Aldan - 23.09.2014, Qupperneq 29

„Sjávarútvegssýningin er
mikilvægt tækifæri fyrir
fjölmörg íslensk fyrirtæki“
- segir Jón Gunnarsson alþingismaður og formaður atvinnuveganefndar Alþingis
, Það er mjög mikilvægt að vera með
sjávarútvegssýningu hérlendis á
þiggja ára fresti, sérstaklega í ljósi þess
að Ísland og íslenskur sjávarútvegur
er afar vel kynntur erlendis. Á vett-
vangi Sameinuðu Þjóðanna, þar sem
ég var nýlega sem þingmaður, leggi
menn við hlustirniar þegar íslensk
rödd heyrist fjalla um sjávarútveg
vegna þekkingar okkar og reynslu,“
segir Jón Gunnarsson alþingismaður
og formaður atvinnuveganefndar Al-
þingis og segir að kannski sé ekki eins
vel lagt við hlustir þegar Íslendingar
fjalla um aðra málaflokka.
Jón segir að í ljósi þess hversu
framsækin íslenskur sjávarútvegur
er hvernig fiskveiðistjórnunarkerfinu
er háttað og hvernig framsýnum út-
gerðarmönnum hefur tekist að stjórna
þessu kerfi, sé hægt að fullyrða að hér
sé rekin einn arðbærasti sjávarútvegur
í heimi. Það eigi ekki bara við um út-
gerð og fiskvinnslu, heldur ekki síður
við alls konar tæknilausnir og þann
stórkostlega iðnað sem hefur skapast
kringum sjávarútveg á Íslandi, og er
alltaf að aukast.
„Sjávarútvegssýning er því mikilvægt
tækifæri fyrir fjölmörg íslensk fyrir-
tæki til að koma sínum, hugmyndum,
vörum og þekkingu á framfæri. Sum
þessara fyrirtækja séu svo smá að það
gæti reynst of kostnaðarsamt að sækja
sjávarútvegssýningar erlendis, t.d. í
Bruxelles. Þetta er því gullið tækifæri
fyrir þessi fyrirtæki. Sú þróun sem
hefur átt sér stað á undanförnum árum
um svokallað klasasamstarf, þar sem
fyrirtæki sem sérhæfa sig í hugbún-
aði, tæknilausnum, vélum og fleiri taka
sig saman að ná fram sameiginlegum
lausnum. Sameiginlega eru þau miklu
öflugri að kynna sig gagnvart inn-
lendum og ekki síður erlendum aðilum.
Á þessu sviði höfum við náð lengra en
margar aðrar þjóðir enda höfum við
oft þann sveigjanlega að laga okkur
að breyttum mörkuðum með litlum
fyrirvara.“
- Telurðu að íslensk sjávarútvegsfyr-
irtæki séu síður tilbúin að tileinka sér
erlendan tækibúnað en íslenskan?
„Ég tel nú að íslensk sjávarútvegsfyr-
irtæki leiti eftir því besta á markaðnum
á hverjum tíma, hvort það sé íslensk
eða erlend framleiðsla. Fyrirtækin gera
miklar kröfur og það er grunnurinn að
þeim gæðum sem er á íslensku sjávar-
fangi í dag. Þess vegna horfa þau mjög
til tæknifyrirtækja innanlands vegna
þess að þar er oft hægt að fá ódýrar
lausnir, eða a.m.k. ódýrari. Þetta eru
fyrirtæki með hágæða vöru, eins og
Marel, Valka og Skaginn svo einhver
fyrirtæki séu nefnd. Það á bæði við
um hugbúnað og vélbúnað. Skaginn
á Akranesi hefur m.a. verið að setja
upp upp verksmiður í Færeyjum sem
vinna uppsjávarfisk og Traust –Þekking
í Borgarfirði hefur veirð að setja upp
vinnslulínur í tvo rússneska togara.
Dæmin eru mun fleiri.“
Starfsumhverfið í sjávarút-
vegi að taka stórkostleg-
um breytingum
- Það hefur á síðustu árum ekki þótt
nógu „fínt“ að vinna í fiskvinnslu.
Telurðu að sjávarútvegssýningin í Kópa-
vogi geti eflt ímynd íslensk fiskiðnaðar í
augum þess fólks sem ekki hefur atvinnu
sína af því að vinna í þeirri atvinnu-
grein?
„Eftirsóknin í þessi störf hefur
dregist saman á undanförnum árum,
þrátt fyrir mikilvægi þeirra í íslensku
samfélagi gegnum tíðina. En tilkomu
allrar þessarar nýju tækni og breytingu
á vinnuaðstöðu fólks þá er þetta
starfsumhverfi að taka stórkostlegum
breytingum. Það er ekki hægt að líkja
aðbúnaði í hefðbundnum fiskvinnslu-
störfum í dag við þann aðbúnað sem
fólk bjó við áður, og kannski þarf ekki
að fara lengra en aldarfjórðung aftur
í tímann til að sjá hversu gríðarlegur
munurinn er. Það má líkja þessu við
byltingu. Í dag eru þetta tæknimenn
að stórum hluta sem eru að vinna fisk-
vinnslustörf, svo tæknivædd er greinin
orðin.“
- Það hafa allir skoðanir þegar umræðan
snýst um sjávarútveg. Það er sama hvort
það er kvótinn, veiðileyfagjald, mark-
aðsmál eða eitthvað annað. Sýnir það
ekki öðru fremur það hversu nærri þessi
atvinnugrein er þorra landsmanna?
