Húnavaka - 01.05.1998, Blaðsíða 140

HANNES GUÐMUNDSSON frá Auðkúlu:
Girðing með Blöndu
Það mun hafa verið snemma árs 1941 að ákveðið var að ljúka við girð-
ingu meðfram Blöndu, allt frá sjó upp að jökli. Búið var að girða í byggð
en heiðin var eftir. Framkvæmd þessi fór fram á vegum sauðfjárveikivarn-
anna. Var horfið að því ráði að bjóða verkið út í ákvæðisvinnu. Tók Sig-
urður Benediktsson á Leifsstöðum að sér að girða svæðið á milli Refsár
og Galtarár. Svæðið þar fyrir framan tóku þeir að sér; Guðmundur
Jósafatsson Austurhlíð, Stefán Sigurðsson Steiná og Pétur Pétursson þá
bóndi á Guðlaugsstöðum. Réðu þeir sér þijá aðstoðarmenn en þeir voru;
Guðmundur Ingimarsson bóndi í Mjóadal. Guðmundur var Arnesingur
að uppruna og flutti suður aftur og bjó í Vegatungu. Annar maðurinn
var Benedikt Valgeirsson þá kaupamaður á Guðlaugsstöðum. Benedikt
var Strandamaður, bróðir Guðmundar Valgeirssonar í Bæ. Þriðji maður-
inn var svo sá er þetta ritar, þá til heimilis að Höllustöðum, 16 ára að
aldri.
Við komum saman á Brandsstöðum, þriðjudaginn í 17. viku sumars.
Þangað var búið að flytja girðingarstaura, hæfdega mikið magn fyrir
þann hestakost sem við höfðum yflr að ráða. Var nú gengið í að búa upp
á hestana. Var það gert með því að bundnir voru sex staurar í bagga,
þannig fóru 12 staurar í hestburðinn. Að því loknu var tafarlaust haldið
af stað fram Blöndudal að austan og þaðan fram heiðina suður fyrir Galt-
ará. Var þá orðið kvöldsett. Leyst var niður af hestunum og reynt að hafa
sem jafnast bil á milli staurahrúganna. Síðan var tjaldað og lagst til svefns.
Morguninn eftir var liðinu skipt. Guðmundarnir og Stefán héldu með
áburðarhestana til Hveravalla en þangað hafði meginhluú stauranna ver-
ið bílfluttur að sunnan. Varð hlutskipti þeirra, næstu daga að flytja
staurana austur yfir Blöndu á girðingarstæðið. Munu þeir að mestu eða
öllu leyti hafa haldið til á Hveravöllum.
Við sem urðum eftir við Galtará fórum nú að reka niður staurana. Fór
ég á undan og dreifði staurunum en Pétur og Benedikt komu á eftir og
ráku staurana niður. Gekk það verk greiðlega, landið greiðfært og grjót
ekki til trafala svo teljandi væri en langt þótti okkur oft að ganga heim í
tjald að loknu dagsverki.
Við lifðum við algjöran skrínukost. Hituðum okkur kaffi kvölds og