Tímarit Máls og menningar - 01.04.1939, Síða 5

iiii) alltaf gert. Mál og menning er stofnað í trausti á þjóðina,
lestrarhneigð hennar og þrá til að menntast. Þjóðin hefur svar-
að með þvi að flykkjast í þúsundatali inn í félagið. Mál og
menning mun starfa áfram í trausti á þjóðina, trausti þess að
nýjar þúsundir læri að meta starfsemi félagsins og skipi sér í
raðir þeirra, sem fyrir eru. Mál og menning safnar engum sjóði.
Við keppum árlega að meiri og meiri útgáfu, og á grundvelli
hennar að hærri og hærri félagatölu. Við litum svo á, að ánægja
félagsmanna sé verðmætasti sjóðurinn, er skili hæstum vöxtunn
sem felast í sívakandi áliuga þeirra fyrir velgengni félagsins og
ötulu starfi að útbreiðslu þess. Nú tilkynnum við þeim fjórum
þúsundum, sem í félaginu eru: útgáfan í ár er miðuð við 5000
félagsmenn. Við þurfum 800 nýja menn í félagið. Helgið strax
eina viku í þessum mánuði því starfi, að útbreiða Mál og menn-
ingu, gangið á tal við kunningja ykkar, skýrið fyrir þeim út-
gáfuna í ár og fáið þá til að ganga í félagið!
Nýtt boðsbréf til utanfélagsmanna. Áskorun frá stjórn félagsins.
A öðrum stað í þessu hefti er áskorun frá stjórn Máls og
menningar til allra félagsmanna um að hefja nú öfluga úthreiðslu-
starfsemi fyrir félagið. Jafnframt er sent til allra umhoðsmanna
nýtt boðsbréf stílað til þeirra, sem ekki eru ennþá gengnir í
Mál og menningu. Biðjum við fyrst og fremst umboðsmenn að
koma þessu hoðsbréfi til allra þeirra, er þeir telja liklega til
að vilja ganga í Mál og menningu. Boðsbréfið inniheldur upp-
lýsingar um stofnun Máls og menningar, tilgang félagsins, út-
gáfu þess og framtíðar áætlanir. Hver félagsmaður, sem vinna
vill að útbreiðslu Máls og menningar, getur fengið hoðsbréfið
lijá umboðsmanni sínum og dreift þvi til kunningja sinna, er
þeir vilja fá til að ganga í félagið.
Hlutverkið í ár er að efla og útbreiða félagið til þess að geta
þegar á næsta ári ráðizt í útgáfu stærri verka.
Mál og menning hefur ákveðið að færast í fang útgáfu mann-
kynssögu, eins fljótt og kostur er á. Gert er ráð fyrir, að sú
útgáfa verði í sex allstórum bindum, og við hefðum viljað, að
fyrsta bindið gæti komið út á næsta ári. Þessi útgáfa hefur
mikinn kostnað í för með sér, einkum ef við veljum þá leið,
sem er æskilegri, að fá söguna frumsamda en ekki þýdda. Þvi
meir sem félagið stækkar og því fyrr á árinu sem við komum
tölu félagsmanna upp i 5000, þvi öruggari verðum við að taka
fulla ákvörðun um, hvernig liaga skuli útgáfu mannkynssög-
unnar'. Kr. E. A.
27