Ægir - 01.04.2004, Qupperneq 7

7
F I S K Ú T F L U T N I N G U R
„Það hefur verið að aukast eftir-
spurnin og í kjölfarið jukum við
afkastagetuna og fórum að fljúga
inn á Boston. Einkum hefur orðið
áberandi aukning í flutningi á
laxi til Bandaríkjanna. Við erum
að fljúga fragtflug fimm sinnum í
viku til New York og einu sinni á
Boston í hverri viku. Þar fyrir
utan erum við með daglegt far-
þegaflug á Boston, þar sem við
getum lestað allt að 10 tonn á
dag, fjórum sinnum í viku á New
York, fjórum sinnum á Minnea-
polis og fimm sinnum á
Baltimore. Að öllu samanlögðu er
flutningsgeta okkar til Bandaríkj-
anna því mjög mikil,“ segir
Steingrímur.
„Mér hefur virst mjög áberandi
að stóru sjávarútvegsfyrirtækin
eru öll að auka útflutning á fersk-
um fiski. Við urðum mjög varir
við þessa þróun um mitt síðasta
ár og hún hefur haldið áfram á
þessu ári,“ segir Steingrímur.
Hann bætir við að það sem geri
útflutning á ferskum fiski nokk-
uð snúinn sé sú staðreynd að tölu-
verðar árstíðasveiflur séu í út-
flutningnum og í raun séu daga-
sveiflurnar töluvert miklar. Því
hafi félagið þurft að hafa allar
klær úti til þess að nýta vélarnar
eins vel og kostur væri. „Ákveðna
daga er umframspurn eftir rými,
aðra ekki. Við reynum því að nýta
farþegavélarnar þá daga sem eftir-
spurnin er meiri en við getum
annað,“ segir Steingrímur.
Þrjátíu fragtflug til sjö
áfangastaða
Eins og er er Icelandair Cargo
með tvær Boeing 757 vélar og
eina Boeing 737 í rekstri. Auk
þess hefur félagið aðgang að
fragtvél Íslandsflugs. Í það heila
flýgur Icelandair Cargo um þrjá-
tíu flug á viku til sjö áfangastaða
beggja vegna Atlantsála. Að við-
bættu farþegaflugi Icelandair eru
áfangastaðirnir 26 talsins.
„Fragtvélaleggirnir eru í stór-
um dráttum þannig að við fljúg-
um að morgni til Liege í Belgíu,
sem er stærsti áfangastaður okkar
í Evrópu. Þegar heim er komið
fer vélin síðan áfram til New
York. Þessi leggur er floginn sex
sinnum í viku. Til Boston förum
við með fisk og þaðan áfram til
Halifax og fyllum vélina með
kanadískri humri. Flytjum hum-
arinn til Keflavíkur og setjum
hann þar í aðrar vélar inn á
Evrópu. Við fljúgum einnig með
fragt til Edinborgar, East Mid-
land og Humberside-svæðið í
Bretlandi.“
Stærstir í Evrópu í flugfiski
Steingrímur segist ekki vita til
þess að annað flugfélag í Evrópu
flytji meira af ferskum fiski en
Icelandair Cargo. Nýverið hafi
KLM-flugfélagið hollenska státað
sig af því að vera það stærsta í
Evrópu í þessum „bransa“ með
tæp 16 þúsund tonn, en Icelanda-
ir Cargo flytji einfaldlega meira
en það. „Þá er ég ekki bara að tala
um flutning frá Íslandi, inni í
þessum tölum eru til dæmis
flutningar okkar á laxi frá
Skotlandi yfir á Ameríku og
humri frá Kanada til Evrópu.“
Suður-Evrópa er áhugaverð
Steingrímur á fastlega von á því
að þessir ferskfiskflutningar muni
áfram verða í vexti á næstu mán-
uðum og misserum og alltaf sé
reynt að verða við óskum við-
skiptavina. Í því sambandi nefnir
hann að nú sé verið að skoða það í
fullri alvöru að fljúga fragtflug
inn á Madríd og Barcelona á
Spáni. „Við stefnum á þetta flug
fyrr en síðar. Hafa ber í huga að
stærsti ferskfiskmarkaður í Evr-
ópu er í Madríd. Gallinn er hins
vegar sá að þær tegundir sem eru
vinsælastar á borð Spánverja eru
ekki til í miklu magni hér. En við
teljum engu að síður að þarna séu
miklir möguleikar,“ segir Stein-
grímur og telur félagið vel í stakk
búið að mæta þessum auknu
flutningum, enda standi fyrir
dyrum endurnýjun á flugflota fé-
lagsins, sem er liður í því að
mæta aukinni eftirspurn.
Veruleg aukning í fiskflutningum Icelandair Cargo á síðustu mánuðum:
Spánarflug er í skoðun
„Við höfum í það minnsta ekki ástæðu til að
kvarta,“ sagði Steingrímur Sigurðsson, sölu-
stjóri útflutnings hjá Icelandair Cargo, þegar
hann var inntur eftir því hvernig þróun í
flutningum félagsins hafi verið á fyrstu mán-
uðum ársins í samanburði við sama tíma í
fyrra. „Það hefur verið áberandi aukning á
fyrstu mánuðum ársins miðað við sama tíma í
fyrra, ég gæti trúað að aukningin næmi um
30%,“ sagði Steingrímur, en í fyrra voru sjávar-
afurðir, fyrst og fremst ferskur fiskur, fast að
90% allra flutninga Icelandair Cargo út fyrir
landsteinana.
„Það hefur verið áberandi aukning á fyrstu mánuðum ársins miðað
við sama tíma í fyrra, ég gæti trúað að aukningin næmi um 30%,“
segir Steingrímur Sigurðsson, sölustjóri útflutnings hjá Icelandair
Cargo.