Morgunblaðið - 29.12.2014, Síða 2

ENGLAND
Víðir Sigurðsson
vs@mbl.is
Nú um hátíðirnar hefur verið talsvert fjallað um
það að José Mourinho, knattspyrnustjórinn sig-
ursæli, nái alltaf að fylgja því eftir með meist-
aratitli um vorið þegar lið hans sé á toppnum um
jólin. Hann er enn og aftur í þeirri stöðu, er með
Chelsea í efsta sæti ensku úrvalsdeildarinnar í árs-
lok, en nokkuð ljóst er að lið hans þarf að spila enn
betur eftir áramótin til þess að standa uppi sem
enskur meistari í vor.
Firnasterkt lið Manchester City andar ofan í
hálsmál Lundúnaliðsmanna en er þó áfram þrem-
ur stigum á eftir Chelsea. City glopraði nefnilega
sigri úr höndum sér á heimavelli gegn Burnley í
gær, þvert ofan í allar spár. Lærisveinar Manuels
Pellegrini voru yfir í hálfleik, 2:0, David Silva og
Fernandinho skoruðu, og þægilegur sigur blasti
við. En George Boyd og Ashley Barnes skoruðu
fyrir Burnley í seinni hálfleik, 2:2, og færðu nýlið-
unum dýrmætt stig. Þeir komu í veg fyrir að City
ynni tíunda leik sinn í röð sem hefði verið nýtt fé-
lagsmet.
Chelsea og Manchester City eru annars áber-
andi bestu liðin í deildinni og staðan segir allt um
það. Þau eru tíu og sjö stigum á undan Manchester
United og magnað einvígi um meistaratitilinn virð-
ist í uppsiglingu.
Glæsileg mörk
Tvö sérlega glæsileg mörk litu dagsins ljós í
leikjum toppliðanna í gær.
Eden Hazard skoraði magnað mark þegar hann
jafnaði, 1:1, í Southampton í uppbótartíma fyrri
hálfleiks. Fékk sendingu frá Cesc Fabregas og
plataði þrjá mótherja í vítateig Southampton.
Snilldartilþrif hjá þessum snjalla Belga sem er
sennilega besti leikmaður deildarinnar það sem af
er tímabilinu.
Fernandinho, sem ekki er vanur að skora mörk,
smellti boltanum í þverslána og inn með gull-
fallegu skoti í leiknum gegn Burnley. Fyrsta mark
varnartengiliðsins á tímabilinu og að sögn tölfræð-
inga í fyrsta sinn sem hann hittir markið í vetur.
Töpuð stig hjá United
Manchester United nýtti ekki góð færi í fyrri
hálfleik gegn Tottenham á White Hart Lane og
niðurstaðan þar varð markalaust jafntefli. United
náði lítið að ógna í seinni hálfleik og þá var Totten-
ham sterkari aðilinn. Ef þeir rauðklæddu láta sig
dreyma um meistaratitilinn, voru þetta tvímæla-
laust tvö töpuð stig, enda þótt liðið hafi leikið sinn
níunda leik í röð án taps. Tottenham er ósigrað í
fimm leikjum og heldur sér í seilingarfjarlægð frá
Evrópusætunum.
Louis van Gaal, knattspyrnustjóri United, stillti
upp sama byrjunarliði og á öðrum degi jóla, og
þetta var því í fyrsta skipti í síðustu 85 leikjum sem
United er með óbreytt lið á milli leikja.
Harðnandi slagur um Evrópusæti
Slagurinn um sætin í Meistaradeildinni harðnar
stöðugt en ekkert fimm efstu liða deildarinnar náði
að vinna í gær. Southampton heldur fjórða sætinu
en Arsenal náði sama stigafjölda og stakk sér upp í
fimmta sætið með góðum útisigri á West Ham, 2:1.
Santi Cazorla og Danny Welbeck komu Arsenal í
2:0 fyrir hlé en Cheikhou Kouyaté minnkaði mun-
inn snemma í seinni hálfleik. Óhætt að segja að
Arsenal hafi verið sigurvegari dagsins, enda eina
liðið í hópi sjö efstu sem vann í gær.
