Bæjarins besta - 22.12.2011, Blaðsíða 6
6 FIMMTUDAGUR 22. DESEMBER 2011
Útgefandi: Gúttó ehf., kt. 680501-2620, Sólgötu 9, 400 Ísafjörður, sími 456 4560, fax 456 4564. Ritstjóri: Sigurjón J. Sigurðsson, sími 892
5362, bb@bb.is. Blaðamenn: Thelma Hjaltadóttir, símar 456 4693 og 849 8699, thelma@bb.is. · Ásta María Sverrisdóttir, sími 824 0644,
asta@bb.is · Ritstjóri netútgáfu bb.is: Sigurjón J. Sigurðsson. Ljósmyndari: Halldór Sveinbjörnsson, sími 894 6125, halldor@bb.is.
Ábyrgðarmenn: Sigurjón J. Sigurðsson og Halldór Sveinbjörnsson. Lausasöluverð er kr. 400 eintakið með vsk. Veittur er afsláttur
til elli- og örorkulífeyrisþega. Einnig sé greitt með greiðslukorti. Önnur útgáfa: Ferðablaðið Á ferð um Vestfirði. ISSN 1670 - 021X
Ritstjórnargrein
Jólakertið
Þegar fyrstu tónar kirkjuklukknanna taka að hljóma á aðfangadag
er sú hátíð gengin í garð, sem alla jafnan er beðið með mestri eftir-
væntingu, ekki síst af barnanna hálfu, sem gjörn eru að tjá sig í söng
um hver sé besti vinur þeirra. Fávíslegt karp fólks, sem telur sig í
fullorðinna hópi, um hvenær (og hvar) börn megi fara með Faðirvorið,
nær ekki til jólanna.
Jólin eru margbrotin hátíð; á yfirborðinu sögð hátíð ljóss og frið-
ar, hátíð fjölskyldunnar og barnanna öðru fremur; hátíðin sem valist
hefur til gleðja nánustu ættingja og vini með gjöfum; gott mál með-
an hófs er gætt. Því miður eru jólin þó ekki öllum tilhlökkunarefni.
Margir kvíðir komu þeirra. Fyrir því kunna að vera margar og mis-
jafnar ástæður.
Stundum er sagt að vistaskiptin frá jarðvistinni séu það eina sem
tryggt er að bíði hvers og eins, þótt tímasetningin sé óviss, sem mest
hugsast getur. Enginn veit sína ævina fyrr en öll er og ekkert er sjálf-
sagt í valtri veröld. Jólin og aðrar stórhátíðir koma og líða hjá, burt
séð frá heilsufari, efnahag eða ástvinamissi hvers og eins. Sakir þess
hve jólin eru tilfinningarík í hugum flestra verður þörfin fyrir sam-
hjálp um hátíðina meiri, einkum þegar ábjátar.
Geta má sér til um að afstöðu fólks til jólanna megi rekja til þess
sem barninu var kennt í æsku; sem því var innrætt, eins og það er
orðað í dag með neikvæðri merkingu. Mörg skáld hafa á fullorðins-
árum tjáð sig með eftirminnilegum hætti um bernskujólin, hve ljós-
lifandi þau voru í hugum þeirra.
,,Fullvel man ég fimmtíu ára sól, / fullvel meir en hálfrar aldar
jól,/ man það fyrst, er sviptur allri sút / sat ég barn með rauðan vasa-
klút,” Svo kemst Matthías Jochumsson að orði í upphafi kvæðis
síns, Jólin 1891. Og ljóðinu lýkur skáldið svo: ,,Lát mig horfa á litlu
kertin þín: / Ljósin gömlu sé ég þarna mín! / Ég er aftur jólaborðin
við, / ég á enn minn gamla sálarfrið!“
Skólaskáldið, sem svo var kallað, Guðmundur Guðmundsson,
yrkir um ,,Jólakertið“ hvernig hann missti sjónar á því, sjálfri vöggu-
gjöfinni, í ólgusjó lífsins, þar sem gekk á ýmsu. Honum auðnaðist
þó að finna það, og þar með eigið lífsgildi, þótt um síðir væri: ,,Og
Guði sé lof, nú er ljósið kveikt / og ljómar við helgar tíðir; / þótt skar-
ið sé lítið, lágt og veikt, / það lýsir mér heim um síðir!“
***
Í þeirri von að sem flestum takist að finna jólakertið, ljósið sem
ber með sér frið og fögnuð jólanna, sendir Bæjarins besta lesendum
sínum og viðskiptavinum, nær og fjær, kveðjur og hugheilar óskir
um gleðilega hátíð. s.h.
Helgarveðrið
Horfur á Þorláksmessu:
Ákveðin vestlæg átt með
éljum, en úrkomulítið um
austanvert landið. Frost
víða 0-5 stig.
Horfur á aðfangadag
jóla: Hvöss suðaustanátt
og slydda eða rigning, en
úrkomulítið norðaustantil.
Vestlægari
og él síðdegis.
Horfur á jóladag:
Líkur á suðvestanátt
með éljagangi, en
úkomulaust austan-
lands. Kólnar í veðri.
