Bæjarins besta - 19.02.2009, Blaðsíða 7

FIMMTUDAGUR 19. FEBRÚAR 2009 7
Sýslumaðurinn
í Bolungarvík
Starfsfólk óskast
Sýslumaðurinn í Bolungarvík óskar að ráða
starfsfólk á skrifstofu embættisins í allt að tvö
stöðugildi. Hlutastörf koma til greina. Um er
að ræða vinnu við innheimtu vanrækslugjalds
skv. reglugerð nr. 8/2009 um skoðun ökutækja
auk almennra skrifstofustarfa. Æskilegt er að
einn þeirra sem ráðinn verður, geti hafið störf
sem næst 20. mars nk., en í hitt stöðugildið
verður ráðið frá og með 20. maí. Til að byrja
með verður um tímabundna ráðningu að ræða
til næstu áramóta.
Umsækjendur þurfa að búa yfir góðri al-
mennri menntun, reynslu af skrifstofustörfum
og góðri íslensku- og tölvukunnáttu. Reynsla
af innheimtustörfum æskileg. Leitað er að
körlum jafnt sem konum sem geta unnið sjálf-
stætt og eiga gott með mannleg samskipti.
Laun eru samkvæmt kjarasamningi SFR og
fjármálaráðherra.
Nánari upplýsingar um störfin veitir Jónas
Guðmundsson, sýslumaður í síma 456 7222.
Umsóknir skulu sendar embættinu að Aðal-
stræti 12, 415 Bolungarvík, ekki síðar en 10.
mars nk. eða rafrænt á netfangið jonas.gud
mundsson@syslumenn.is.
Öllum umsóknum verður svarað þegar
ákvörðun um ráðningu hefur verið tekin.
Bolungarvík, 16. febrúar 2009
Jónas Guðmundsson
sýslumaður í Bolungarvík.
Næst dýrasta þjónustan
Samkvæmt samanburði Al-
þýðusambands Íslands á verði
skóladagvistar og hádegisverðar
hjá grunnskólabörnum býður Ísa-
fjarðarbær upp á næst dýrustu
þjónustuna. Samkvæmt könnun
ASÍ er meðalkostnaður giftra for-
eldra, eða þeirra sem eru í sam-
búð, vegna skólagæslu grunn-
skólabarna: 26.355 krónur fyrir
eitt barn, 36.834 krónur fyrir tvö
börn og 47.313 fyrir þrjú börn.
Foreldrar í forgangshópi greiða í
meðalkostnað 26.355 krónur
fyrir eitt bar, 48.300 krónur fyrir
tvö og 58.779 krónur fyrir þrjú
börn. Hádegisverður kostar 370
krónur og síðdegishressing 129
krónur. Mjög misjafnt er hvernig
gjaldskráin er saman sett eftir
sveitarfélögum og hvort syst-
kinaafsláttur sé veittur. Í Ísafjarð-
arbæ er veittur 30% afslátt af
gæslu vegna annars barns og
100% afsláttur af gæslu vegna
þriðja barns eða fleiri.
Samanburður er frekar flókinn
þar sem mjög misjafnir systkina
afslættir eru í gangi og mismun-
andi hvað er innifalið í heildar-
þjónustunni, segir í niðurstöðum
könnunarinnar. Ef skoðuð er
greiðsla fyrir eitt barn þá greiða
foreldrar í Vestmanneyjabæ
minnst fyrir þjónustuna, 15.561
kr. á mánuði óháð því hvort þeir
eru í forgangi eða ekki, forgangs-
hópurinn á Akranesi greiðir
15.813 krónur. Hæsta gjaldið er
í Garðabæ og sama verð fyrir
alla foreldra 28.539 kr. á mánuði,
mismunurinn er 183%. Tekið er
fram að í þessum samanburði er
ekki lagt mat á gæði matar eða
þjónustu. – thelma@bb.is
Reyndi að
skera mann
á háls
Ungur maður varð fyrir
líkamsárás í heimahúsi á Ísa-
firði aðfararnótt sunnudags
þar sem eggvopni var beitt.
Samkvæmt heimildum blaðs-
ins tók árásarmaðurinn sér
stöðu fyrir aftan fórnarlamb-
ið og reyndi að skera hann á
háls með hníf en aðrir hús-
gestir skárust í leikinn og
yfirbuguðu hann. Bæði þol-
andi árásarinnar og maður
sem kom honum til hjálpar
hlutu áverka.
Að sögn vitna að árásinni
virtist árásarmaðurinn vera í
annarlegu ástandi af völdum
fíkniefna. Lögreglan hand-
tók manninn sem var í haldi
til sunnudagskvölds en þá
var honum sleppt að loknum
yfirheyrslum.