Lið West Ham, sem hefur komið geysilega á
óvart í vetur, lenti á vegg um jólin og tapaði fyrir
bæði Chelsea og Arsenal. Það sést væntanlega
betur á næstu vikum hvort Hamrarnir hafi úthald í
að berjast áfram um Evrópusætin, eða hvort þeir
sígi niður í rólegheitin um miðja deildina.
AFP
Óvænt Leikmenn Burnley fagna Ashley Barnes fyrir framan vonsvikna stuðningsmenn Manchester City eftir að hann jafnaði metin í 2:2 á Ethiad-
leikvanginum í gær. City missti af gullnu tækifæri til að saxa á forskot Chelsea á toppnum en Burnley fékk dýrmætt stig í fallbaráttunni.
Staðan gefur fyrirheit
 Mourinho með Chelsea á toppnum um áramót  Vinnur alltaf titil í þeirri
stöðu  Ótrúleg endurkoma Burnley gegn City  Arsenal sigurvegari dagsins
2 ÍÞRÓTTIR
MORGUNBLAÐIÐ MÁNUDAGUR 29. DESEMBER 2014
Íþróttir Morgunblaðsins Hádegismóum 2, 110 Reykjavík, sími 5691100, netfang sport@mbl. is
Útgefandi Árvakur hf. Umsjón Víðir Sigurðsson, vs@mbl. is Auglýsingar sími 5691111 netfang
augl@mbl. is Bréfsími 5691110 Prentun Landsprent ehf.
England
Tottenham – Manch. Utd ........................ 0:0
Southampton – Chelsea ........................... 1:1
Aston Villa – Sunderland......................... 0:0
Hull – Leicester........................................ 0:1
Manchester City – Burnley..................... 2:2
QPR – Crystal Palace .............................. 0:0
Stoke – WBA ............................................ 2:0
West Ham – Arsenal ................................ 1:2
Newcastle – Everton................................ 3:2
 Liverpool og Swansea mætast í kvöld.
Staðan:
Chelsea 19 14 4 1 41:14 46
Manch.City 19 13 4 2 41:17 43
Manch.Utd 19 10 6 3 33:19 36
Southampton 19 10 3 6 32:15 33
Arsenal 19 9 6 4 34:23 33
West Ham 19 9 4 6 30:23 31
Tottenham 19 9 4 6 24:24 31
Swansea 18 8 4 6 23:19 28
Newcastle 19 7 5 7 22:28 26
Liverpool 18 7 4 7 22:24 25
Stoke 19 7 4 8 21:23 25
Everton 19 5 6 8 29:31 21
Aston Villa 19 5 6 8 11:22 21
Sunderland 19 3 11 5 16:27 20
QPR 19 5 3 11 21:34 18
WBA 19 4 5 10 18:28 17
Hull 19 3 7 9 18:26 16
Crystal Palace 19 3 7 9 20:30 16
Burnley 19 3 7 9 14:29 16
Leicester 19 3 4 12 17:31 13
B-deild:
Cardiff – Watford .................................... 2:4
 Aron Einar Gunnarsson lék fyrstu 62
mínúturnar með Cardiff.
Blackpool – Rotherham.......................... 1:1
 Kári Árnason lék allan leikinn með Rot-
herham.
Huddersfield – Bolton ............................ 2:1
 Eiður Smári Guðjohnsen lék fyrstu 80
mínúturnar með Bolton.
Nottingham F. – Birmingham ................ 1:3
Blackburn – Middlesbrough ................... 0:0
Millwall – Bournemouth .......................... 0:2
Reading – Norwich................................... 2:1
Wolves – Brentford .................................. 2:1
Staðan:
Bournemouth 24 14 6 4 54:25 48
Ipswich 23 12 8 3 38:22 44
Middlesbro 24 12 7 5 38:17 43
Derby 23 12 6 5 44:23 42
Watford 24 12 5 7 43:26 41
Brentford 24 12 4 8 40:35 40
Norwich 24 10 7 7 44:29 37
Wolves 24 10 7 7 28:33 37
Blackburn 24 9 8 7 35:33 35
Nottingham F. 24 7 10 7 33:33 31
Charlton 23 6 13 4 24:25 31
Cardiff 24 8 7 9 32:35 31
Sheffield Wed. 23 7 10 6 17:21 31
Birmingham 24 8 7 9 27:37 31
Bolton 24 8 5 11 26:31 29
Reading 24 8 5 11 30:40 29
Fulham 23 8 4 11 35:41 28
Huddersfield 24 7 7 10 31:42 28
Rotherham 24 5 11 8 21:30 26
Leeds 23 6 6 11 25:34 24
Millwall 24 5 8 11 24:40 23
Wigan 23 4 8 11 24:30 20
Brighton 23 3 11 9 24:32 20
Blackpool 24 2 8 14 18:41 14
Ítalía
B-deild:
Livorno – Pescara ................................... 1:2
 Birkir Bjarnason lék allan leikinn með
Pescara sem er komið í 11. sæti af 22 liðum
í deildinni eftir slæma byrjun á tímabilinu.
