Aldan - 23.09.2014, Qupperneq 17

23. SEPTEMBER 2014 aldan 17
„Það er að sjálfsögðu von-
brigði að það varð ekki meiri
aukning í þorskkvóta“
- segir Kolbeinn Árnason framkvæmdastjóri LÍÚ
Kolbeinn Árnason lögmaður hefur
verið framkvæmdastjóri Landssam-
bands íslenskra útvegsmanna frá 1.
júlí 2013. Kolbeinn lauk laganámi
frá Háskóla Íslands 1997 og stundaði
framhaldsnám í lögfræði við Uni-
versity of Leuven 2006. Kolbeinn
var skrifstofustjóri alþjóðaskrifstofu
sjávarútvegsráðuneytisins og síðar
fiskveiðistjórnarskrifstofu ráðuneyt-
isins í samtals rúm sex ár. Á þeim
tíma var hann m.a. formaður samn-
inganefnda Íslands um deilistofna og
sendinefnda Íslands hjá alþjóðlegum
fiskiveiðistjórnarstofnunum.
Ekki hefur verið haldinn samninga-
fundur með fulltrúum sjómanna um
alllangan tíma þrátt fyrir að samingar
hafi lengi verið lausir. Kolbeinn var
spurður hvort eitthvað væri að frétta
af þeim málum.
„Því miður er staðreyndin sú að það
er ekkert að frétta. Þegar útgerðirnar
vita ekki hvað þær hafa í afgang til að
borga í laun er tilgangslaust að setjast
að samningaborðinu. Það er ekki síst
á meðan veiðigjaldamálið er óleyst og
ekkert kemur frá ráðuneytinu um það.
Á meðan er ekki hægt að skuldbinda
útgerðirnar um eitt eða neitt. Við vitum
hins vegar að það er töluverð vinna í
gangi í stjórnarráðinu en ég held að
það sé ennþá nokkuð á hugmynda-
fræðistiginu, því vitum við ekki hvað
veiðigjaldið verður hátt og þá er ennþá
lengra í að sjálft frumvarpið verði lagt
fyrir Alþingi, hvað þá að það verði
að lögum. Þetta getur tengst ýmsum
praktískum atriðum eins og verð-
myndum á fiski.“
- Nýtt fiskveiðiár hófst í byrjun þessa
mánaðar og eins og venjulega eru
skiptar skoðanir um ágæti þess. Hver er
skoðun þín á úthlutuninni á þessu sinni?
„Á grundvelli þess sem við vissum
um þorskstofninn að það yrði töluverð
aukning í þorskkvóta. Það eru að sjálf-
sögðu vonbrigði að það varð ekki en
við skiljum hins vegar að sjávarútvegs-
ráðherra fari að ráðgjöf vísindamanna
Hafrannsóknastofnunarinnar. Það er
í gangi vinna sem snýr að því hvort
endurskoða eigi veiðireglurnar. Við
höfum hins vegar töluverðar áhyggjur
af ýsustofninum þó sú úthlutun hafi
ekki komið eins mikið á óvart.“
- Þið eruð þá ekkert að efast um hæfni
vísinamanna Hafrannsóknastofnunar-
innar?
„Ég held að svarið hljóti að vera að
það megi og eigi að eyða mun meiri
fjármunum í hafrannsóknir við Ísland.
Við viljum t.d. fá svör við því af hverju
nýliðun þessara stofna er svo miklu
minni en almennt var vonast eftir.
Hafrannsóknastofnunin virðist ekki
vita af hverju það stafar. En meðan að
stofnunin er í algjöru svelti fjárhagslega
er ekki hægt að fara í þessar rannsóknir.
LÍÚ hefur margsinnis lagt fram beiðni
um að Hafrannskóknastofnun fengi
aukið fjármagn. Það er búið að skera
rekstur stofnunarinnar alveg inn á
beiðni svo þar er ekki hægt að gera
þær rannsóknir sem eðlilegt og sjálf-
sagt þætti að Hafrannsóknastofnunin
sinnti í dag.“
- Ertu sáttur við að aðalstöðvar Fiski-
stofu flytji frá Hafnarfirði til Akureyrar?