Réttindi og lífeyrisgreiðslur skerð-
ast ekki hjá Frjálsa lífeyrissjóðnum
Frjálsi lífeyrissjóðurinn, sem
rekinn er af Eignastýringu Kaup-
þings, hefur lokið endurmati
eigna í samráði við löggilta end-
urskoðendur. Samkvæmt bráða-
birgðaútreikningum þarf ekki að
skerða réttindi eða lífeyri sjóðfé-
laga í samtryggingahluta sjóðsins
en tryggingafræðileg úttekt ligg-
ur ekki fyrir að sögn Arnaldar
Loftssonar, framkvæmdastjóra
sjóðsins. Sjóðfélagar eru rúmlega
40 þúsund en sjóðurinn samein-
aðist Lífeyrissjóð Bolvíkinga
árið 2006. Fjármálakreppan hef-
ur haft áhrif á lífeyrissjóðinn en
aðgerðir Eignastýringar Kaup-
þings, hafa á undanförnum
tveimur árum miðað að því að
minnka markvisst áhættu í fjár-
festingum. Með auknu vægi rík-
isskuldabréfa og kerfisbundinni
sölu á hlutabréfum hefur þannig
tekist að draga verulega úr áhrif-
um fjármálakreppunnar á eigna-
safn Frjálsa lífeyrissjóðsins.
Í kjölfar fjármálakreppunnar
hafa allar eignir Frjálsa lífeyris-
sjóðsins verið metnar upp á nýtt.
Ljóst er að kreppan hefur haft
nokkur áhrif til lækkunar á virði
eigna. Við endurmatið er varúðar
gætt og vonir standa til að niður-
færsla á eignum verði minni en
reiknað er með.
Lífeyrissjóður Bolungarvíkur
og Frjálsi lífeyrissjóðurinn sam-
einuðust árið 2006. Sameiningin
var með þeim hætti að Frjálsi
lífeyrissjóðurinn tókvið eignum
og skuldbindingum Lífeyrissjóðs
Bolungarvíkur. Markmiðið sam-
einingunar var sá að auka áhættu-
dreifingu, ná frekari hagræðingu
í rekstri, efla eignastýringu sjóð-
anna, bæta þjónustu við sjóðfé-
laga og hámarka lífeyrisréttindi
þeirra.
Tryggingafræðileg úttekt ligg-
ur ekki fyrir hjá Lífeyrissjóði Vest-
firðinga og er því ekki vitað hvort
réttindi eða lífeyrir sjóðsfélaga
muni skerðast, að sögn Guðrúnar
Guðmannsdóttur, framkvæmda-
stjóra. – birgir@bb.is
Fleiri fluttu frá Vestfjörðum
en öðrum landshlutum á síðasta
ári eða um 400 manns. Hins vegar
fluttu 600 til fjórðungsins. Flestir
brottfluttra úr fjórðungnum fluttu
til höfuðborgarsvæðisins eða 249
manns. Næst flestir fluttu til út-
landa eða 94 talsins. Sömuleiðis
voru flestir aðfluttra frá höfuð-
borgarsvæðinu eða 235 talsins
og næstflestir frá útlöndum eða
220 manns. Flestir fluttu til og
frá Ísafjarðarbæ eða 299 aðfluttir
á móti 336 brottfluttum. Því næst
kom Bolungarvík með 136 að-
flutta á móti 91 brottfluttum.
Að því er fram kemur í nýjum
tölum Hagstofunnar dró mikið
úr aðflutningi fólks til landsins
árið 2008 en þá fluttu 1144 fleiri
til landsins en frá því. Árið 2007
fluttu hins vegar 5132 fleiri til
landsins en frá því. Fjöldi innan-
landsflutninga náði hámarki á
árinu 2007 en þá voru skráðar í
íbúaskrá þjóðskrár 58.186 flutn-
ingstilkynningar. Árið 2008
fækkaði þeim í 49.534, eða um
14,9%. Miðað við flutninga af
hverjum 1000 íbúum þarf að fara
aftur til ársins 1987 til að finna
jafn lága tíðni innanlandsflutn-
inga. Hagstofan segir, að þessi
fækkun 2008 sé án efa samofin
lækkun íbúðaverðs á fasteigna-
markaði og þrengra aðgengi að
lánsfé.
Segja má að Suðurnes hafi tek-
ið við því forskoti sem höfuð-
borgarsvæðið hafði áður hvað
varðar innanlandsflutninga. Til
Suðurnesja fluttu samanlagt
1.485 árin 2007 og 2008 frá öðr-
um landshlutum. Aðeins á Suður-
landi voru aðfluttir frá öðrum
landshlutum fleiri en brottfluttir
bæði árin. Í öðrum landshlutum
voru brottfluttir í innanlands-
flutningum fleiri en aðfluttir þessi
tvö ár. Auk Vestfjarða fluttu fles-
tir frá höfuðborgarsvæðinu eða 343.
Fleiri aðfluttir en brottfluttir
Lífeyrissjóður Bolvíkinga sameinaðist Frjálsa lífeyrissjóðnum árið 2006.