Vesturbæjarblaðið - 01.12.2006, Qupperneq 13

13VesturbæjarblaðiðDESEMBER 2006
Borgarbúar ættu að fylgjast vel
með því sem gerist á næstunni
þegar nýr borgarstjórnarmeiri-
hluti kynnir fjárhagsáætlun næsta
árs. Við sáum þess ákaflega fá
merki að við hafi tekið metnað-
arfullur meirihluti sem þyrstir í
að hrinda í framkvæmd málum
sínum, því fátt hefur vakið athygli
þessa mánuði sem íhald og fram-
sókn hafa verið við völd. Við
vitum að áform um gjaldfrjálsan
leikskóla hafa verið sett á ís og
verður Björn Ingi Hrafnsson að
gleypa það kosningaloforð sitt í
heilu lagi. Það er mál sem við
hefðum sett á oddin og höfðum
gert ráð fyrir í þriggja ára áætlun
okkar. Ég spái því að fjárhagsá-
ætlun verði lokað með miklum
mínus á næsta ári og Reykjavík-
urlistanum kennt um ,,óstjórn”,
en minni þá á að við lokuðum all-
taf fjárhagsáætlunum hvers árs á
sléttu svo engu skeikaði.
100 milljónir í eina
formannstign
Borgarbúar fá að gjalda skipt-
ingu á menntaráði dýru verði,
nýtt leikskólaráð handa Þorbjörgu
Helgu kostar skattborgarana 100
milljónir króna á fjórum árum!
Það eina sem þau hafa látið frá
sér fara að auki um skólamál er
að bæta 200 milljónum króna í
einkarekna skóla og dagforeldra
(án tryggingar um lækkun gjald-
skrár) og verður fróðlegt að sjá
hvort þeir peningar verði teknir
af almenna skólakerfinu. Þá þurf-
um við að sjá hvernig úrbótum á
skólalóðum vegnar, en þar vorum
við með 100 milljóna átaka á ári.
Allir flokkar hafa hins vegar sam-
einast um að vinna að ,,frístunda-
korti” sem er annað nafn á aukin
fjárframlög til tómstundamála, en
þar höfðum við gert ráð fyrir 100
milljónum króna.
Hvað er hægt að gera
fyrir 25 milljónir á ári?
Nýja leikskólaráðið sem stofnað
var gegn öllum óskum fagstétta,
hagsmunaaðilja og þeirra sem til
þekktu kostar 25 milljónir króna á
ári (fyrir utan þann stofnkostnað
vegna skipulagsmála sem féll til á
þessu ári). Sem gamall formaður
menningar- og menntaráðs get
ég sagt ykkur hvað ég hefði getað
látið mér detta í hug fyrir þessa
peninga:
* Ókeypis á Listasafn Reykjavík-
ur fyrir alla Reykvíkinga, 8 milljón-
ir króna á ári.
* Sérstakur stuðningur við lista-
smiðju grunnskólanna í Fellaskóla
sem við stofnuðum, 5 milljónir
króna til að enn fleiri krakkar fái
leiðsögn og stuðning í listnámi.
* Aukið framlag í íslensku- og
samfélagskennslu fyrir börn af
erlendum uppruna og þróun á
námsefni: 10 milljónir króna.
* Þá eru eftir 2 milljónir króna
sem hefði mátt setja í púkkið til
að styðja við Tónlistarþróunar-
miðstöðina úti á Granda.
Starfsáætlanir okkar!
Þegar við í Samfylkingunni ber-
um saman bækur úr hinum ýmsu
ráðum og nefndum má sjá að
tíðindaleysið er allsráðandi. Til
dæmis samþykktum við Samfylk-
ingarfólk starfsáætlun næsta árs í
mennta- og menningarmálum, því
þetta voru okkar starfsáætlanir
endurbornar! Einhvern tímann
hefði það þótt saga til næsta bæj-
ar að íhaldið kynnti bara starfsá-
ætlanir R-listans, en við fögnum
því auðvitað!
Nú sit ég ásamt Svandísi Svav-
arsdóttur, Júlíusi Vífli og Þor-
björgu Helgu ásamt fleirum á
,,heilastormsfundum” um nýja
menntastefnu, sem er svo sem
frískandi, en mér þykir vænt um
hve góð og gild stefna okkar frá
fyrra kjörtímabili er á meðan. Ég
spái að ekki verði mikil frávik í
framtíðinni frá 1) stefnu um sjálf-
stæða skóla, 2) stefnu um ein-
staklingsmiðað nám 3) skóla án
aðgreiningar 4) samstarf skóla og
grenndarsamfélags, en þetta eru
máttarstólpar í okkar stefnu.
Íhaldið minnist hins vegar ekk-
ert á að skipta borginni í 8 skóla-
hverfi sem var upphaf og endir í
öllum ræðum Guðrúnar Ebbu og
Björns Bjarnasonar á síðasta kjör-
tímabili og meginatriði í stefnu
þeirra!
Orkuveitan og samráð við
umhverfisverndarfólk
Ég sit í stjórn Orkuveitunnar
og hef sett mig inní og fylgst með
áhyggjum fólks vegna fyrirhug-
aðra virkjanaframkvæmda á Hell-
isheiði. Ég fór með hestamönnum
um Ölkelduháls og skoðaði hvera-
svæðið með Fjallaleiðsögumönn-
um, auk þess sem ég fékk menn
frá OR til að fara með mér um
svæðið og skoða með þeirra gler-
augum. Eftir áramót fara þessar
nýju virkjanir í umhverfismat og
mikilvægt að allir sem vilja koma
sínu á framfæri taki vel eftir. Ég
er ánægður með hvernig OR hef-
ur tekið á málum, að sinni, sam-
ráðsfundir hafa verið haldnir og
fleiri boðaðir, sjónarmið útivistar-
fólks, umhverfisverndarsinna og
annarra sem að koma rækilega
könnuð. Næstu virkjanir eiga að
vera við Hverahlíð og í nágrenni
við Ölkelduháls. Ég tel Hverahlíð
þokkalega traustan kost, en vanda
verði mjög til verka við Ölkeldu-
háls og forðast meiri spjöll en orð-
ið hafa þar vegna orkulínu sem
þar var lögð á vegum Landsvirkj-
unar fyrir nokkrum árum. Nýtt
orkuver OR á þessum slóðum
getur ekki risið nema í víðtækri
sátt um að vernda þessi svæði og
ég hygg að í stjórn OR muni nást
samstaða um að vanda sérlega
vel til verka. Að minnsta kosti
mun ég beita mér fyrir því af öllu
afli.
Vinnumiðlun tekin til
starfa
Mestu tíðindin koma oftast úr
þeirri átt sem illra veðra er von.
Vinnumiðlun Framsóknarflokks-
ins virðist mjög öflug innan borg-
arkerfisins og augljóst að við
þurfum að halda til haga þeim
vinagreiðum. Frelsarinn fæddist
í jötu, framsóknarmenn éta bara
úr henni!
Stefán Jón Hafstein
borgarfulltrúi Samfylkingarinnar
Forystuvandi í borgarstjórn
Stefán Jón Hafstein, borgarfulltrúi Samfylkingarinnar.
��������������������������������������������������
�������������������������������������
�����������������������
������������ ����������������������������������������������������������
������������
������������������������������������������������������� �����������
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson