Skinfaxi - 01.02.2015, Síða 24

24 SKINFAXI tímarit Ungmennafélags Íslands
Það skiptir miklu máli að hugsa vel um líkamann en þegar upp koma kvillar eins og eymsli í stoðkerfi og íþróttameiðsl er það með því fyrsta sem kemur upp í hugann að fara til
sjúkraþjálfara eða annars sérmenntaðs fólks
til að leita sér lækninga. Það er mikið að gera
hjá aðilum sem veita þessa þjónustu enda
hefur þekkingu fleygt fram jafnt og þétt á
síðustu árum.
Til að skyggnast örlítið inn í þennan heim
litum við inn hjá Sjúkraþjálfun Reykjavíkur
og Garðabæjar og hittum þar fyrir Gauta
Grétarsson, sjúkraþjálfara og eigenda stof-
unnar, sem hefur verið starfrækt frá árinu
1988. Þar eru að störfum 15 sjúkraþjálfarar
og íþróttakennari ásamt 4 móttökuriturum
og starfsfólki í hlutastörfum í þrifum og
bókhaldi.
Meira æft af kappi en forsjá
Þegar Gauti er inntur eftir því hvort íþrótta-
meiðslum hafi fjölgað hin síðustu ár svarar
hann að ekki séu til tölur til að byggja á,
enda skráningar af skornum skammti.
„Mín tilfinning er hins vegar sú að alhliða
íþróttameiðslum hafi fjölgað til muna. Það
tengist bæði því að það er meira æft núna
heldur en þá, kannski meira af kappi en for-
sjá. Það vantar miklu meiri þjálffræði eins og
það er kallað, að fólk nýti sér þær rannsóknir
sem eru stundaðar víðast hvar í heiminum til
að sjá hvaða áhrif þjálfun hefur. Til að fá hraða
og snerpu þurfum við að þjálfa fáar endur-
tekningar og gera það hratt. Núna virðist það
vera ríkjandi að gera margar endurtekningar
og gera þær hægt og illa en með því þjálfum
við upp rangt hreyfimynstur. Ennfremur vit-
lausar lendingar, vitlausar hreyfingar sem
gerir það að verkum að þá er slysahættan
miklu meiri þegar við erum að hoppa og
stökkva. Það vantar miklu meiri gæði í þjálf-
unina,“ segir Gauti.
Meiðsli tengd baki og herðum
- Hvaða íþróttameiðsl færð þú helst?
„Við fáum blöndu af öllu en fáum samt mikið
til okkar meiðsli sem tengjast bakinu og herð-
unum. Axlarmeiðsli tengjast töluvert hand-
boltanum og svo koma íþróttamenn mjög
oft inn með krossbandaslit, liðþófameiðsli
og alls konar meiðsli í hnjám sem má rekja til
þess að stöðugleiki í ökklum, baki og mjöð-
um er slakur. Ég hef verið í íþróttarannsókn-
um þar sem ég mæli með græjum hér á stof-
unni þá sem hafa verið meiddir lengi og eru
búnir að fara frá einum til annars. Ég fæst
mikið við að kenna fólki að nota rassvöðvana.
Það vantar mikið upp á að þeir séu notaðir
rétt sem þarf að gera bæði til að hlaupa
hraðar og stökkva hærra. Ef rassvöðvar eru
ekki þjálfaðir í æfingaprógrömmunum koma
fram álagseinkenni í hné, kálfa og ökkla og
annars staðar.“
Betra að æfa vel en of mikið
- Vantar kannski upp á að íþróttamenn
almennt hugsi nógu vel um líkama sinn?
„Nei, ekki endilega. Það sem skiptir mestu
máli að það er búið að selja íþróttafólki að
það ætli sér að verða einhverjir atvinnu-
menn. Þjálfarar, íþróttafólk, foreldrar og aðrir
átta sig ekki á því að það er bara lítið brot af
þeim sem fara í íþróttir sem ná alla leið. Við
vitum alveg hverjir það eru og til að komast
þangað þarftu ekki bara að vera góður held-
ur líka heppinn. Vera heppinn þannig að
þú sért með góðan þjálfara sem hjálpar þér
að passa upp á að álagið sé ekki of mikið.
Nú erum við með fullt af ungu íþróttafólki
sem er búið að segja að æfa 10 þúsund
klukkutíma. Það er hins vegar betra að æfa
5 þúsund klukkutíma og æfa vel heldur en
að æfa mikið og æfa vitlaust. Maður bara sér
það í dag að það eru allt of margir að æfa
meira af kappi en forsjá,“ sagði Gauti.
Gauti Grétarsson sjúkraþjálfari:
Tilfinning mín er að íþróttamei
Eitt kort
38 vötn
6.900 kr
www.veidikortid.is
00000
00000Vatnaveiði er
frábært
fjölskyldusport!