Ægir - 01.06.2004, Blaðsíða 23

23
L A X E L D I
Á markaði í Bandaríkjunum
og Evrópu
Lífmassinn í sjókvíum í Mjóafirði
er nú á milli fimm og sex þúsund
tonn. Þetta er fyrsta árið sem
Sæsilfur er að heita má í fullri
framleiðslu. Fiskurinn er fóðraður
með fóðri frá Fóðurverksmiðjunni
Laxá á Akureyri og er fóðrunin
því sem næst alsjálfvirk. Til
marks um umfang eldisins nefnir
Guðmundur Valur að þegar mest
var sl. sumar hafi fóðurnotkunin á
einum sólarhring numið um 30
tonnum.
Guðmundur Valur segir að
menn hafi náð ágætum tökum á
sjálfu eldinu, en framundan sé að
þróa vinnsluna í Neskaupstað og
áframhaldandi markaðsvinna.
Framleiðslan fer því sem næst
öll fersk á markað - bæði til Evr-
ópu og Bandaríkjanna. Hlutfalls-
lega mest af framleiðslunni er
flutt á Evrópumarkað frá Seyðis-
firði með ferjunni Norrænu og
einnig er lax fluttur þrisvar í viku
með flugi til Bandaríkjanna, auk
þess sem gámar eru sendir til
Bandaríkjanna á hálfsmánaðar
fresti.
Á síðustu árum hefur verð á
laxi lækkað verulega, en að und-
anförnu hefur það eilítið verið að
þokast upp á við.
Mjóifjörður-Norðfjörður
Laxinn er fluttur með brunnbátn-
um Snæfugli úr Mjóafirði til
Norðfjarðar þar sem honum er
slátrað. Þar er laxinum dælt lif-
andi úr bátnum í vinnslustöðina
þar sem hann fer í gegnum svo-
kallaðar kæliskrúfur áður en hon-
um er slátrað.
Áður en langt um líður verður
unnt að færa laxinn yfir í sérstök
geymsluker í Norðfjarðarhöfn,
sem nú eru í smíðum. Úr þessum
kerum verður fiskinum síðan
dælt inn í hús til slátrunar.
Nú er laxi slátrað þrjá daga í
viku og hefur vikuslátrunin verið
100-150 tonn á viku. „Við erum
að auka slátrunina og ég reikna
með að í júlí verði slátrað um 200
tonnum á viku,“ segir Guðmund-
ur Valur.
Fast að 20 manns
starfa við slátrun
Við eldið í Mjóafirði eru 6-8
störf, en yfir sumarmánuðina,
þegar mest er um að vera í eld-
inu, eru starfsmennirnir 10-12.
Að sögn Jóhannesar Pálssonar,
framkvæmdastjóra landvinnslu
hjá Síldarvinnslunni, koma að
jafnaði átján manns að laxaslátr-
uninni þá daga sem hún er í
gangi.
Guðmundur Valur telur að út-
litið í hérlendu fiskeldi sé þokka-
lega gott. Hann telur orðum auk-
ið að fjarlægðir á helstu markaði
fyrir laxaafurðir geri Íslendingum
erfitt fyrir með samkeppnishæfni
í fiskeldi. Í þessu sambandi nefnir
Guðmundur Valur að Chilemenn,
sem eru gríðarlega stórir í fisk-
eldi, þurfi að flytja framleiðslu
sína um lengri veg á markaði á
Bostonsvæðinu en Íslendingar.
„Þess vegna eru fjarlægðir frá
helstu mörkuðum að mínu mati
ekki okkar helsti þröskuldur í
fiskeldi,“ segir Guðmundur Valur
Stefánsson.
Ef settur er 3-400 gramma fiskur í kvíar í Mjóafirði í byrjun júní má ætla að unnt sé
að slátra 5-6 kg laxi úr þeirri kví að þrettán til fjórtán mánuðum liðnum.
Laxaslátrun í vinnslustöð Síldarvinnslunnar í Neskaupstað.
„Mjóifjörður er mjög góður til fiskeldis. Inn allan fjörð eru brattar hlíðar niður á um
80 metra dýpi. Botninn er sléttur og vatnsskiptin eru gríðarlega mikil, sem er veru-
legur kostur,“ segir Guðmundur Valur Stefánsson hjá Sæsilfri.