Spurningin
Hversu miklu eyðir
þú í jólagjafir?
Alls svöruðu 509.
Undir 50 þús.
sögðu 210 eða 41%
50-100 þús.
sögðu 165 eða 32%
Yfir 100 þús.
sögðu 134 eða 27%
Netspurningin er birt viku-
lega á bb.is og þar geta
lesendur látið skoðun sína
í ljós. Niðurstöðurnar eru
síðan birtar hér.
Hjónin Finnbjörn Birgis-
son og Linda Björk Harðar-
dóttir í Bolungarvík eru
miklir listamenn í eldhúsinu
og hafa undanfarin ár „byggt“
piparkökuhús sem eru líkön
af vel þekktum byggingum
á norðanverðum Vestfjörð-
um. Í fyrra varð Félags-
heimili Bolungarvíkur fyrir
valinu en í ár er það Safna-
húsið, sem einnig er þekkt
sem Gamla sjúkrahúsið, á
Ísafirði.
„Eins og sjá má á með-
fylgjandi mynd hafa þau
Linda og Finnbjörn vandað
til verksins og lagt mikið í
„byggingarnar“ og eflaust
verður Gamla sjúkrahúsið
borðað með bestu lyst yfir
hátíðarnar líkt og Félags-
heimilið í fyrra,“ segir á vik-
ari.is.
Safnahúsið
endurgert úr
piparkökum
Gómsæt eftirlíking af
Gamla sjúkrahúsinu á
Ísafirði. Mynd: vikari.is.
Styrkir FabLab um 6 milljónir
Bæjarstjórn Ísafjarðarbæjar
hefur samþykkt að leggja fram
þrjár milljónir króna til reksturs
stafrænnar FabLab smiðju á Ísa-
firði á næsta og þarnæsta ári.
Framlagið er háð því að fleiri
aðilar komi með framlög til rekst-
ursins, að stofnframlög verði
nægjanleg og að fyrir liggi áætlun
um framvindu verkefnisins. Að
því er segir í greinargerð bæjar-
stjórnar er gert ráð fyrir að félag
verði stofnað um reksturinn á
næstu vikum. Búið er að afla fjár
til reksturs húsnæðið, tækja og
hráefnislagers fyrir um 20 millj-
ónir króna. Eftir er að fjármagna
starfsmann í 50-100% starf.
FabLab er hátækni smíðastofa
með einföldum stýribúnaði og
hagkvæmum lausnum sem gerir
fólki á öllum aldri með lágmarks
tækniþekkingu, kleift að hanna
og smíða eigin frumgerðir af öllu
tagi. „Hugmyndafræði FabLab
er að færa hátæknilausnir í iðnaði
og hönnun til einstaklinga og
smáfyrirtækja þannig að þau geti
á einfaldan hátt komið hugmynd-
um sínum um iðnframleiðslu í
framkvæmd. FabLab smíðastofa
er vel til þess fallin að efla ný-
sköpun og þróun á litlum atvinnu-
svæðum. FabLab stofu á Ísafirði
mætti nýta til kennslu í hönnun
og smíði við Menntaskólann á
Ísafirði, sem og við grunnskólana
á Ísafirði, Bolungarvík, Súðavík,
Suðureyri, Flateyri og Þingeyri.
Stofuna mætti einnig opna fyrir
almenningi með skipulögðum
hætti,“ segir í greinargerðinni.
Í undirbúningshópi verkefnis-
ins starfa fulltrúar frá Atvinnu-
þróunarfélagi Vestfjarða, Bol-
ungarvíkurkaupstað, Fræðslu-
miðstöð Vestfjarða, Ísafjarðar-
bæ, Menntaskólanum á Ísafirði,
Nýsköpunarmiðstöð Íslands, Pols
Engineering og 3X Technology.
Menntaskólinn og Nýsköpunar-
miðstöðin óskuðu í október eftir
aðkomu sveitarfélaga á norðan-
verðum Vestfjörðum að Fab Lab
á Ísafirði. Þeir sem hafa heitið
aðkomu að FabLab smiðjunni eru
Menntaskólinn, Nýsköpunar-
miðstöð, Vaxtarsamningur Vest-
fjarða, menntamálaráðuneytið og
Iðnaðarmannafélag Ísafjarðar.
Fjórtán nemendur voru brautskráðir frá Menntaskólanum á Ísafirði við athöfn í Ísafjarðarkirkju á laugardag. Tveir útskrifuðust
sem vélaverðir smáskipa og þrír sem sjúkraliðar. Úr A námi vélstjórnar útskrifaðist einn nemandi og einnig útskrifaðist einn
vélvirki. Sjö luku stúdentsprófi, einn af raungreinabraut og sex af félagsfræðibraut. Við athöfnina fór fram tónlistarflutningur þar
sem skólakór MÍ kom meðal annars fram. Jón Reynir Sigurvinsson skólameistari ávarpaði nemendur og Hreinn Þorkelsson áfanga-
stjóri afhenti verðlaun fyrir góðan námsárangur.