Aldan - 23.09.2014, Page 10

- snjallar lausnir
545 3200 wise.is sala@wise.is
Sjávarútvegslausnir
Gold Enterprise Resource Planning
Silver Independent Software Vendor (ISV)
TMBorgartún 26, Reykjavík »
Hafnarstræti 93-95, Akureyri
sími: 545 3200 » www.wise.is
Við vonumst til að sjá þig á IceFish
sjávarútvegssýningunni í Fífunni, Kópavogi,
dagana 25.-27. september.
Þar munum við kynna nýjustu útgáfu af WiseFish
sjávarútvegslausnum, vottaða af Microsoft fyrir
Dynamics NAV, ásamt greiningartólum Wise.
Líttu við á bás G19 fyrir kynningu á okkar lausnum.
23. SEPTEMBER 2014aldan10
Síldarvinnslan er
burðarás í atvinnu-
lífi Neskaupstaðar
Síldarvinnslan er eitt öflugasta sjáv-
arútvegsfyrirtæki landsins á sviði
vinnslu uppsjávarfisks til mann-
eldis. Síldveiðar úti fyrir Austfjörðum
ganga nú vel og síðasta sunnudag
voru skipin Seyðisfjarðardýpi og
Norðfjarðardýpi. Börkur NK kom
á sunnudag með allt að 800 tonn
en aflinn fer eins mikið og hægt er
til manneldisvinnslu. Það eykur til
muna verðmætið, bæði fyrir skip og
landvinnslu. Verðmætasköpunin er
höfð að leiðarljósi allt frá því að skipið
leggur úr höfn til veiða.
Athafnasvæði Síldarvinnslunnar á Neskaupstað.
Aflaheimildir fiskveiðiársins 2014-2015:
HB-Grandi með10,67%
af heildarúthlutuninni
Samkvæmt úthlutun sjávarútvegs-
ráðuneytisins á aflaheimildum
fyrir nýhafið fiskveiðiár, koma alls
40.125 þorskígildistonn í hlut skipa
HB-Granda. Það samsvarar 10,67%
af heildarúthlutun fiskveiðiársins.
Þetta er 0,50% lægri hlutdeild en HB
Grandi var með í upphafi fiskveiði-
árs. Skýringin er sú að misjafnt er
hve mikið vægi einstaka fisktegundir
hafa í þorskígildum frá ári til árs.
Ef litið er á úthlutunina fyrir fisk-
veiðiárið kemur í ljós að heildarkvót-
inn nemur alls tæplega 439 þúsund
tonnum eða rúmlega 376 þúsund
þorskígildistonnum. Um er að ræða
lítilsháttar samdrátt milli fiskveiðiára
en sambærilegar tölur fyrir fiskveiði-
árið 2013/ 14 voru 443,3 þúsund tonn
og 381,4 þúsund þorskígildistonn.
HB-Grandi fær úthlutað alls
48.853 tonnum af kvóta í hinum
ýmsu tegundum en sambærileg tala
fyrir nýliðið fiskveiðiár var 50.352
tonn. Sem hlutfall af heildarúthlutun
í tonnum talið er hlutdeild HB Granda
nú 11,13% en hún var 11,36% á síðasta
fiskveiðiári. Vert er að hafa í huga að
eftir á að gefa út kvóta í deilitegundum
eins og norsk-íslenskri síld, loðnu,
makríl og kolmunna en sú úthlutun
miðast venju samkvæmt við alman-
aksárið.
Þerney RE, eitt skipa HB-Granda.
Eskja með menningarlegt
samstarf við Biomar í Noregi
Útgerðar- og fiskverkunarfyrirtækið
Eskja á Eskifirði og Biomar A/ S í
Noregi hafa nú í tvö ár staðið fyrir
menningarviðburðum í heimahér-
öðum sínum – Myre í Vesterålen og
á Eskifirði – undir heitinu Rytme-
för. Hafa tónlistarmenn á vegum
Eskju farið utan og haldið tónleika
og norskir tónlistarmenn komið
til Eskifjarðar á vegum Biomar. Nú
í ár fór fyrir hönd Eskju, Garðar
Eðvaldsson, 19 ára saxafónleikari.
