Morgunblaðið - 06.01.2015, Blaðsíða 7

Startarinn er hér neðst í hnapparöðinni í Lincoln MKC-bíl en verður færð-
ur efst í hana. Inköllunin nær til tugþúsunda eintaka af þessari tegund.
T
ugir milljóna bíla voru inn-
kallaðir á nýliðnu ári
vegna öryggisþátta ýmiss
konar. Var það eflaust til
bóta fyrir ökumenn og farþega og
til að auka á öryggi þeirra.
En innkallanir geta verið af
margvíslegum toga og stundum
býsna óvenjulegum.
Þannig hefur Ford ákveðið að
innkalla Lincoln MKC bíla af ár-
gerðinni 2015 til að breyta röð
hnappa við hlið aðgerðarskjás á
hvalbak bílsins.
Verður ræsihnappur bílsins
færður efst í hnapparöðina en
hann hefur verið neðst í henni.
Kemur innköllunin til framkvæmda
í febrúar, en hún nær til bíla sem
framleiddir voru fyrir september sl.
Hinni óheppilegu hnapparöð var
breytt í þeim mánuði.
Innköllunin nær til 13.574 bíla
sem seldir hafa verið til þessa í
Norður-Ameríku og Mexíkó; 11.144
í Bandaríkjunum, 2.033 í Kanada
og 397 í Mexíkó. Breytingin er gerð
þar sem ökumenn og farþegar
hafa haft tilhneigingu til að reka sig
í hnappinn á núverandi stað með
þeim afleiðingum að drepst á bíln-
um sem getur verið óheppilegt á
ferð. Að sögn Ford er þó ekki vitað
um nein slys vegna þessa. Með því
að færa hann efst í hnapparöðina
er talið að þessi möguleiki á mis-
notkun starthnappsins sé útilok-
aður.
Til að leysa vandann þarf auk
þess að færa starthnappinn á nýj-
an stað meðal annars að forrita
stjórnborð og stjórntölvu aflrás-
arinnar upp á nýtt.
agas@mbl.is
Vegir innkallana eru oft órannsakanlegir
Startarinn á
óheppilegum
stað
MORGUNBLAÐIÐ ÞRIÐJUDAGUR 6. JANÚAR 2015
BÍLAR 7
Bílasala á nýliðnu ári í Noregi
var meiri en nokkru sinni frá
metárinu 1986. Hið 28 ára
gamla met hljóðar upp á
167.352 nýskráða fólksbíla.
Að kvöldi 29. desember höfðu
143.031 nýskráning á fjöl-
skyldubílum átt sér stað. Þar
með var salan orðin meiri en allt
árið 2013, en þá seldist 142.151
bíll í Noregi.
Alls voru nýskráðir 18.017 raf-
knúnir fólksbílar sem er gríð-
arleg aukning frá 2013 er þeir
voru 7.882 talsins.
Þótt tveir síðustu dagar ársins
hafi ekki verið með í uppgjöri
samgöngustofunnar norsku þyk-
ir ljóst, að Volkswagen Golf hafi
orðið söluhæsti bíllinn í Noregi
2014. Næstum 7% allra nýrra
fólksbíla sem bættust við í
norsku umferðinni 2014 voru af
gerðinni Golf. Um er að ræða
9.624 bíla en af þeim voru rúm-
lega 2.000 rafknúnir.
Frá og með nýliðnum áramót-
um urðu þær breytingar á bíla-
markaðinum í Noregi, að samn-
ingar um bíla á kaupleigu gilda
til fjögurra ára en ekki þriggja.
Það er talið hafa leitt til aukinna
kaupa undir lok ársins á bílum
sem mest eru keyptir á kaup-
leigu. Það er t.d. talin helsta
skýringin á mikilli sölu Volvo-bíla
í jólamánuðinum, en þeir sátu í
fjórum af fimm efstu sætum á
lista yfir söluhæstu bíla í des-
ember. Aðeins Golf seldist þá
betur.
Listi yfir 10 söluhæstu bílana í
Noregi árið 2014 lítur annars út
sem hér segir, miðað við 29.
desember:
Volkswagen Golf: 9.624
Toyota Auris: 5.367
Nissan Leaf: 4.774
Skoda Octavia: 4.403
Tesla Model S: 4.039
Toyota Yaris: 3.872
Mazda CX-5: 3.819
Volkswagen up!: 3.795
Toyota Rav4: 3.604
Volvo V40: 3.324
agas@mbl.is
Besta bílasala frá 1986 í Noregi
Morgunblaðið/Árni Sæberg
Golfinn frá Volkswagen er vinsæll
um víða veröld, og líka í Noregi.
