Ægir - 01.06.2009, Blaðsíða 32
32
L Ö N D U N A R Þ J Ó N U S T A
Þegar fiskiskip og togarar
koma að landi er harðsnúið
lið starfsmanna Löndunar ehf.
á bryggjunni. Hraðar hendur
þarf, þegar afferma skal skip,
og vinnan verður að vera
skipulögð í þaula. „Kröfur út-
gerðarinnar til okkar um góða
þjónustu eru miklar. Allt þarf
að renna í gegn fljótt og ör-
ugglega, sérstaklega þegar
um ferskfisk er að ræða. Oft
er hóað í okkur með stuttum
fyrirvara og þá verðum við að
standa klárir. Sérstaklega á
þetta við fyrri hluta sumars
þegar erlendu skipin sem eru
á Reykjaneshryggnum koma
hingað inn. Ég hef stundum
orðað þetta sem svo að fisk-
urinn geri ekki boð á undan
sér,“ segir framkvæmdastjór-
inn Stefán Sigurjónsson.
Sterkir hlekkir
„Við erum einnig að landa úr
skipum í Sundahöfn, á Grand-
anum við Reykjavíkurhöfn og
í Hafnarfirði. Ætli um það bil
helmingur af okkar starfsemi
sé ekki þar syðra. Að jafnaði
erum við með um þrjátíu
menn í vinnu og fleiri á álags-
tímum. Stundum allt upp í
fimmtíu. Þumalputtareglan er
sú að setja þrettán menn í að
landa út hverjum togara. Allir
hlekkir keðjunnar þurfa að
vera sterkir. Togarar eins og
Guðmundur í Nesi RE koma
jafnan inn snemma morguns
og fara út að kvöldi. Við höf-
um því ekki langan tíma til
afgreiðslu, en sé rétt að öllu
staðið rennur þetta liðugt í
gegn,“ segir Stefán sem bætir
að ýmis fleiri verkefni en
löndun á fiski falli til. Þar
megi til dæmis nefna af-
greiðslu á flutningaskipum
sem koma með timbur og
járn og stundum þurfi mann-
skap í að tæma gáma og slíkt.
Ekki sama streðið
Þeir Stefán Sigurjónsson og
Svavar Ásmundsson þjónustu-
stjóri fyrirtækisins stofnuðu
Löndun árið 1987. Á þeim
tíma var rekstarumhverfi sjáv-
arútvegsins að breytast. Fisk-
verð hafði nýlega verið gefið
frjálst og starfsemi fiskmark-
aða var að hefjast. „Þetta nýja
og breytta umhverfi kallaði á
að til staðar væri eitt fyrirtæki
sem gæti veitt útgerðinni
heildstæða þjónustu. Áður
hafði Togaraafgreiðslan sem
var í sameign útgerðarfyrir-
tækjanna hér í Reykjavík sinnt
þessu en með markaðsvæð-
ingu í sjávarútvegi þurfti að
standa öðruvísi að þessari
þjónustu og það hefur okkur
tekist,“ segir Svavar sem bætir
við að oft sé handagangur í
öskjunni þegar þeir Löndun-
armenn afgreiða skip.
„Með árunum hefur tækja-
búnaður orðið betri og þetta
er ekki sama streðið og áður
var. Við getum afgreitt fleiri
tonn á hverri klukkustund en
áður var. En vissulega eru
þetta tarnir; snarpar lotur og
vertíðarstemning, eins og Ís-
lendingum líka svo vel,“ segir
Stefán Sigurjónsson að síð-
ustu.
Löndunarmenn. Stefán Sigurjónsson framkvæmdastjóri, til vinstri, og Svavar Ásmundsson.
Mikil umsvif og fjölþætt þjónusta hjá Löndun hf.:
Fiskurinn gerir ekki boð á undan sér
Handagangur í öskjunni. Starfsmenn Löndunar á fullu við að landa úr Guðmundi í
Nesi en útgerð fyrirtækisins, Brim ehf., er meðal viðskiptavina fyrirtækisins.