Dagblaðið Vísir - DV - 25.03.2009, Page 21

miðvikudagur 25. mars 2009 21Fókus
á miðvikudegi
ErróvErðlaun afhEnt
Gríðarlega góð þátttaka var í samkeppni sem Listasafn Reykjavíkur, Kraum og
Hönnunarmiðstöð Íslands efndu til um gerð nytja- eða hönnunarvöru í anda
Errós. Núna á föstudaginn kemur í ljós hver hreppir verðlaunin sem eru hálf
milljón króna auk samnings um sölu á vörunni í verslunum Kraums og í
Hafnarhúsinu. Hanna Birna Kristjánsdóttir borgarstjóri mun afhenda
verðlaunin og opna sýningu þar sem valdar tillögur verða kynntar.
SædýraSafn
á Sviði
Þjóðleikhúsið frumsýnir leikrit-
ið Sædýrasafnið næsta föstudag í
Kassanum við Lindargötu. Verkið
var sérstaklega samið fyrir Þjóðleik-
húsið af franska rithöfundinum og
Íslandsvininum Marie Darrieuss-
ecq en leikstjóri sýningarinnar er
Arthur Nauzyciel. Verkið fjallar um
tvær fjölskyldur sem neyðast til að
dvelja saman við undarlegar að-
stæður á sædýrasafni í óskilgreindu
landi. Íbúar landsins hafa talið sér
trú um að þeir búi í öruggu nútíma-
samfélagi en smám saman kemur
í ljós að yfir öllu lífi grúfir ógn þess
sem koma skal. Listamenn frá fimm
löndum skapa þessa óvenjulegu
leiksýningu sem einnig verður sýnd
í Frakklandi í maí. Á meðal leikara
í sýningunni eru Björn Hlynur Har-
aldsson, Elva Ósk Ólafsdóttir, Mar-
grét Vilhjálmsdóttir og Stefán Hallur
Stefánsson.
lífSSpEki mEt-
Söluhöfundar
Reikimeistarinn og metsöluhöf-
undurinn Maxine Gaudio kynnir
lífsspeki sína og metsölubókina
Ferðalagið að kjarna sjálfsins
í húsakynnum bókaforlagsins
Sölku, Skipholti 50c, á morg-
un. Maxine býr og starfar bæði í
Reykjavík og Greenwich Conn-
ecticut. Í bók sinni segir hún frá
lífi sínu á opinskáan og frjáls-
legan hátt svo það birtist okkur
sem dæmisaga um hvernig hægt
er að vinna sig út úr erfiðleikum
og standa uppi sem sigurvegari.
Maxine er vel þekkt í heimalandi
sínu og nú einnig hér, enda hefur
hún hjálpað fjölmörgum að ná
tökum á streitu og álagi. Aðgang-
ur er ókeypis.
Ferill hins frábæra leikara Mick-
ey Rourke hefur verið vægast sagt
brokkgengur, aðallega vegna þess að
hann hefur verið sjálfum sér verstur
og kosið að sóa hæfileikum sínum í
að súpa ýmsar beiskar fjörur lífsins
frekar en sinna leiklistinni af raun-
verulegum metnaði. Það hefur því
verið sérstaklega ánægjulegt fyrir
trygga aðdáendur kappans að fylgj-
ast með stórkostlegri upprisu hans
sem segja má að hafi byrjað fyrir al-
vöru með meistaratöktum í Sin City
árið 2005 og náð hámarki með The
Wrestler í fyrra.
Rourke og The Wrestler hafa sóp-
að að sér verðlaunum. Rourke bar þá
mynd, að öðrum ólöstuðum, nánast
uppi einn og óstuddur og var nán-
ast í hverjum einasta ramma. Rourke
ber Killshot líka uppi nánast einn og
óstuddur en því miður fær hann úr
svo litlu að moða að hann getur ekki
með nokkru móti bjargað þessari
stefnulausu grautargerð sem merki-
legt nokk er byggð á glæpasögu eftir
meistara Elmore Leonard.
Rourke er hér í hlutverki Black-
bird, leigumorðingja af indíánaætt-