E
ru engin mörk fyrir því
undir hvað má setja hjól
og aka um eins og fínn
maður? Svar hins
breska Edd China er tvímæla-
laust nei.
Hann sérhæfir sig í að byggja
og innrétta hvað sem er og setja
hjól undir. Þar á meðal er skrif-
borðið sem myndin sem fylgir
fréttinni sýnir.
Hermt er að þetta sé hrað-
skreiðasta skrifstofa heims en
aka má skrifborðinu og fylgi-
hlutum á allt að 100 km/klst.
ferð. Ósagt skal látið hvort hér
sé á ferðinni vinnustöð hins
dæmigerða bílablaðamanns í
framtíðinni.
Skrifstofan ökufæra er knúin
áfram af fjögurra strokka 1,6
lítra Rover K-vél, eins og öll önn-
ur „farartæki“ sem Edd China
hefur smíðað. Og þrátt fyrir að
breiddin milli afturhjólanna sé
rétt undir 60 sentimetrum þykir
skrifstofan einstaklega stöðug,
einnig á mikilli ferð.
Farartæki þetta hefur fengist
skráð í Bretlandi til aksturs í al-
mennri umferð. Til öryggis hefur
„bílsmiðurinn“ þó ætíð alla
pappíra viðvíkjandi því meðferðis
því laganna verðir hafa oftar en
ekki stöðvað hann á ferðum sín-
um. Hámarki náði það dag nokk-
urn er lögreglumenn sýndu hon-
um stöðvunarmerki 12 sinnum.
agas@mbl.is
Fyrir þá sem vilja vera á ferðinni
Hraðskreiðasta skrif-
stofa heims
Skrifstofan á fleygiferð og í fullum rétti á framúrakstursrein.
Ú
tköll sem neyðarsveitir á borð við lögreglu,
slökkvilið og viðgerðarþjónustumenn
samtaka félaga bifreiðaeigenda geta verið
af ýmsum toga – og það jafnvel fárán-
legum.
Bresku bíleigendasamtökunum AA bárust um
þrjár milljónir aðstoðarbeiðna á nýliðnu ári og þar
af voru margar sérkennilegar. Þjónustuliðar þeirra
frelsuðu meðal annars snáka, þvottabirni, marsvín
og smábörn úr bílum á árinu, sem eigendur höfðu
læst sig út úr.
Þar af hringdu 2.410 manns er höfðu óvart læst
kornabörn inni í bílnum og ekki getað opnað þar
sem lyklarnir voru inni í honum. Því til viðbótar bár-
ust 1.014 hjálparbeiðnir vegna gæludýra sem læst
höfðu inni.
Mánudagar standa undir því að vera sagðir til
mæðu því á þeim vikudegi bárust að jafnaði flestar
hjálparbeiðnirnar. Voru þær að jafnaði eitt þúsund
fleiri þá en aðra daga. Mestar voru annirnar 24.
nóvember er AA tók við 14.501 bilana- og hjálp-
arbeiðni en að meðaltali voru þær 9.337 á dag árið
2014.
Algengastar beiðnir voru vegna tómra rafgeyma
eða 427.586 talsins. Því næst sprungin dekk eða í
373.746 tilvika og í þriðja sæti á lista yfir helstu
hjálparbeiðnir voru biluð ljós. Þar á eftir komu bil-
anir í riðstraumsrafal og kúplingu. Í alls 40.072 til-
fella hjálpuðu þjónustuliðar AA-fólki sem dælt hafði
röngu eldsneyti á bíl sinn, eða um 110 sinnum á
dag.
agas@mbl.is
Flestar hjálparbeiðnir á mánudögum
Oft eru börnin óvart
læst inni í bílum
Margir þurfa aðstoð á vegum úti, meðal annars vegna sprunginna hjólbarða. Einhverra hluta vegna virðast þó
flestir hjálparþurfi á mánudögum því flest útköll bárust Bresku bíleigendasamtökunum á þeim degi í fyrra.