Húnavaka - 01.05.1993, Page 169

HUNAVAKA
167
En það sem halda mun nöfnum þeirra hjóna lengst á lofti var
eldlegur áhugi þeirra á skógrækt og vexti og viðgangi skógræktar-
innar að Gunnfríðarstöðum. Hann var kjörinn formaður Skóg-
ræktarfélags Austur- Hunvetninga, árið 1976, og gegndi hann því
starfi til dauðadags.
Skógræktin að Gunnfríðarstöðum mun um ókomin ár bera vott
um óeigingjarnt starf þeirra. Með óþreytandi starfi sínu vildu þau
„Leggja gull í lófa framtíðarinnar.“
Fyrir störf sín að skógræktarmálum var hann ásamt konu sinni
sæmdur gullmerki Skógræktarfélags Islands á aðalfundi félagsins á
Blönduósi árið 1985.
Haraldur var hógvær maður og lítillátur. Skyldurækinn svo af bar
og trúr í öllu er hann tók sér íyrir hendur. Hann lést á Héraðs-
sjúkrahúsinu á Blönduósi 76 ára að aldri.
Með Haraldi Jónssyni er horfinn einn ötulasti félagi úr röðum
austur-húnvetnskra skógræktarmanna. Hann var fulltrúi þeirrar
kynslóðar sem óx úr grasi á tímum bjartsýni og framfara er helgaði
sig félagshyggju og hugsjónum samvinnumanna.
Utför hans var gerð frá Blönduósskirkju, 23. maí.
Sr. Árni Sigurðsson.
Þórir Hólm Sigvaldason,
Stafni
Fceddur 30. janúar 1923 - Dáinn 11. júní 1992
Þórir Hólm Sigvaldason fæddist að Kúfustöðum í Svartárdal. For-
eldrar hans hófu búskap þar 1923, en fluttu í Stafn 1934. Foreldrar
Þóris voru Sigvaldi Halldórsson, dáinn 1979, og Steinunn Björns-
dóttir sem enn býr í Stafni, komin á tíræðisaldur.
Þórir var næstelstur sex systkina. Elsti bróðirinn, Sigurður, bjó
einnig í Stafni, en lést 1981. Guðrún Halldóra býr í Kópavogi, mað-
ur hennar er Haukur Björg\4nsson. Birna María býr ásamt manni
sínum, Þorkeli Sigurðssyni, á Barkarstöðum. Erna Sólveig bjó í
Eyjafirði, en lést 1985. Eftirlifandi maður hennar er Hreinn Gunn-
arsson. Yngstur er Jón Björgvin, búsettur á Sauðárkróki, kona lians
er Guðríður María Stefánsdóttir.