Bæjarins besta - 24.02.2011, Blaðsíða 16

16 FIMMTUDAGUR 24. FEBRÚAR 2011
Setið yfir fé – og talið
Stakkur skrifar >
Stakkur hefur ritað
vikulega pistla í Bæjarins
besta í mörg ár. Skoðanir
hans á mönnum og mál-
efnum hafa oft verið um-
deildar og vakið umræður.
Þær þurfa alls ekki að
fara saman við skoðanir
útgefenda blaðsins. Þrátt
fyrir það bera ábyrgðar-
menn blaðsins ábyrgð á
skrifum Stakks á meðan
hann notar dulnefni sitt.
Stór tónlistarhátíð á Degi tónlistarskólanna
Um helgina verður Dagur tón-
listarskólanna haldinn hátíðlegur
um land allt til að vekja athygli
almennings og stjórnvalda á því
mikla starfi sem fram fer í tón-
listarskólum. Í Tónlistarskóla
Ísafjarðar verður af þessu tilefni
blásið miðsvetrartónleika en þeir
hafa verið haldnir í skólanum
svo lengi sem elstu menn muna.
Tónleikarnir á Ísafirði verða
tvennir með fjölbreyttri dagskrá.
Fyrri tónleikarnir verða í Hömr-
um í kvöld kl. 19:30. Þar koma
fram um 80 nemendur á ýmis
hljóðfæri. Á dagskránni kennir
margra ólíkra grasa, gömul tón-
list og ný, klassísk og poppuð,
einleikur og samleikur.
Síðari tónleikarnir verða í Ísa-
fjarðarkirkju kl. 14 á laugardag.
Þar koma fram stærri hópar, m.a.
barnakór, þrjár lúðrasveitir, gítar-
sveit og einnig verða atriði úr
Samféskeppninni sem nýlega fór
fram. Loks kemur Stórhljóm-
sveitin „Ísófónía“ fram á tónleik-
unum, en hún var var sett saman
sérstaklega af þessu tilefni. Sveit-
in er skipuð 60-70 hljóðfæraleik-
urum á öll möguleg hljóðfæri og
stjórnandi er Madis Mäekalle.
„Ísófónían“ flytur þekkt lög á
borð við Þú komst við hjartað í
mér og Jungle Drum og Stúlkna-
kór skólans syngur lögin með
sveitinni.
Markmið beggja tónleikanna
er vissulega að kynna hið viða-
mikla starf sem fram fer í Tón-
listarskóla Ísafjarðar en um leið
og ekki síður að kennarar og nem-
endur skemmti sér og öðrum með
fjölbreyttum tónlistarflutningi.
Áætlað er að Vestfirðir fái rúmar 180 milljónir í almenn fjárlög úr Jöfnunarsjóði vegna þjónustu við fatlaða.
Ráðgert er að almenn framlög
úr Jöfnunarsjóði til Vestfjarða
vegna þjónustu við fatlaða nemi
rúmum 182,3 milljónum króna í
ár. Í yfirliti um áætlaðar greiðslur
framlaga kemur fram að áætlaðar
tekjur vestfirskra sveitarfélaga á
árinu, á grundvelli framreiknaðs
rekstrarkostnaðar 2010, séu
229.966.746 krónur. Þá eru áætl-
aðar tekjur svæða/sveitarfélaga
af 0,25% hækkun útsvars 44.766.
995 krónur. Forsendur áætlunar-
innar byggjast á greiningu á skipt-
ingu framlaga ríkisins vegna
þjónustu við fatlað fólk á síðasta
ári. Tekið er tillit til viðbóta og
tilfærslna milli fjárlagaliða sem
áttu sér stað á síðasta ári og fram
koma í greinargerð með frum-
varpi til fjárlaga árið 2011.
Að teknu tilliti til áætlunar um
ráðstöfunarfjármagn Jöfnunar-
sjóðs sveitarfélaga leggur ráð-
gjafarnefnd sjóðsins til að úthlut-
að verði almennu framlagi að
fjárhæð krónur 7.833.246.000 til
þjónustusvæða/sveitarfélaga á
árinu 2011 vegna þjónustu við
fatlað fólk. Í tillögugerð nefnd-
arinnar er gert ráð fyrir að við-
bótarframlag fáist frá ríki vegna
greiðslna til sveitarfélaga í janúar
2011. Gangi áætlun nefndarinnar
um ráðstöfunarfjármagn sjóðsins
á árinu ekki eftir verður úthlutun
framlaga til þjónustusvæða/sveit-
arfélaga aðlöguð að fjármagni til
ráðstöfunar vegna verkefnisins.
Framlögin koma til greiðslu
mánaðarlega og taka mið af
innkomnum tekjum sjóðsins af
0,95% hlutdeild hans í staðgreið-
sluskilum viðkomandi mánaðar.
Önnur framlög úr Jöfnunarsjóði
vegna þjónustu við fatlað fólk á
árinu 2011 renna til fasteigna-
sjóðs Jöfnunarsjóðs, breytinga-
kostnaðar, notendastýrðrar per-
sónulegrar aðstoðar, lengdrar
viðveru fatlaðra grunn- og fram-
haldsskólanemenda og fleira.
