Skinfaxi - 01.02.2015, Blaðsíða 23

SKINFAXI tímarit Ungmennafélags Íslands 23
K
olbeinn Höður Gunnarsson í Ung-
mennafélagi Akureyrar hefur farið
mikinn á þessu ári á hlaupabraut-
inni og sett hvert metið á fætur
öðru á innanhússmótum. Þessi
ungi frjálsíþróttamaður, sem verð-
ur tvítugur í júlí, er mikið efni sem vert er að
gefa auga í framtíðinni. Mikill metnaður og
gífurleg ástundun æfinga hjá þessum efni-
lega pilti hefur komið honum á þann stall
þar sem hann er kominn í dag. Okkur lék for-
vitni að skyggnast örlítið inn í líf hans.
„Ástæðan fyrir því að ég fór að æfa frjálsar
íþróttir er að ég tók virkan þátt í skólaíþrótt-
um í grunnskóla. Íþróttakennarinn sá að ég
gat hlaupið og sagði mér einfaldlega að
skella mér í frjálsar íþróttir, sem ég gerði, og
eftir það varð ekki aftur snúið. Ég hef stund-
að frjálsar íþróttir fyrir alvöru frá 2009 en
fyrsta Unglingalandsmótið sem ég tók þátt í
var í Þorlákshöfn 2008. Eftir þetta var ég með
á öllum mótunum ef undan er skilið mótið
sem var á Egilsstöðum,“ sagði Kolbeinn Höð-
ur í viðtali við Skinfaxa en þá var hann stadd-
ur í höfuðborginni í keppni og við æfingar.
Enginn tími fyrir annað
- Hvað fer mikill tími í æfingar hjá þér?
„Í upphafi var þetta eins og hjá flestum. Ég
mætti á æfingar klukkutíma í senn og hafði
gaman af. Síðustu tvö árin hafa verið tekin af
alvöru og það er enginn tími fyrir annað en
nám og æfingar. Lífið gengur út á þetta tvennt,
það er bara ekkert öðruvísi. Mínar aðalgrein-
ar í dag eru 200 og 400 metra hlaup og svo
tek ég lítillega þátt í 60 og 100 metra sprett-
hlaupum,“ sagði Kolbeinn Höður.
Aðspurður hvað valdi þessum miklu fram-
förum núna segir Kolbeinn Höður sig vera
að springa út og vonandi haldi þessi þróun
áfram á næstu árum.
„Það má segja að ég hafi núna sloppið í
gegnum heilt æfingatímabil án þess að meið-
ast. Ég er líka búinn að passa mataræðið og
mæta vel á æfingar. Hugsanlega hefði ég
sprungið út fyrr ef ég hefði passað upp á
þessi atriði. Hvað maður setur ofan í sig skipt-
ir öllu máli. Sama hvað maður æfir mikið
verður matarkúrinn að vera í lagi. Svefninn
skiptir líka verulegu máli. Maður verður að
vera skynsamur og fylgja þessu eftir. Ef maður
gerir það fær maður það ríkulega til baka í
bættum og betri árangri á hlaupabrautinni.“
Stefni í hóp þeirra bestu
- Hvernig sérð þú framtíðina fyrir þér?
„Stefnan er að taka þátt í sem flestum mótum
sem bjóðast á erlendum vettvangi. Maður
verður bara að halda sínu striki, æfa mark-
visst og gera sitt besta. Ég þarf að bæta mig
til að komast í hóp þeirra bestu og er á réttri
leið. Ég á alveg möguleika að komast upp að
þeim eða jafnvel taka fram úr þeim þegar
fram í sækir. Ef ég held stefnu minni eru
þetta alls ekki óraunhæf markmið.“
Kolbeinn Höður ólst upp á Dalvík og var
þar í grunnskóla upp í 4. bekk. Þá fór hann
inn á Akureyri, lauk þar grunnskóla og fór
síðan í MA og lýkur stúdentsprófi þaðan í vor.
Bandaríkin draumurinn
- Hvað tekur við þegar náminu í MA lýkur?
„Ég hef aðeins verið að spá í að fara út í há-
skóla en það gerist bara ef maður fær styrk.
Draumurinn væri að fara til Bandaríkjanna
en ef þetta gengi ekki eftir þá hugsa ég að
ég taki mér pásu frá námi í eitt ár, fái mér
vinnu og æfi vel. Stefnan er alltaf að fara í
háskóla og bæta við sig þekkingu.“
Vantar innanhússhöll
- Hefur það aldrei hamlað þér að æfa á Akur-
eyri en ekki hér fyrir sunnan?
„Það eina sem hægt er að setja út á er að við
erum ekki með innanhússhöll fyrir norðan.
