Fjarðarpósturinn - 26.03.2015, Blaðsíða 8

8 www.fjardarposturinn.is FJARÐARPÓSTURINN | FIMMTUDAGUR 26. MARS 2015
Stofnað 1982
Dalshrauni 24
Sími 555 4855
steinmark@steinmark.is
reikningar • nafnspjöld • umslög
bæklingar • fréttabréf • bréfsefni
og fleira
styrkir barna- og unglingastarf SH
Sundstund
gefur gull í mund Stofnuð 1983
EIGN VIKUNNAR
Daggarvellir 3.
Sérlega falleg neðri
sérhæð á besta stað á
völlunum. V. 35,9 millj
Íbúa sam­
tök vilja
loftlínur
burt
Íbúar langþreyttir
Nýstofnuð íbúasamtök Valla
standa fyrir opnum fundi um
háspennulínurnar á Völlum í
Hraunvallaskóla í kvöld kl. 20.
Þar mun Karl Ingólfsson
flytja erindi um jarðstrengi og
bæjarstjóri/bæjarfulltrúar
kynna afstöðu sína.
Eru íbúar orðnir langþreyttir
eftir því að losna við háspennu­
línurnar sem skv. úthlutunar­
skilmálum áttu að vera farnar
fyrir löngu. Samkomulag
Hafn ar fjarðarbæjar og Lands­
nets var þó með þeim hætti að
deilt er um það hver eigi að
borga, falli flutningurinn ekki
að uppbyggingaráformum
Landsnets.
Nú þegar Landsnet sækir um
framkvæmdleyfi fyrir nýjum
Suðurnesjalínum telja menn
lag til að losna við allar
háspennulínur í lofti á Völlum
og jafnvel er krafist að línurnar
að álverinu í Straumsvík verði
líka lagðar í jörðu – eins og til
stendur að gera í Helguvík,
varði þar byggt álver.
Jón Arnar Jónsson, formaður
íbúsamtaka Valla segir að
yfirlýsing Landsnets breyti
engu um það að samtökin muni
áfram berjast fyrir að línurnar
hverfi. Þetta sé mikið hags­
munamál fyrir framgang
hverfisins og því ekkert annað í
stöðunni.
Hafnarfjarðarbær og Landsnet
gerðu grunnsamkomulag um
flutningskerfi raforku í ágúst
2009. Þar kemur fram að Lands­
net þurfi að leggja háspennulínur
um lögsagnarumdæmi Hafnar­
fjarðar til að bæta flutningskerfi
raforku. Markmiðið var að við
uppbyggingu flutningskerfisins
yrði komið til móts við sjónarmið
Hafnarfjarðarbæjar að því marki
sem unnt væri með vísan til
skyldna Landsnets. Þannig mætti
lágmarka kostnaðarþátttöku
Hafn ar fjarðarbæjar við breyt­
ingar á kerfinu en fylgja átti í
hví vetna markmiðum í aðal­
skipu lagi Hafnarfjarðar 2015­
2025.
Helstu breytingar á kerfinu
voru að byggðar yrðu tvær nýjar
háspennulínur frá Sandskeiði að
Njarðvíkurheiði og nýtt tengi­
virki reist í Hrauntungum. Ættu
Hamra neslínur 1 og 2 að víkja
sem og núverandi Suðurnesjalína.
Tengivirkið í Hamranesi yrði þá
spennistöð.
Ísal­línur 1 og 2 færðust því frá
Hamranesi að Hrauntungum og
þaðan í beina stefnu að álverinu.
Háspennulína sem liggi að
Hamranesi yrði þá færð í Hraun­
tungur og Hamranesið yrði tengt
tengivirkinu í Hrauntungum með
2 jarðstrengjum. Gerð var ráð
fyrir að verkið yrði unnið í 3
áföngum og yrði að fullu komið
til framkvæmda árið 2017.
Miðað við þessa áætlun bæri
Lands net allan kostnað af verk­
inu.
Í samkomulaginu segir að
Hafnarfjarðarbær leggi áherslu á
að framkvæmdum verði lokið
eigi síðar en 2015 en þá greiddi
Hafnarfjarðarbær ákveðinn flýti­
kostnað sem var áætlaður 300
milljón kr. við þriðja áfanga.
Landsnet setti fyrirvara í sam­
komulagið um að breyttust for­
sendur um aukinn flutning raf­
orku til álversins og fl. yrðu
teknar upp viðræður um endur­
mat á forsendum þess að leggja
raflínur í lofti í álverið.
