Húnavaka - 01.05.1993, Síða 164

162
HUNAVAKA
menna verkamannavinnu. Með árunum tók hann í vaxandi mæli
að snúa sér að húsasmíðum undir handarjaðri lærðra húsasmiða.
Kom þar brátt að þjálfun hans og hæfileikar áunnu honum full og
formleg smiðsréttindi og varð hann þar með fullgildur félagi í stétt-
arfélagi sínu. A hann ótalin smiðshögg í peningshúsum, íbúðar-
húsum og félagsheimili í austanverðu Húnaþingi. Síðari hluta æv-
innar var liann búsettur í Reykjavík og stundaði þar iðn sína.
Pálmi var sósíalisti af bestu gerð og mikill jafnaðarmaður og
verkalýðssinni að upplagi. Hann var formaður Verkalýðsfélags
Skagastrandar um árabil og vann félagi sínu af miklum heilindum
og ósérplægni. Ekki mun það alltaf hafa verið dans á rósum frern-
ur en við var að búast, enda þótt hann ætti sér fáeina trausta og ein-
læga baráttubræður og félaga á þeim vettvangi.
Eg hef kynnst mörgum sósíalistum er báru skjaldarmerki verka-
lýðshreyfingarinnar í bak og fýrir en aðeins örfáum sem voru gegn-
heilir sem slíkir. Pálmi stjúpfaðir minn var einn af þeim síðar-
nefndu. Hann sóttist eftir jöfnuði og réttlæti, svo í orði sem á borði,
og gleymdi gjarnan sjálfum sér í þágu hugsjónar sinnar. Þetta skynj-
uðu og skildu margir samstarfsmenn hans og yfirboðarar og virtu
hann fyrir, enda þótt þeir væru á öndverðum meiði við hann varð-
andi málefni og pólitísk markmið.
Eg sem set þessi minningarorð á blað á Pálma Sigurðssyni mikið
að þakka. Hann kom inn í líf mitt sem bjargvættur á örlagastund.
Hann breiddi verndarvæng yfir mig og móður mína í umkomu-
leysi okkar á erfiðum tímum. Undir þeim verndarvæng komst ég
til rnanns á sínum tíma og móðir mín naut þar skjóls og einstakrar
umönnunar allt til æviloka.
Eg bar sívaxandi virðingu fyrir stjúpa mínum eftir því sem árin
liðu og hlakkaði til þess að eiga með honum góðar stundir af og til
á ævikveldi hans. Af því varð ekki. Hann lést af slysförum 21. apríl.
Utför Pálrna fór fram frá kirkju Fíladelfíusafnaðarins í Reykjavík
hinn 4. maí 1992 og hvílir hann \dð lilið eiginkonu sinnar í Foss-
vogski rkj ugar ði.
Þórir Haukur Einarsson.