Spilaði hann á þremur tónleikum í
Myre, Sortland og Bö. Hefur þetta
menningarsamstarf fyrirtækjanna
vakið mikla athygli í Norður-Noregi
sem og hér á landi þar sem þetta er
óvanalegt að fyrirtæki hafi með sér
slíkt samstarf.
Það er markmið Eskju hf. að vera
leiðandi á sínu sviði og uppfylla ávallt
væntingar viðskiptavina sinna. Til að
tryggja það markmið er lögð áhersla
á bestu mögulegu gæði hráefnis og
afurða allt til neytenda. Fylgt er þeim
lögum og reglugerðum sem við eiga
hverju sinni. Fyrirtækið nýtir bestu
framleiðslutækni sem býðst á hverjum
tíma. Stuðst er við þau gæðakerfi sem
best tryggja að markmið fyrirtækisins
í gæðamálum hverju sinni nái fram
að ganga. Rekjanleiki afurða frá neyt-
enda til veiðistaðar er tryggður. Það er
stefna Eskju hf. að allir starfsmenn fyr-
irtækisins fái þá þjálfun og menntun
sem þeir þarfnast til að þeir geti sinnt
starfi sínu af ánægju og nái að sýna
hæfni í starfi þannig að væntingar við-
skiptavina og starfsmanna fari ávallt
saman.
Umhverfisstefna
Það er stefna Eskju að allir þættir í
starfsemi fyrirtækisins séu í sem bestri
sátt við umhverfi sitt. Fyrirtækið
umgengst auðlindir og umhverfið af
ábyrgð og samkvæmt þeim lögum og
reglugerðum sem í gildi eru. Ávallt
er stefnt að hámarks nýtingu hráefna
og orkugjafa. Fyrirtækið leitast við að
nota efni, rekstrarvörur og umbúðir
sem eru umhverfisvænar. Úrgangi og
losun frá skipum og deildum er leitast
við að halda í lágmarki og að til þess
sé séð að losun úrgangs sé ætíð á þann
hátt að ekki valdi skaða í náttúru eða
umhverfi. Allt starfsfólk Eskju er með-
vitað um umhverfisstefnu þess og fær
það tækifæri til að taka þátt í mótun
og þróun hennar þannig að þeir sjái
hag sinn og fyrirtækisins fara saman.
Eskifjörður.
Alþjóðahvalveiðiráðið:
Grænlendingum
leyft að veiða hvali,
m.a. 10 hnúfubaka
Aðalfundur Alþjóðahvalveiði-
ráðsins var haldinn í Slóveníu í síð-
ustu viku. Meðal þeirra mála sem
afgreidd voru á fundinum var kvóti
fyrir frumbyggjaveiðar Græn-
lendinga, en ráðið hafði lagst gegn
þessum veiðum á seinasta fundi
sínum árið 2012. Samkvæmt niður-
stöðu ráðsins mega Grænlendingar
veiða árlega næstu fjögur árin 19
langreyðar, 176 hrefnur, 2 norð-
hvali og 10 hnúfubaka. ESB greindi
ráðinu frá yfirlýsingu sem stjórn-
völdum á Íslandi var afhent fyrr í
þessari viku þar sem hvalveiðum
Íslendinga í atvinnuskyni var
mótmælt. Ísland undirstrikaði
að veiðarnar væru sjálfbærar og
í samræmi við veiðiráðgjöf sér-
fræðinga Hafrannsóknastofnunar
og úttektir vísindanefnda Norður-
Atlantshafs sjávarspendýraráðsins
(NAMMCO) og Alþjóðahvalveiði-
ráðsins.
Ísland lýsti vonbrigðum sínum með
að tímabundið bann við hvalveiðum
„moratorium“ sem tók gildi árið 1986,
hefði enn ekki verið endurskoðað. Slík
endurskoðun hefði átt að fara fram eigi
síðar en árið 1990 en það hefði ekki
hlotið stuðning innan ráðsins síðan.
Niðurstöður rannsókna sýna að margir
hvalastofnar hafa þegar náð þeirri stærð
að nýta megi þá á sjálfbæran hátt.
Hnúfubakur.