Belgía
Cercle Brugge – Waasl.Beveren ........... 1:0
 Arnar Þór Viðarsson þjálfar Cercle
Brugge sem vann mikilvægan sigur í botn-
baráttu deildarinnar. Liðin eru nú bæði
með 20 stig en Lierse er neðst með 14 stig.
KNATTSPYRNA
Ásynjur unnu yfirburðasigur á SR,
13:0, þegar liðin mættust á Íslands-
móti kvenna í íshokkí á Akureyri á
laugardaginn. Staðan var 6:0 strax
að loknum fyrsta leikhluta og eftir-
leikurinn því auðveldur fyrir Akur-
eyrarliðið.
Ásynjur eru með 20 stig á toppi
deildarinnar, Björninn er með 16
stig, Ynjur 6 en SR er enn án stiga
þegar sjö umferðum er lokið.
Silvía Björgvinsdóttir og Kol-
brún Garðarsdóttir skoruðu 3 mörk
hvor fyrir Ásynjur, Katrín Ryan og
Birna Baldursdóttir 2 hvor og þær
Guðrún Blöndal, Eva Karvelsdóttir
og Ragnhildur Kjartansdóttir sitt
markið hver. vs@mbl.is
Þrettán
marka sigur
Ásynjanna
Umdeild atvik settu svip sinn á
nokkra af leikjunum í ensku úrvals-
deildinni í knattspyrnu í gær.
José Mourinho knattspyrnustjóri
og Cesc Fabregas voru æfir af reiði
þegar brotið virtist á Fabregas í
vítateig Southampton, en Fabregas
fékk gula spjaldið fyrir meintan leik-
araskap.
Mourinho fullyrti eftir leik að Sam
Allardyce, stjóri West Ham, hefði
hleypt af stað áróðri um að leikmenn
Chelsea stunduðu leikaraskap í víta-
teig mótherjanna og þetta væri farið
að hafa áhrif á dómarana. „Það er
komin í gang einhver herferð gegn
okkur,“ sagði Mourinho á frétta-
mannafundi eftir leikinn.
Allardyce var sjálfum ekki
skemmt þegar mark var dæmt af
Alex Song snemma í leik West Ham
gegn Arsenal. Samherji í rangstöðu,
sem snerti ekki boltann, var talinn
hafa byrgt markverði Arsenal sýn.
„Það er tóm vitleysa. Í 99 prósentum
svona tilfella er dæmt mark,“ sagði
Allardyce.
Þá virtist fyrra mark Burnley,
sem George Boyd skoraði, í hinu
óvænta jafntefli sem liðið náði gegn
Manchester City, 2:2, vera rang-
stöðumark. vs@mbl.is
AFP
Svekktur José Mourinho.
Herferð komin í
gang gegn okkur
 Umdeild atvik í ensku úrvalsdeildinni
Bjarki Már El-
ísson átti enn
einn stórleikinn
fyrir Eisenach í
gær þegar liðið
vann Nordhorn á
útivelli, 29:23, í
þýsku B-
deildinni í hand-
knattleik. Bjarki
skoraði 10 mörk
í leiknum og hef-
ur nú gert 83 mörk í síðustu átta
leikjum liðsins, eða ríflega tíu að
meðaltali í leik. Hann hefur nú
skorað samtals 138 mörk í deildinni
í vetur. Eisenach hefur smám sam-
an þokast nær efstu liðum deild-
arinnar og er nú komið í sjötta sæt-
ið, sex stigum á eftir þremur þeim
efstu en þrjú lið fara upp. vs@mbl.is
Bjarki með
83 í 8 leikjum
Bjarki Már
Elísson