Landsnet þarf að gera meira en leggja bara línuna,
það þarf að ganga mun lengra,“ segir Gunnar Gaukur Magnússon,
forsvarsmaður Vesturverks ehf. Þörf Vestfirðinga fyrir meiri og ör-
uggari raforku og þar með fleiri atvinnumöguleikum er augljós.
Vestfirðingar vænta því, að þess verði ekki langt að bíða að Hvalár-
virkjun verði í hendi.
Heimskreppan segir til sín. Búið er að fresta námuvinnsla á A-
Grænlandi, sem við gerðum okkur vonir um að færði björg í bú.
Hvað okkar hlið þess máls varðar stendur enn upp á stjórnvöld hvað
flugvallaraðstöðu áhrærir, svo hægt verði að afgreiða vélar sem
koma frá Grænlandi. Hvenær er afstöðu ykkar að vænta, virðulegu
ráðamenn? Og nú ríkir alger óvissa um vatnsverksmiðjuna. Það eru
mikil vonbrigði eftir allan þann tíma sem hún hefur verið í bígerð.
Áfram verður þó að róa á þau mið sem og öll önnur sem mögulega
geta fært iðjulausum höndum verk að vinna.
Það sem gildir er að leggja ekki upp árar. s.h.
Hugmyndir eru uppi um að
flytja efstu stig Grunnskóla Ön-
undarfjarðar og Grunnskólans á
Suðureyri til Ísafjarðar. Margrét
Geirsdóttir, forstöðumaður Skóla-
og fjölskylduskrifstofu Ísafjarð-
arbæjar, segir hugmyndina ekki
nýja af nálinni og hafi fyrst komið
upp árið 2006 en þá verið slegin
út af borðinu. Flutningur efsta
stigs skólanna eru tveir aðskildir
liðir af fjórtán sem Skóla- og
fjölskylduskrifstofu er falið að
reikna út sem hagræðingar mögu-
leika. „Þess var óskað eftir af
Skóla- og fjölskylduskrifstofu að
það yrðu gerðir útreikningar á hag-
ræðingar möguleikum vegna efna-
hagsástandsins. Þannig komu
upp þessir fjórtán liðir sem
möguleikar,“ segir Margrét. Þeg-
ar færa átti efstu stig GÖ og GS
til Ísafjarðar árið 2006 mætti það
mikilli andstöðu foreldra og að-
spurð segist Margrét ekki vita
hvort afstaða þeirra hafi breyst.
„Þar sem hugmyndin hefur
ekki verið upp á borðinu þá hef
ég ekki tekið sérstaklega púlsinn
á afstöðu foreldra. Það eina sem
skóla- og fjölskylduskrifstofu er
falið að gera er að reikna út
möguleikana. Það er hér með gert
og það hafa engar viðræður átt
sér stað við fólk. En auðvitað
snúast þessi möguleikar um líf
fólks,“ segir Margrét og á von á
því að bæjarfulltrúar ræði við
fólk um afstöðu þess gagnvart
hugmyndinni.
Fulltrúi foreldra í fræðslunefnd
Ísafjarðarbæjar segir umræðu um
flutning efri bekkja GÖ og GS til
Ísafjarðar ekki hafa farið fram
milli foreldrafélaga grunnskól-
anna á svæðinu. „Hins vegar er
kunn sú andstaða foreldra sem
verið hefur við fyrri hugmyndir
um sameiningu efri bekkja
skólanna. Verði af þessum flutn-
ingi nemenda til Ísafjarðar er ljóst
að það mun valda röskun á
högum nemenda GÖ og GS. Skal
þess því gætt að fullt samráð
verði haft við foreldrafélög við-
komandi skóla um öll þau atriði
sem lúta að þessari sameiningu,“
segir í bókun Þórdísar Jendóttur,
fulltrúa foreldra í fræðslunefnd.
– birgir@bb.is
Efsta stig GÖ og GS til Ísafjarðar
Grunnskólinn á Ísafirði.