Annars eru aðstæðurnar bara frábærar, góð-
ar brautir með gerviefni og ennfremur góð
líkamsræktarstöð á Bjargi. Við erum með allt
sem við þurfum nema innihöllina. Við getum
ekkert verið að kvarta,“ sagði Kolbeinn Höður.
Stefni á Ólympíuleikana
- Þú hlýtur hafa gert þér plön. Hver eru mark-
miðin og hvað sérðu þig komast langt?
„Eins og ég var að segja er það draumur minn
að komast á stóru mótin og etja kappi við þá
bestu. Ég stefni að því að ná lágmörkunum
fyrir Ólympíuleikana í Ríó 2016. Ég tel að ég
geti þetta en ef ekki þá verða það Ólympíu-
leikarnir í Tókýó 2020,“ sagði Kolbeinn Höður.
Frjálsar gefa manni mikið
Kolbeinn sagði að frjálsar íþróttir væru ofsa-
lega skemmtilegar og búnar að gefa honum
mikið, efla hann á allan hátt og verið honum
ógleymanlegur tími.
„Auðvitað getur þetta stundum verið erfitt.
Mikill tími fer í æfingar og maður er að fórna
einhverju öðru á sama tíma. En þegar maður
er að bæta sig og stendur sig vel á mótum er
þetta allt þess virði. Það eflir mann mjög að
fylgjast með þeirri góðu þróun sem er í frjáls-
um íþróttum um þessar mundir. Framganga
Anítu Hinriksdóttur ýtir undir áhugann og
hvetur okkur öll áfram. Hafdís Sigurðardóttir
hefur ennfremur verið að gera frábæra hluti.
Það eru margir efnilegir að koma upp, svo
að ég get ekki annað séð en að framtíðin sé
björt.“
Æfa vel og hugsa vel um sig
- Þú hefur mikinn metnað og ætlar væntan-
lega að standa þig á næstu árum?
„Ég ætla að gera það og vonandi stendur
maður undir pressunni sem maður finnur
fyrir. Það fyrsta er að æfa vel, hugsa vel um
sig, og standa sig á mótum sem maður tekur
þátt í.“
Unglingalandsmótin sterk
- Þegar þú lítur til baka, hefur það verið þess
virði að eyða tímanum í íþróttirnar?
„Já, alveg hiklaust. Ég hvet alla til að finna
sér tíma til að hreyfa sig og félagsskapurinn
í kringum þetta allt saman skiptir verulegu
máli í mínum huga. Það er frábær byrjun hjá
ungum krökkum að taka þátt í Unglinga-
landsmótum, taka þar sín fyrstu skerf og
kynnast öðrum krökkum. Þessi mót eru
gífurlega sterk og svo sannarlega búin að
sanna sig,“ sagði Kolbeinn Höður Gunnars-
son í spjallinu við Skinfaxa.
Kolbeinn Höður Gunnarsson – norðlensk upprennandi stjarna á hlaupabrautinni:
Draumur minn er að komast á stóru
mótin og etja kappi við þá bestu
„Kolbeinn Höður er mikið hlaupaefni.
Hann er 400 metra hlaupari frá upphafi
til enda og líka fljótur á 200 metrunum.
Þegar hann var 15–16 ára var strax aug-
ljóst að þarna væri mikið efni á ferð. Árang-
urinn núna kemur mér ekki á óvart, hann
er að þroskast og er farinn að finna það að
vinnan skilar árangri. Ég er gamall þjálfari
en kann samt engin hókus pókus trix. Þetta
er bara vinna og aftur vinna sem skilar
árangri. Hann er bara eins og aðrir sem
þarf að læra vinnusemi og hann er kominn
af stað. Stórkostlega efnilegur en á langa
leið fyrir höndum,“ sagði Gísli Sigurðsson,
þjálfari Kolbeins Haðar Gunnarssonar
hlaupara.
Gísli sagði að ef Kolbeinn Höður heldur
vel á spöðunum eigi hann eftir að komast
langt.
„Það er rosalega gaman þegar vel geng-
ur. Íþróttir eru náttúrlega bara númer eitt
hjá mér og það er skemmtilegt að vinna með þessum pilti. Kol-
beinn Höður er kominn vel á veg og búið að leggja ágætis grunn
að ákveðnum hlutum. Hann er algjörlega meiðslalaus, vel þjálfað-
ur, ungur og frískur maður. Hann á mikið inni og það eru spenn-
andi tímar fram undan. Hann þarf að halda áfram að borða, sofa
og æfa, þessi ungi piltur. Þá eru honum allir vegir færir,“ sagði
Gísli Sigurðsson í samtali við Skinfaxa.
Hvað segir þjálfarinn Gísli Sigurðsson um Kolbeinn Höð:
Strax augljóst að þarna var mikið efni á ferð