„Við leggjum fyrst og fremst áherslu
á að stofnunin sé áfram öflug, og fagleg
nálgun sé viðhöfð.“
Sameining LÍÚ og SF
- Viðræður hafa verið á þessu ári um
sameiningu LÍÚ og Samtök fiskvinnslu-
stöðva. Hvar er það mál statt?
„Endanleg ákvörðun verður tekin
á aðalfundi beggja samtakanna 30.
október nk. Það hafa ekki komið
upp nein meiriháttar mál sem hindra
það ferli svo það er stefnt að því að
stjórnir félaganna leggi það til að af
sameiningunni verði. Niðurstaðan er
í höndum þeirra sem fara með atkvæði
á aðalfundunum og mér finnst að það
sé vilji til sameiningar.“
Íslenska sjávarútvegssýn-
ingin nauðsynlegur vett-
vangur
- Íslenska sjávarútvegssýningin er að
hefjast eftir nokkra daga. Finnst þér
nauðsynlegt að vera með sjávarútvegs-
sýningu hérlendis á þriggja ára fresti
eða er bara nóg að fara á sýningar í
Bruxelles, Vigo, Boston og fleiri staða?
Kolbeinn segir að sýningin sé mjög
nauðsynlegur vettfangur fyrir sjávarút-
veginn og öll þau fyrirtæki sem tengj-
ast honum. „Það er mjög gagnlegt að
almenningur átti sig á því hvað þetta
er þróuð og tæknilega fullkominn at-
vinnugrein. Ég held kannski að stór
hluti almennings átti sig hreinlega ekki
á því. Því er nauðsynlegt að kynna það
fyrir þessum hópi, og svo einnig fyrir
þeim sem vinna í greininni. Sjávarút-
vegurinn hefur svo gríðarlega marga
snertifleti inn í samfélagið. Hér eru
bæði stór og smá tæknifyrirtæki sem
eru að gera góða hluti og eru fram-
arlega á heimsvísu. Mörg af þessum
hugvits- og sprotafyrirtækjum hafa
náð verulegri fótfestu, eins og Marel,
Valka og fleiri, listinn er langur,“ segir
Kolbeinn Árnason, framkvæmdastjóri
LÍÚ.
Kolbeinn Árnason.
Hafnasambandsþing:
Hafnirnar hvattar
til að setja sér
formlega um-
hverfisstefnu
Fjölmargar tillögur voru fluttar á
Hafnasambandsþinginu. Þær voru eftirtaldar:
Frumvarp til breytinga
á hafnalögum
Skorað er á Alþingi að samþykkja fyr-
irliggjandi frumvarp um breytingar á
hafnalögum með þeim breytingum
sem umhverfis- og samgöngunefnd
Alþingis lagði til við frumvarpið.
Hafnir á Íslandi eru einn af horn-
steinum samgöngukerfis landsins
og eins og kemur fram í skýrslu sem
Hafnasamband Íslands lét vinna um
efnahagsleg áhrif hafna, uppspretta
atvinnu- og efnahagslífs.
Umhverfismál
Hafnir innan Hafnasambands Íslands
eru hvattar til að setja sér formlega
umhverfisstefnu þannig að betur
verði haldið á lofti því góða starfi sem
hafnirnar hafa unnið í umhverfis-
málum á liðnum árum. Hafnasam-
bandsþing beinir þeim tilmælum til
ráðherra umhverfis- og auðlindamála
að gætt verði hófs í lögum og reglum
varðandi móttöku og umsýslu hafna
vegna sorps og skólps og dregið úr
óþarfa regluverki og gjaldtöku í mála-
flokki sem hafnirnar og fyrirtæki á
hafnasvæðum hafa sinnt með góðum
árangri.
