Húnavaka - 01.05.1998, Blaðsíða 159

HUNAVAKA
157
Sigurbjörg Angantýsdóttir,
Skagaströnd
Fœdd 3. febrúar 1940 - Dáin 10. september 1997
Sigurbjörg Angantýsdóttir fæddist að Ytra-Mallandi á Skaga. Hún var
dóttir hjónanna, Jóhönnu Jónasdóttur og Hilmars Angantýs Jónssonar
sem þá var bóndi þar. Þegar hún var á öðru ári fluttu þau að Fjalli en á
fjórða ári flutti hún með foreldrum sínum og tvíburasystur, Guðrúnu, í
húsið Fjallsminni á Skagaströnd. Fo'reldrar
hennar slitu samvistir árið 1945 og tveimur
árum síðar fluttu þær systur ásamt
móðurömmu sinni, Sigurbjörgu Jónasdóttur, í
húsið Bræðraminni á Skagaströnd. Þar ólust
þær síðan upp en þegar systurnar voru
orðnar 17 ára fluttu þær á ný í Fjallsminni og
voru þar um tíma með ömmu sinni. Varði
náin samleið þeirra t\4burasystranna alla ævi.
Auk Guðrúnar er alsystir Sigurbjargar, I
Bylgja sem býr að Móbergi í Langadal.
Hálfsystkini hennar, sammæðra, eru Dagný I
Björk Hannesdóttir og Sigurjón Gísli ||
Snorrason en þau búa bæði á Skagaströnd.
Sigurbjörg fór ung að vinna fyrir sér, mest á Skagaströnd en einnig
vann hún í síld á Raufarhöfn og Siglufírði. Veturinn 1960-1961 stundaði
hún nám við Kvennaskólann á Blönduósi.
Fljótlega eftir það lágu saman leiðir Sigurbjargar og Sigmars
Jóhannessonar, eftirlifandi eiginmanns hennar. Sigmar er sonur
hjónanna, Dagnýjar Guðmundsdóttur og Jóhannesar Björnssonar sem
síðast bjuggu á Skagaströnd. Þau Sigurbjörg og Sigmar gengu í
hjónaband í árslok 1962 og stofnuðu heimili á Skagaströnd. Fyrstu ellefu
árin bjuggu þau í kjallaranum á Sunnuvegi 3 en reistu eigið hús handan
götunnar að Sunnuvegi 2 og var heimili þeirra þar síðan. Þau Sigmar
voru náin og stóðu þétt saman í lífinu enda samleið þeirra farsæl.
Börn Sigurbjargar eru Jóhanna Bára Hallgrímsdóttir sem býr í
Borgarnesi og Dagný Marín Sigmarsdótdr sem býr á Skagaströnd. Gekk
Sigmar Jóhönnu Báru í föðurstað.
Sigurbjörg var húsmóðir sem vann að því að búa fjölskyldu sinni gott
heimili. Auk þess vann hún fjölda ára í fiskvinnslu í Hólanesi. I
L