Húnavaka - 01.05.1993, Side 159

HUNAVAKA
157
Kristín Sigurjónsdóttir,
Tindum
Fœdd 22. apríl 1915 - Dáin 19. febrúar 1992
Kristín Sumarrós Sigurjónsdóttir var fædd á Tindum. Hún var
dóttir hjónanna Sigurjóns Þorlákssonar bónda þar og konu hans
Guðrúnar Erlendsdóttur. Sigurjón var Skagfirðingur að ætt, sonur
Þorláks bónda í Heiðarseli í Göngu-
skörðum, Asmundssonar á Syðri-Brekk-
um og Kristínar Helgadóttur bónda í
Hólkoti í Staðarhreppi, Jónssonar. Guð-
rún móðir Kristínar, var dóttir Erlendar
Eysteinssonar á Beinakeldu og Astríðar
Sigurðardóttur frá Hindisvík.
Kristín ólst upp á Tindum ásamt sex
systkinum sínum, en hún var þriðja elst
þeirra. Auk venjulegs skólanáms og til-
sagnar lauk hún námi í Kvennaskólanum
á Blönduósi. Störfín heima voru mörg á
stóru heimili, og til að kynnast fleirum
og læra á orgel var hún í vist á Þingeyr-
um sumarlangt hjá Huldu Á. Stefánsdóttur.
Um tvítugt flutti hún að Hamri. Þau Lárus Sigurðsson hófu þar
búskap sinn og bjuggu þar frá 1937 til 1944. Þá fluttu j^au að Tind-
um, eftir lát föður hennar, og festu kaup á jörðinni. Á áratug end-
urbyggðu þau öll húsin og juku ræktun til rntina.
Þau Tindahjón eignuðust þrjú börn. Sigurjón sem er bóndi og
oddviti á Tindum. Gunnar er þau misstu sex ára gamlan og Gunn-
hildi sem býr á Blönduósi ásamt manni sínum Sigurði Ingþórssyni
og börnum sínum, Lárusi, Sigurjóni og Kristínu Rós.
Búið á Tindum var stórt og umsvif því mikil. Við bættust félags-
störf ýmiss konar. Kristín var heimakær, vinnusöm og hagsýn og bjó
fjölskyldu sinni gott og hlýlegt heimili. Við hús sitt ræktaði hún
gróskumikinn garð. Hún var gestrisin og afar frændrækin, ættfróð
og minnug.
Kristín var sterkur persónuleiki og myndaði sér sjálfstæðar skoð-