Vigtarmál og Fiskistofa
Beint er þeirri eindregnu áskorun til
ráðherra atvinnuvega og nýsköpun-
arráðuneytis og Fiskistofu að komið
verði til móts við hafnirnar um vigtun
sjávarafla. Í því sambandi er ljóst að
hafnirnar hafa af því kostnað að sinna
skráningu í þágu fiskveiðistjónunar-
kerfisins og þar sem hafnir sinna
vigtun á fleiri en einni hafnarað-
stöðu er mikilvægt að nýta tæknina
til fjarvigtunar.
Samgönguáætlun
Beint er þeirri áskorun til Alþingis og
innanríkisráðherra að auka verulega
framlög til hafnarverkefna á næstu
árum. Skýrsla um efnahagsleg áhrif
hafna á byggðirnar sýnir að hanfirnar
eru uppspretta atvinnu- og efnahags-
lífs, en þær njóta óverlegra framlaga
ríkisins á meðan hafnir í Evrópu
njóta bæði styrkja ríkis og Evrópu-
sambandsins. Til þess að hafnir
geti sinnt hlutverki sínu sem einn
af hornsteinum samgöngukerfisins
er óhjákvæmilegt að ríkið komi að
endurnýjun og uppbyggingu hafnar-
mannvirkja og að því megi sjá stað í
samgönguáætlun til næstu ára.
Skráning kaupskipa
á Íslandi
Skorað er á ríkisstjórnina að hefja
nú þegar vinnu við að breyta lögum
og reglum varðandi skráningu kaup-
skipa á Íslandi. Um áratugaskeið
hafa íslensk kaupskip verið skráð
erlendis vegna lagaumhverfis á Ís-
landi, en tekjur af áhöfnum runnið
til annarra landa en Íslands. Fyrir þjóð
sem byggir stærstan hluta flutninga
til og frá landinu á skipum og sigl-
ingum og hyggur á væna hlutdeild í
auknum siglingum við og til landsins
er óviðunandi að lagaumhverfið komi
í veg fyrir að kaupskip séu skráð á
Íslandi.
Skipulagsreglur hafna
og atvinnusvæða
Í samþykktinni er beint þeirra
áskorun til ráðherra umhverfis- og
auðlindamála að ákvæði skipulags-
laga og skipulagsreglugerðar varðandi
hafna-, athafna- og iðnaðarsvæði
verði tekin til endurskoðunar með
það að leiðarljósi að einfalda verk-
ferla við gerð og breytingu skipulags
á þessum svæðum. Á síðustu árum
hefur skipulegsferlum verið breytt
og þeir nú tímafrekari en áður. Þær
breytingar hafa ekki verið til að auka
réttaröryggi skipulagsmála heldur
gert aðstöðusköpun fyrir atvinnufyr-
irtæki óþarflega flókna. Þá er skorað
á ráðherra að láta endurskoða land-
nýtingarflokkun skipulagsreglugerðar
vegna hafna- iðnaðar og athafnasvæða
þannig að ákvæðin taki annars vegar
mið af breytingum á atvinnustarfsemi
og að þau verði hins vegar mun skýr-
ari en nú er.
Hafnarfjarðarhöfn er ein sú stærsta á landinu hvað varðar umsvif. Umferð
og löndun erlendra togara er þar umtalsverð.
Fjölbrautaskóli Norðurlands:
Boðið upp á nám í Fisktækni
Nú í haust fer af stað nám í fisktækni á
vegum Fjölbrautaskóla Norðurlands
vestra, Farskólans og FISK Seafood
ehf. í samvinnu við Fisktækniskóla
Íslands. Kennt verður eftir kl. 16.00 á
daginn og um helgar þannig að hægt
er að stunda námið með vinnu.
Námið er 4 annir og lýkur með
framhaldsskólaprófi og starfsheitinu
Fisktæknir.
Nú þegar hafa 20 starfsmenn FISK
skráð sig í námið en af þeim fóru 16 í
gegnum raunfærnimat í vor og hafa
þegar lokið hluta af náminu. Miðviku-
daginn 28 ágúst sl. var haldinn kynn-
ingarfundur í Verinu fyrir væntanlega
nemendur og komu fulltrúar FNV og
Farskólans og kynntu skipulag og fram-
kvæmd námsins Fylgst með útskýringum.