„Tvímælalaust. Þarna er enginn
skoðanalaus. Þess vegna eru margir
sem ekki eru að vinna við sjávarútveg
að leggja leið sína á sjávarútvegssýn-
inguna og það á jafnt við unga sem
gamla. Að koma á sýninguna opnar
huga ungs fólks fyrir þeim tækifærum
sem svo sannarlega liggja á þessum
vettvangi. Það er afar jákvætt,“ segir
Jón Gunnarsson.
Samhentir eru
leiðandi fyrirtæki
í umbúðum
- umbúðir utan um fiskafurðir hafa hlotið almennt lof
Samhentir – Kassagerð er þjón-
ustufyrirtæki um heildarlausnir
í umbúðum og öðrum rekstrar-
vörum. Fyrirtækið er leiðandi
þegar kemur að umbúðum. Kassar,
öskjur, arkir, pokar, pappi, plast,
límbönd og allt sem þarf svo vel
fari um vöruna þína er til á lager.
Birgjar eru fjölmargir, bæði inn-
lendir og erlendir. Samhentir eru
ráðgefandi um lausnir, efnisval,
hönnun og tækjakost. Til að spara
viðskiptavinum sporin er einnig
boðið upp á rekstrarvörur, s.s.
hreinlætisvörur og einnota vörur,
vinnufatnað og skó, áhöld s.s.
hnífa og matvinnsluáhöld, krydd
og íblöndunarefni og pökkunar-
vélar. Samhentir leggja sig fram
um að viðskiptavinurinn fái allt á
einum stað. Hið mikla vöruúrval
auk umbúðanna léttir verulega
undir hjá framleiðslufyrirtækum
þar sem hlutirnir þurfa að ganga
hratt fyrir sig og hjá fiskiskipum
sem stoppa stutt í landi.
Umbúðir selja er staðreynd sem
flestir viðskiptavinanna hafa fengið
að reyna. Því reynir oft á umbúða-
hönnuðinn að finna rétta utanum-
haldið um vöruna. Samhentir er
bandamaður þegar leitað er umbúða
á sanngjörnu verði, sem fara vel með
vöruna og freista neytandans.
Sýningarbás Samhentra á Íslensku sjávarútvegssýningunni 2011 ásamt
starfsmönnum.
Útbreiðsla uppsjávar-
stofna í NA-Atlants-
hafi sumarið 2014 er
svipuð milli ára
Dagana 13. -17. ágúst sl. var haldinn
fundur í Þórshöfn í Færeyjum með
þátttöku fiskifræðinga frá Noregi,
Færeyjum, Grænlandi og Íslandi.
Þar var fjallað um og samræmd
gögn alþjóðlegs rannsóknaleiðangurs
í sumar, sem beindist að vistfræði,
dreifingu og magnmælingu mak-
ríls og annarra uppsjávartegunda í
Norðaustur Atlantshafi. Rannsóknar-
svæðið var útvíkkað samanborðið við
fyrri leiðangra, einkum til norðurs
að Svalbarða, til austurs í Barentshaf
og til vesturs og suðurs að Hvarfi á
suðurodda Grænlands. Rannsókna-
skipið Árni Friðriksson kannaði
grænlenskt hafsvæði á vegum Græn-
lendinga.
Makríll fannst víðast hvar á rann-
sóknasvæðinu og í svipuðu magni og
árið 2013. Dreifing norsk-íslensku
síldarinnar var vestlægari og norð-
lægari en undanfarin ár. Hrognkelsi
fundust víðast hvar norðan 65. gráðu,
en við Grænland náði útbreiðslan eins
langt suður og kannað var.
Makríll. Aukin ganga hans á hafsvæðið við landið hefur aukið heildarverð-
mæti sjávarfangs á Íslandi.
Sjóvélar eru leiðandi
í vörum fyrir línuflotann
Fyrirtækið Sjóvélar í Skútvogi 12 var
stofnað svorið 2003. Markmið fyrir-
tækisins er að vera leiðandi í þjónustu
og sölu á vörum fyrir línuflotann. Öll
vörumerki fyrirtækisins eru rótgróin
á íslenskum markaði og reynslan af
þeim hefur verið góð. Sjóvélar sér-
hæfa sig í vörum fyrir handfæra- og
línuveiðar svo sem línum, krókum,
línuspilum, færavindum, slíturum
og fleiru.
Sýningarbás Sjóvéla á sjávarútvegssýningunni í Fífunni haustið 2011.
Jón Gunnarsson alþingismaður.
23 . SEPTEMBER 2014 aldan 29