Dagblaðið Vísir - DV - 24.06.2008, Blaðsíða 18
Svarthöfði á bágt með að skilja hvernig svokallaðir miðborg-arþjónar eiga að koma að
gagni í tilraunum til þess að koma
böndum á trylltar fyllibyttur í mið-
borg Reykjavíkur á kvöldin um
helgar. Þessar kempur eru viðbragð
við fáum löggum á stríðssvæð-
inu á háannatíma og munu vera
sérþjálfaðar í einhverju, þó varla
vopnaburði og slagsmálum þar sem
miðborgarþjónar hafa ekki heim-
ild til þess að handtaka ribbalda
eða grípa til nokkurra aðgerða sem
sköpum geta skipt á ögurstundu.
Þetta munu þó vera sjálfbjarga einstaklingar og mega að-stoða sauðdrukkna ræfla á
förnum vegi. Miðborgarþjónarn-
ir skera sig úr fjöldanum þar sem
þeir ganga í sjálflýsandi vestum
og bera ýmsar nauðsynjar á borð
við vatn í bakpokum. Svarthöfði
veit af eigin reynslu að vatn get-
ur verið gulls ígildi þegar líður á
fylliríin og vökvaskortur gerir vart
við sig. Þá er ekki ónýtt að velvilj-
aður þjónn beri í mann vatn eftir
að spýjurnar hafa gengið upp úr
manni í rennusteininn í Banka-
stræti. Hugsunin að baki þessum
miðborgarþjónum er því göfug og
góð en samt óttast Svarthöfði að
þeir muni verða til trafala.
Miskunnsamir Samverj-ar eru nefnilega hálfgerð regnbogabörn í augum
drykkjuberserkja og fátt finnst
grimmum fyllibyttum skemmtilegra
en að níðast á góðum sálum. Því
má ætla að Samverjarnir verði ekki
búnir að bera mikið vatn í gegnum
sollinn áður en rándýrin átta sig
á að bráðsnjallt sé að berja þessa
góðverkasnata í gulu vestunum.
Lögreglan mun því þurfa að eyða
dýrmætum tíma sínum og mann-
skap í að halda verndarhendi yfir
miðborgarþjónunum á meðan kóf-
drukkið og athyglissjúkt fjölmiðla-
fólk heldur vöku fyrir góðborgurum
á Vegamótastíg með hópreykingum
fyrir utan Ölstofuna.
Fáliðaðar og geðstirðar gas-löggur með vatnsbera í gul-um vestum munu aldrei
koma böndum á brjálæðið í soll-
inum. Til þess þarf ekkert minna
en ofurhetju og góðu heilli er sú
hetja komin í leitirnar. Batman
er upptekin í Gotham-borg og
Superman á ekki heimangengt frá
Metropolis en það er allt í lagi. Við
eigum Aron Pálma, verndara næt-
urinnar. Segja má að Aron Pálmi
sé pólitískur flóttamaður á Íslandi
en hingað hraktist hann undan
ofsóknum illgjarns saksóknara í
Texas. Aron Pálmi hefur þakkað Ís-
lendingum hælið með því að vera
ítrekað til staðar þegar fjandinn
verður laus í miðbæ Reykjavíkur.
Nú síðast afvopnaði Aron Pálmi óðan hnífamann og lagðist á hann af fullum
þunga þar til lögregla kom járn-
um á manninn og fjarlægði. Þetta
hefðu miðborgarþjónarnir hvorki
mátt né þorað að gera. Hetjan
Aron Pálmi lætur sér hins vegar
ekkert fyrir brjósti brenna og hikar
ekki við að stofa lífi sínu og limum
í hættu til þess að vernda skemmt-
anaglaða samborgara sína.
Þrátt fyrir kjark, þor og mikla líkamsburði er þó ekki hægt að ætlast til þess að Aron
Pálmi leggi drykkjudrýslana alla að
velli einn síns liðs. Hins vegar væri
ráð að stofna nokkurs konar út-
lendingaherdeild miðbæjarins sem
yrði skipuð óttalausum og ofsóttum
einstaklingum sem hingað hrekjast
af manna völdum. Það var mikið
glapræði að sálga flóttaísbjörnun-
um tveimur sem stigu hér á land
um daginn. Og þegar næstu birnir
koma er um að gera að ná þeim lif-
andi, setja á þá hundaólar og skipa
þeim í flokk með Aroni Pálma.
