Bæjarins besta - 27.01.2011, Side 20

20 FIMMTUDAGUR 27. JANÚAR 2011
Til varnar Vestfirðingum
Stakkur skrifar >
Stakkur hefur ritað
vikulega pistla í Bæjarins
besta í mörg ár. Skoðanir
hans á mönnum og mál-
efnum hafa oft verið um-
deildar og vakið umræður.
Þær þurfa alls ekki að
fara saman við skoðanir
útgefenda blaðsins. Þrátt
fyrir það bera ábyrgðar-
menn blaðsins ábyrgð á
skrifum Stakks á meðan
hann notar dulnefni sitt.
Lengi hafa Vestfirðingar átt undir högg að sækja. Þrátt fyrir að
þeir hafi lagt drjúgt til þjóðarbúsins og leggi enn, hefur byggð átt und-
ir högg að sækja á Vestfjörðum alla síðustu öld. Sléttuhreppur, sem
var útvörður byggðar nyrst á Vestfjörðum, lagðist í eyði árið 1952.
Áratug síðar féll næsta sveitarfélag, Grunnavíkurhreppur og síðasta
aldarfjórðung hefur íbúum á Vestfjörðum fækkað um fjórðung eða
25%, sem svarar til þess að á hverju ári hafi fækkað um ríflega eitt
hundrað manns. Oft hefur á þessum vettvangi verið bent á þá stað-
reynd hve ógnvænleg þessi þróun er og varað við afleiðingum hennar.
Hvað er til varnar? Því er vandsvarað, en fullkomlega augljóst er
að spyrna verður við fæti af fullum þunga vilji menn ekki sjá byggð
eyðast. Lesi menn bókina Sléttuhreppur. Fyrrum Aðalvíkursveit,
Byggð og búendur eftir Kristinn Kristmundsson og Þórleif Bjarnason,
sem Átthagafélag Sléttuhrepps gaf út árið 1971, hlýtur lesandinn að
gera sér grein fyrir því hve mikilvægt er að grípa til aðgerða strax.
Ella má gera ráð fyrir því að örlög vesfirskra byggða verði áþekk ör-
lögum byggðar í Sléttuhreppi. Það sem gerðist þar var einfalt og er
því miður gömul saga og ný.
Hið hættulega er að dæmin um vörn byggðar sem lætur á endanum
undan er að finna um allan heim, en við ættum að láta okkur nægja
nærtækari dæmi úr fyrrum Sléttuhreppi, þar sem sagan um baráttu
byggðar er skráð með afar skýrum hætti og ætti að vera öllum, ekki
síst stjórnmálamönnum bæði á landsvísu og sveitarstjórnar-stigi
aðvörun um það sem mun gerast verði ekki gripið til aðgerða
strax til að stöðva fækkun íbúa á Vestfjörðum. Þegar komið var
fram á fjórða áratuginn fóru þeir sem gátu úr hreppnum. Það
gerðu þeir af sömu hvötum og maðurinn hefur alltaf gert, að leita
betri tækifæra annars staðar. Þannig byggðust Bandaríkin.
Nærri sex áratugum eftir að byggð í Sléttuhreppi lagðist af eru
möguleikar þjóðar, ríkis og sveitarfélaga mun meiri til að grípa til
ráða sem stöðvað geta öfugþróun byggðar á Vestfjörðum. Þjóðin
er auðugri og betur menntuð en fyrir miðja síðustu öld. Nú þegar
byggð á Flateyri á undir högg að sækja reynir á stjórmálamenn og
vilja þeirra til að koma til aðstoðar. Ljóst er að fyrst og fremst
skortir stefnumótun í byggðamálum á Íslandi.
Byggðastofnun hefur reynst gagnslítil. Hún er í raun einn
bankinn enn, ríkisbanki sem lánar án þess að tryggingar séu næg-
ar í mörgum tilvikum. Upphaflega var henni ætlað það hlutverk
að styrkja byggð á Íslandi. Lítið verður vart við úrræði til þess að
sinna því.
Nú þarf nýja hugsun og stefnumótun til framtíðar ella bíða
fleiri byggða víða um land sömu örlög og Flateyrar og Flateyringa.
Vestfirðingar þarfnast sárlega vina í baráttu sinni fyrir byggð.
Vonandi eru þeir til og koma nú til hjálpar.
smáar
Útprjónaðir vettlingar í brún-
um litum töpuðust í miðbæ
Ísafjarðar. Finnandi vinsam-
legast hafi samband við Birnu
í síma 896 3367.
Fyrri hluti ársins 2011 lof-
ar góðu hvað varðar fæð-
ingar á Fjórðungssjúkra-
húsinu á Ísafirði. „Það er
töluvert af fæðingum fyrri-
part árs og fram á sumar,
eða eins langt fram á árið og
við sjáum. En þetta breytist
dag frá degi og maður veit
aldrei um fjöldann fyrr en
árið er úti. Það gæti verið
hressilegur fyrripartur árs og
svo rólegur seinnipartur, þó
oftast nær er þetta nokkuð
jafnt yfir árið,“ segir Brynja
Pála Helgadóttir ljósmóðir.
Aðspurð segir hún að ljós-
mæður á FSÍ séu jákvæðar
og bjartsýnar á árið. Alls
komu 55 börn í heiminn á
fæðingardeild FSÍ á síðasta
ári. Er það svipaður fjöldi
fæðinga og á síðasta ári þeg-
ar börnin voru 54 en nokkuð
færri en árið 2008 þegar fæð-
ingarnar voru 73 talsins, en
þá var um metár að ræða.
Blómlegt
barnaár
Vegagerðin neitar að gangast við
skemmdum vegna snjómoksturs
Töluverðar skemmdir hafa
orðið á klæðningu íbúðar- og at-
vinnuhúsnæðis við Hnífsdalsveg
27. Eigandi hússins, Þröstur
Marzellíusson, segir að skemmd-
irnar séu tilkomnar vegna snjó-
moksturs en húsið stendur nánast
við veginn. „Þegar verið er að
ryðja snjó hafa starfsmenn Vega-
gerðarinnar ekki alltaf haft var-
ann á. Þegar verst lætur hafa þeir
keyrt framhjá á fullri ferð og
þeytt klökum og snjó langt upp á
útveggina. Klæðning hefur látið
verulega á sjá eftir þessar aðfarir
og er nú orðin gott sem ónýt,“
segir Þröstur, sem fékk viður-
kenndan matsmann til þess að
skoða tjónið. „Hans mat var að
tjónið næmi 2,4 milljónum króna.“
Þröstur fór á fund Vegagerð-
arinnar til viðræðna um mögu-
lega bætur. „Mér var vel tekið á
skrifstofu Vegagerðarinnar á Ísa-
firði og þar vildu menn allt fyrir
mig gera. Þeir hafa líka passað
sig mun betur við moksturinn
upp frá þessu. Annað hljóð var
þó í lögmanni Vegagerðarinnar
sem þvertók fyrir að skemmd-
irnar væri tilkomnar vegna snjó-
moksturs. Þetta kom mér mjög á
óvart því í mínum huga er ekki
minnsti vafi um hvað hefur vald-
ið tjóninu, enda kemur eiginlega
ekki neitt annað til greina,“ segir
Þröstur, sem segir þó ólíklegt að
hann láti reyna á málið fyrir
dómstólum.
– kte@bb.is Einnig eru gluggar og hurð fyrirtækisins farin að láta á sjá.
Klæðning húsnæðisins við Hnífsdalsveg er farin að láta á sjá og segir eigandinn skemmdirnar vera tilkomnar vegna snjómoksturs.