Bæjarins besta - 22.12.2011, Blaðsíða 18
18 FIMMTUDAGUR 22. DESEMBER 2011
Kristalsjávarsalt sem framleitt
er í Reykjanesi við Ísafjarðardjúp
mun fást í verslunum á Vestfjörð-
um í þessari viku. Eins og er fæst
það eingöngu í Melabúðinni og
Búrinu undir nafninu Saltverk
Reykjaness. Þrír 27 ára frum-
kvöðlar hafa sett saltið á markað
en það framleiða þeir á gömlum
söltunarstað á Vestfjörðum. Í
Fréttablaðinu segir að erfiðar að-
stæður, mikil vinna og slys settu
aldrei strik í reikninginn, því salt-
ararnir voru ákveðnir í að láta
nýsköpunardrauminn rætast.
„Tilfinningin er frábær,“ segir
Yngvi Eiríksson í samtali við
Fréttablaðið en hann er einn
þriggja frumkvöðla sem í síðustu
viku kynntu afurð sína í versl-
unum í fyrsta sinn.
Yngvi, Garðar Stefánsson og
Björn Steinar Jónsson hafa unnið
hart að því undanfarna mánuði
að láta drauminn rætast, en ný-
sköpunarhugmyndina fékk Yngvi
fyrir þremur árum. „Kristalsjáv-
arsalt er mjög vinsælt úti um
allan heim og er til á mjög mörg-
um heimilum – mér fannst vanta
íslenska útgáfu af því. Við höfum
allir mikinn áhuga á matargerð
þannig að við ákváðum að skoða
möguleikann á að gera þetta bara
sjálfir,“ segir Yngvi.
Eftir mikla rannsóknarvinnu,
nýsköpunarstyrki og mastersrit-
gerð sem Garðar skrifaði um
verkefnið, fundu þremenningarn-
ir sér aðstöðu til söltunarinnar.
Sú var yfirgefið fiskeldi á Reyk-
janesi í Ísafjarðardjúpi, en á síðari
hluta 18. aldar var einmitt salt-
framleiðsla á staðnum. „Við fór-
um kannski ekki auðveldustu
leiðina með því að velja að vera
fyrir vestan, við hefðum getað
gert hlutina á auðveldari hátt. En
við höfðum svo mikla trú á stað-
setningunni, bæði út af sögunni
og hreinleikanum á svæðinu.
Viðtökurnar þar hafa líka verið
alveg frábærar og við erum af-
skaplega þakklátir fyrir það og
hjálpina sem okkur hefur boðist,“
segir Yngvi, sem flutti á Vestfirði
í sumar til að koma saltverkinu í
stand og hefja framleiðsluna.
Saltararnir hafa haldið úti
vefsíðu og leyft almenningi að
fylgjast með ferlinu, en á meðal
þess sem þurfti að gera var að
koma heitu vatni á húsið sem
hafði staðið yfirgefið í 20 ár,
smíða gríðarstóra stálpönnu fyrir
sjávarsuðuna og koma upp kerfi
til þess að hægt væri að dæla upp
sjó úr Ísafjarðardjúpi. Hindran-
irnar hafa verið þó nokkrar, Garð-
ar brenndist illa á fæti og stál-
pannan var veðurteppt á Ísafirði,
en strákarnir hafa ekki látið það
stöðva sig.
Mikil vinna hefur verið lögð í
ímynd vörunnar á sama tíma og
framleiðslan var undirbúin, en
ætlunin er að markaðssetja saltið
sem íslenska, umhverfisvæna há-
gæðavöru. Vörumerki fyrirtækis-
ins og umbúðir saltsins voru
hönnuð af íslenskum hönnuðum.
– thelma@bb.is
Saltverk Reykjaness er nú fáanlegt í verslunum eftir
þó nokkrar hindranir. Mynd: saltverk.tumblr.com/.
Vestfirskt kristalsjávarsalt
komið í verslanir í Reykjavík
Fjárhagsáætlun Ísafjarðarbæjar
afgreidd með 40 milljóna afgangi
Fjárhagsáætlun Ísafjarðarbæj-
ar fyrir árið 2012 var samþykkt
samhljóða á fundi bæjarstjórnar
á fimmtudag. Gert er ráð fyrir
því að samstæða Ísafjarðarbæjar
verði rekin með um 40 milljóna
króna afgangi þrátt fyrir að gert
sé ráð fyrir að afkoma Fasteigna
Ísafjarðarbæjar og þjónusturýma
aldraða verði samanlagt neikvæð
um 100 milljónir króna. Áætlað
veltufé frá rekstri, sem er það fé
sem eftir er til að greiða af lánum
og nýta til fjárfestinga, er um
375 milljónir sem er um 40 millj-
ónir umfram afborganir skulda.
Skuldastaða samstæðu Ísafjarð-
arbæjar er áætluð í árslok 2011
um 173% af ársveltu en ef skuldir
Fasteigna Ísafjarðarbæjar eru
teknar út fyrir sviga er hlutfallið
um 135% sem er vel viðunandi.
Gert er ráð fyrir að skuldir verði
greiddar niður um 200 milljónir
og að fjárfest verði fyrir um 200
milljónir.
Almennt hækka gjaldskrár um
5%, en þó eru leikskólagjöld og
fasteignaskattar undanskyldir. Þó
hefur verið gerð sú breyting á að
4 klukkustunda fimm ára afslátt-
ur í leikskólum verður felldur
niður. Leikskólagjöld hafa nú
verið óbreytt í tvö ár. Fasteigna-
gjöld hafa verið hækkuð 0,45% í
0,65% en vatnsgjald og holræsa-
gjald hafa verið lækkuð sem því
nemur svo gjöld húseigenda ættu
að verða óbreytt.
Verulega á að draga úr launa-
kostnaði bæjarins eða um rúmar
100 milljónir á milli ára. Það
verður fyrst og fremst gert með
því að draga úr yfirvinnu en
einnig er gert ráð fyrir að um 10
færri stöðugildi verði hjá sveitar-
félaginu á árinu 2012 en voru á
þessu ári. Það verður gert með
því að draga úr ráðningum eins
og hægt er þegar starfsfólk lætur
af störfum.
Helstu fjárfestingar bæjarins á
næsta ári verða bygging hjúkr-
unarheimilis og gerð ofanflóða-
mannvirkja. – thelma@bb.is