Þegar Verndari næturinnar mun spóka sig í Austurstræti með tvo mannýga ísbirni í
taumi mun ekki heyrast hósti né
stuna frá einni einustu fyllibyttu og
þá fyrst geta sómakærir borgarar
og miðborgarþjónarnir spókað sig í
miðbænum á síðkvöldum.
þriðjudagur 24. júní 200818 Umræða DV
útgáfufélag: dagblaðið-Vísir útgáfufélag ehf.
Stjórnarformaður: Hreinn loftsson
framkVæmdaStjóri: Elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fulltrúi ritStjóra:
janus Sigurjónsson, janus@dv.is
fréttaStjóri:
Brynjólfur þór guðmundsson, brynjolfur@dv.is
auglýSingaStjóri:
ásmundur Helgason, asi@birtingur.is
drEifingarStjóri:
jóhannes Bachmann, joib@birtingur.is
dV á nEtinu: dV.iS
aðalnúmEr: 512 7000, ritStjórn: 512 7010,
áSkriftarSími: 512 7080, auglýSingar: 512 70 40.
Umbrot: dV. Prentvinnsla: landsprent. Dreifing: árvakur.
dV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
Verndari næturinnar
Svarthöfði
Jón TrausTi reynisson riTsTJóri skrifar. Svo virðist sem litið sé á það sem hvítar lygar að tala upp efnahagslífið.
Kaupmáttur og vanmáttur
Leiðari
Krónan hrapaði í gær í kjölfar að-gerða ríkisstjórnarinnar í efnahags-málum. Þetta er enn eitt merkið um vanmátt ríkisstjórnarinnar gagnvart
þeim erfiðleikum sem íslenskur almenningur
stendur frammi fyrir vegna lækkunar krón-
unnar. Geir H. Haarde útskýrði efnahags-
kreppu Íslands, sem felst í falli krónunnar
gagnvart öðrum gjaldmiðlum, sem „alheims-
vanda“ á þjóðhátíðardaginn. Um það bil mín-
útu síðar, í sömu ræðu, beindi Geir þeim til-
mælum til okkar almennings að stunda
vistakstur til að spara bensín, jafnvel þótt
hann sjálfur léti einkabílstjóra keyra sig um á
bíl sem eyðir þrefalt á við vistvænan bíl. Næsta skref ríkisstjórnar-
innar var að hækka heimildina til að taka húsnæðislán. Nú gerir
hún okkur kleift að brjótast inn á markað, sem hefur tvöfaldast á
örfáum árum, og taka 80 prósent lán upp á 20 milljónir.
Ríkisstjórnin veit vel að verðbólgan stefnir í 14 prósent og fer
hækkandi. Hún ætti að vita að sá sem tekur lánið og kaupir 20
milljóna króna íbúð með 80 prósent áhvílandi, mun einu ári síð-
ar skulda tæpar 23 milljónir í íbúðinni. Ef Seðlabankinn hefur
rétt fyrir sér, mun þessi íbúð ekki lengur vera 25 milljóna króna
virði, heldur 20 milljóna króna virði. Það er
fyrirsjáanlegt að með þessu opnar ríkisstjórn-
in leið ungs fólks inn á fjárhagslega glapstigu.
Svo virðist sem litið sé á það sem hvítar lyg-
ar að tala upp efnahagslífið og segja opinber-
lega að allt verði í himnalagi. Jafnvel að það
sé þjóðþrifaverk að þverskallast við að viður-
kenna vanda og þegar það verði óumflýjanlegt,
að kenna þá samsæri útlendinga eða alheims-
vanda um allt saman. Fjölmiðlar tala um hækk-
andi fasteignaverð, þegar raunverð fasteigna
sígur hratt niður á við. Þeir tala um hækkun
launa, þegar hækkunin er einungis huglæg og
raunveruleikinn lækkun. Þannig hækkuðu laun
um 0,4 prósent í maí. Þetta væru góðar fréttir ef verðbólgan hefði
ekki étið þessa hækkun upp. Í rauninni minnkaði kaupmáttur um
0,9 prósent. Kaupmáttur hefur minnkað um 3,9 prósent síðustu
tólf mánuði. Og miðað við lækkun krónunnar undanfarna daga er
yfirvofandi mikil lækkun á kaupmætti sem enn hefur ekki komið
fram. Hljómsveitin á að hætta að spila þegar skipið siglir á ísjaka.