Viðauki
Í október 2012 gerðu aðilar
viðauka við samkomulagið. Þar
kemur fram að Landsnet telji
ekki hægt að tímasetja hvenær
framkvæmdum ljúki og í hvaða
röð. Þar leggur Hafnarfjarðarbær
ríka áherslu á niðurrif Hamra­
neslínu 1 og 2 þar sem þær hafi
veruleg áhrif á þróun íbúðar­
byggðar enda fari það að megin­
stefnumörkun Landsnets. Í sam­
komulaginu upplýsir Lands net
þá ákvörðun sína að ráðast í
niðurrif Hamraneslínu og að
undirbúningur hefjist eigi síðar
en 2016 þannig að fjarlægja
megi línurnar árið 2020. Verði
ráðist í fyrsta áfanga nýs álvers í
Helguvík eða annars orkufreks
iðnaðar verði undirbúningar
strax hafinn.
Mat á samkomulagi
Í mati sem Landslög gerðu
fyrir Hafnarfjarðarbæ segir að
tímaáætlanir samningsins hafi
ekki staðist af hálfu Landsnets.
Þar segir einnig að Landsnet hafi
ekki upplýst hvaða breyttu
að stæður liggi til grundvallar
seinkun á framkvæmdum.
Skýrslu höfundur telur í ljósi þess
að Landsnet hafi nú óskað eftir
leyfi til að ráðast í hluta þeirra
framkvæmda sem fyrsti áfangi
tók til, eðlilegt og í samræmi við
2. mgr. 6. gr. samningsins að
aðilar setjist niður og ræði fram­
hald framkvæmda og nauðsyn­
legar breytingar á honum m.a. til
að lágmarka tjón Hafnarfjarðar­
bæjar. Landsnet geti ekki ein­
hliða tínt inn þá hluta fram­
kvæmd anna sem henta fyrirtæk­
inu án þess að ræða um framhald
framkvæmdanna og þau atriðið
sem skipta Hafnarfjarðarbæ
mestu. Viðaukinn breyti þar
engu um.
Í samkomulaginu er getið að
almenna flutningskerfið megi
standa í 20 ár frá því hver lína er
tekin í notkun og því er mikilvægt
að skýrt sé við hvaða línur sé átt.
Í 2. málslið 4. málsgreinar 6 gr.
samkomulagsins segir: „Ef
samfelld byggð á svæðinu þróast
þannig að háspennulínur hamli
verulega frekari þróun byggðar á
einhverjum hluta línuleiðarinnar
eru aðilar sammála um að sá
hluti raforkukerfisins verði
færður fjær byggð, ef til þess fást
tilskilin leyfi.“ Þá greiði Lands­
net fyrir flutninginn. Skýrsluhöf­
undur telur að framangreindar
ástæður eigi við um þá áfanga
sem tilbúnir eru til úthlutunar í
Skarðshlíð en verður ekki
úthlutað vegna línunnar. Þetta
eigi jafnframt við um þann hluta
Hnoðraholtslínu sem tak marki
uppbyggingu í Áslandi 4 og 5/
Vatnshlíð. Í samtali við forstjóra
Landsnets upplýsti hann að ekki
væri á áætlun að flytja Hnoðra­
holtslínu.
8,5 km jarðstrengur að
Helguvík
Til samanburðar stendur til að
leggja tvo 132 kV jarðstrengi frá
fitjum að Helguvík vegna áforma
þar, alls rúmlega 8,5 km leið. Þar
er gert ráð fyrir 5x220 kV jarð­
strengjum verði álver byggt þar.
Þar virðist ekki hafa verið neitt
tiltökumál og engum vand kvæð­
um bundið.
Yfirlýsing frá Landsneti
Á þriðjudag sendi Landsnet frá
sér yfirlýsingu vegna frásagna
um að Landsnet hafi svikið
loforð. Þar segir að fyrirtækið
hafi verið reiðubúið að færa
um ræddar línur ef bæjarfélagið
bæri þann kostnað sem það var
ekki tilbúið til. Í framkvæmda­
áætlun Landsnet var áformað að
flytja línurnar í tengslum við
uppbyggingaráform á Reykja­
nesi en þau áform breyttust og
því var flutningi línanna frestað.
Í yfirlýsingunni er ekki rökstutt
hvers vegna sé verið að fara
bráðabirgðaleið að Hamranesi í
stað þess að byggja nú þegar
áformað spennuvirki í Hraun­
tungum. Segir í yfirlýsingunni að
nú sé uppbygging hafin á
Reykja nesi og forsendur séu
fyrir því að halda áfram með
fyrri áform um uppbyggingu
flutningskerfisins.
Þessari mynd vila íbúarnir breyta.
Um hvað snýst línumálið á Völlum?
æljsf
Lj
ós
m
.:
G
uð
ni
G
ís
la
so
n
-stöðin
Hafnfirska
leigubílastöðin
520 1212
T A X I
Þessar línur vill fólk að fari
sem allra fyrst.