Rúmar 180 milljónir til Vestfjarða
Það er sérkennilega gaman að því hve málfar Íslendinga, sem not-
að hefur verið í landbúnaði, er nátengt fjárbúskap nútímans, fésýslunni
– umsýslu með sitt fé og annarra. Í síðustu viku var nefnt hvernig
ríkisstjórnin hefði setið yfir ánum á Suðurlandi þannig að þrátt fyrir
lögmætt skipulag fyrir Flóahrepp hafnaði umhverfisráðherra að
staðfesta það. Ráðherrann hefur lýst því yfir að það hafi verið af póli-
tískum ástæðum. Kannski er það ekki nýtt í íslenskum stjórnmála-
heimi og á ef til vill eftir að gerast aftur. En það kann að reynast
hættulegt fari svo að ráðherrar virði ekki þrískiptingu ríkisvaldsins.
Það er því gleðiefni að nú skuli skipulagið hafa verið staðfest eftir
dóm Hæstaréttar Íslands.
Setunni yfir ánum á Suðurlandi er lokið í bili. En það hefur verið
setið yfir fé landsmanna um árabil og þar með talið fé okkar Vest-
firðinga. Það hefur misheppnast. Á Vestfjörðum störfuðu sparisjóðir
víða. Þegar allir ginu yfir fé sparifjáreigenda var það ráð gripið að
sameina sparisjóði undir formerkjum betri samkeppnisstöðu og að
þeir lifðu lengur inn í ávallt óvissa framtíðina. Hver man eftir Spari-
sjóði Mýrahrepps, Þingeyringa, Önundarfjarðar, Eyrarsparisjóði á
Patreksfirði og fleirum sem runnið hafa inn í aðra? Það gerðu líka
nokkur útibú Landsbanka Íslands sáluga. Til varð Sparisjóður Vest-
firðinga. Nú er hann allur.
Sá ágæti sparisjóður var bara nokkuð mikill um sig á vestfirskan
mælikvarða og var lagður inn í Sparisjóð Keflavíkur. Hann ætti
nú að vera gengin á vit feðra sinna. En ríkisstjórnin vill leggja
honum til tugi milljarða, án þess að nokkur maður sem átti stofnfé
í framantöldum fyrrum vestfirskum sparisjóðum, skilji það. Spari-
sjóðurinn í Keflavík var hreinsaður innan frá og sparisjóðsstjórinn
vék frá nauðugur þótt í ljós hafi komið að sá ágæti maður hafi aus-
ið fé úr sjóðnum í fyrirtæki sonar síns og til hans og afskrifað
drjúgt. Einhvern tíma hefði verið sagt um mann í þeirri stöðu að
hann hefði brotið lög, að um algert siðleysi væri um að ræða og
sumir jafnvel látið sér um munn fara orðið glæpur.
Vestfirskir stofnfjáreigendur voru rændir fé sínu af Suðurnesja-
mönnum. Þeir voru rómaðir fyrir sjósókn og væru kannski enn ef
sinnt væri. En það er víðar fanga að leita en í sjónum um Ísland og
fé hægt að sækja í greipar fólks, sem sinnir sjósókn og vinnslu
afla líkt og Vestfirðingar gera. Öllu er á botninn hvolft þegar fé er
sótt af græðgi til vinnandi fólks og talið sér og sínum til framdráttar.
Ekki er hugsað um almenning – þjóðina – sem ætlað er að leggja
fé í Sparisjóð Keflavíkur, rekstur sem reyndist vonlaus og þjónaði
einkahagsmunum. Það gengur ekki.
Forseti Íslands hefur ákveðið að leyfa þjóð sinni að velja hvort
hún vilji borga skuldir mannanna sem settu Landsbankann á haus-
inn. Þjóðin þarf líka að telja sitt fé.
smáar
Til sölu eða leigu er Íbúð að
Fjarðarstræti 2 á Ísafirði. Hægt
er að skoða eignina nánar á
vef Fasteignasölu Vestfjarða.
Uppl. í síma 866 9545.
Áfengissala
dregst saman
Á síðasta ári voru seldir
271 þúsund lítrar af áfengi í
Vínbúðinni á Ísafirði sem er
samdráttur upp á 7,8% frá
árinu 2009 þegar salan var
294 þúsund lítrar. Þetta er
aðeins meiri samdráttur en á
landsvísu þar sem salan
drógst saman um 5,1%. Ein-
ar S. Einarsson, framkvæmda-
stjóri sölu- og þjónustu hjá
ÁTVR, segir lítinn mun vera
á sölu milli vínbúða og
landshluta og því megi gera
ráð fyrir að salan á Ísafirði
endurspegli söluna á lands-
vísu, en á landinu öllu var
langmestur samdráttur í sölu
á sterku áfengi eða 34%.
Sala á léttvíni og styrktu
áfengi jókst hins vegar um
2,6%. Þrátt fyrir samdrátt í
seldu magni, seldu Vínbúð-
irnar fyrir nánast sömu
krónutölu og árið áður, eða
21,3 milljarð króna með
virðisaukaskatti, sem skýrist
af því að gjöld og skattar
hækkuðu árið 2010 miðað
við 2009.
Vinsælasti bjórinn á Ísa-
firði sem og á landinu öllu
var Víking gylltur í hálfs lítra
dósum, en að sögn Einars
hefur hann verið söluhæstur
í nokkur ár. Það sama á við
um vínið, en söluhæsta vínið
var Drosty-Hof Cape Red.