Hvað sem sagt verður um heimsástandið leiða skoðanakannanir
í ljós sýn almennings. Fyrir þjóðinni er Geir H. Haarde ábyrgur,
þótt hann finni sökudólginn sjálfur í „alheimsvandanum“.
DómStóLL götunnar
Hverjir vinna evrópumótið í fótbolta?
„ég held að þjóðverjar geri það, það er
allavega minn vani að halda með
þeim.“
Valdimar Guðbergsson,
56 ára viðgerðarmaður í Fjöl-
skyldu- og húsdýragarðinum
„ég hélt að það yrðu nú Hollendingar
en þeir spiluðu illa og ég held að
rússar vinni þetta.“
Páll Eiríksson,
66 ára eftirlaunaþegi
„ég hef ekki hugmynd, ég fylgist ekki
með fótbolta.“
Ásta Margrét Grétarsdóttir,
45 ára bókari
„það er náttúrlega engin spurning. að
vísu hélt ég að það yrðu Hollending-
arnir sem komust langt en mér fannst í
upphafi að það yrðu rússar og ég
stend með þeim.“
Magnús Sverrisson,
52 ára kjötiðnaðarmaður
SanDkorn
n Orðið á götunni segir að öll-
um starfsmönnum FL Group
verði boðið í ferð á Formúlu 1
keppni í Bretlandi í byrjun júlí.
Þar verði allt
innifalið,
flug, gisting,
matur og svo
framvegis.
Ferðin ætti
að styrkja
geð starfs-
manna FL
Group, sem
hefur gengið afar illa að fóta sig
frá því markaðir fóru að falla. Þó
er skemmst að minnast þess að
Glitnir var gagnrýndur nýverið
fyrir að bjóða starfsmönnum á
lúxushótel, mitt í kreppudaln-
um.
n Ísbjarnarvandræði Þórunn-
ar Sveinbjarnardóttur um-
hverfisráðherra virðast engan
endi ætla að taka. Í gær barst
fjórða frétt-
in um fólk
sem taldi
sig hafa séð
ísbjörn eða
ummerki
eftir hann.
Fyrstu tvö
tilfellin voru
rétt, en það
þriðja reyndist vera hóffar í líki
ísbjarnarspors. Meira en tvær
vikur eru síðan fyrsti ísbjörninn
sást, en samt barst enn og aftur
frétt af því í gær að ekki væri
hægt að svæfa björninn þegar
Austurglugginn greindi frá því
að byssa fyrir deyfilyf væri föst í
tollinum.
n Þórunn Sveinbjarnardóttir
hefur annars fengið nýtt við-
urnefni. Það var Svanhildur
Hólm Vals-
dóttir sem
braut ísinn
og kynnti
hana sem
Þórunni
„Ísbjarn-
ardóttur“ í
góðgerðar-
þættinum
Á allra vörum á SkjáEinum á
föstudagskvöldið.
n Samfylkingin hefur náð Sjálf-
stæðisflokknum í fylgi, sam-
kvæmt könnun Fréttablaðsins.
Þá hefur ræst það sem Geir H.
Haarde var varaður við, að Sjálf-
stæðisflokkurinn styrki stöðu
Samfylkingarinnar með stjórn-
arsamstarfi. Marg-
ir voru á því
innan flokksins
að það væru
mikil mistök
að hefja sam-
starfið, þar sem
það hjálpaði
Samfylkingunni. Aðrir nefna
að staðan hefði orðið enn verri
með Samfylkinguna utan ríkis-
stjórnarinnar, enda virðist sem
svo að þjóðin skelli skuldinni af
kreppunni á Sjálfstæðisflokk-
inn. Og það er engin smáskuld,
íslenska þjóðin er ein sú allra
skuldugasta í heimi og hefur
undanfarin góðærisár tekið að
láni 10 billjónir króna.