um. Sá drepur fyrir mafíuna af mikl-
um metnaði og leggur höfuðáherslu
á að skilja ekki eftir nein vitni að
verkum sínum á lífi. Þessi árátta
hans kemur honum í klandur þegar
hann skýtur allsbera hjásvæfu mafí-
ósa í hausinn og fær því litlar þakk-
ir og enga greiðslu fyrir það sem átti
að vera síðasta verkefni hans á ferl-
inum. Skítblankur og með mafíuna
á hælunum gerir hann þau fárán-
legu mistök að taka siðblindan og
grjótheimskan smákrimma, sem
Joseph Gordon-Levitt leikur, undir
sinn verndarvæng. Samstarf þessara
tveggja ólíku glæpamanna er allt hið
klaufalegasta þannig að þeir sitja allt
í einu uppi með tvö vitni sem geta
borið kennsl á Blackbird og verða því
að deyja.
Þetta eru hjón sem eru við það
að gefast upp á að bjarga mislukk-
uðu hjónabandi sínu, leikin af Di-
ane Lane og Tom Jane. Hjónakorn-
in eru samt engir aular og láta hart
mæta hörðu, berja frá sér og munda
haglabyssur þegar þeim er ógnað.
Þegar morðingjarnir hafa gert í það
minnsta tvær misheppnaðar atlög-
ur að tilveru fólksins ákveða yfirvöld
að koma þeim fyrir í vitnavernd þar
sem þau geta hafið nýtt líf, á nýjum
stað með nýjum nöfnum þar til ófét-
in eru á bak við lás og slá. Þau taka
þessu kostaboði enda fátt betra þeg-
ar hjónabandið er komið í þrot en
að fá að byrja upp á nýtt, eða þannig
sko. Blackbird er þó ekki á því að
leyfa þeim að fóta sig í nýrri paradís
og eltir þau uppi með morðóðan fá-
bjánann í eftirdragi þar til alls konar
uppgjör verða að lokum óumflýjan-
leg.
Það verður eiginlega bara að
segjast hreint út að Killshot er lang-
dregið, leiðinlegt og þvælt drasl en
samt staðfestir hún að Rourke er í
toppformi og virðist að þessu sinni
vera kominn til að vera. Hann lyft-
ir myndinni á æðra plan og tekur
sig helvíti vel út með indíána-meik-
öppið sitt og síða hárfléttuna. Diane
Lane og Tom Jane gera einnig sitt
besta en maður getur eiginlega ekki
beðið eftir því að einhver, bara ein-
hver, setji kúlu í hausinn á Joseph
Gordon-Levitt. Þá er hin þokkafulla
Rosario Dawson þarna í gersamlega
tilgangslausu hlutverki sem er hrein
og klár móðgun við þessa hörkupíu
sem fór einmitt hamförum í Sin City
eins og sjálfur Rourke.
Elmore Leonard hefur skrifað
ótrúlegan haug af reyfurum sem
margir hverjir hafa orðið að prýði-
legum bíómyndum en hér duga
hvorki hann né Rourke til að bjarga
Killshot frá því að renna út í tóma
leiðindasteypu. En kannski var ekki
við öðru að búast frá leikstjóranum
John Madden sem á einmitt vafa-
saman heiðurinn af Shakespeare in
Love, einni leiðinlegustu kvikmynd
síðari tíma. Hér býður hann þó í það
minnst upp á Rourke í fínu formi sem
er vissulega huggun harmi gegn en
fyrir þá sem eru ekki einarðir stuðn-
ingsmenn leikarans er þetta samt
fullkomin tímasóun.
Þórarinn Þórarinsson
toppmaður í
vondri mynd
Húsnæði í boði

vantar eignir á skrá í Kópavogi og Garðabæ.
www.lmk.is

Íbúð til leigu
4ra herbergja íbúð til leigu. svæði 109, Laus
mjög fljótlega upplýsingar í síma 557-5515
Íbúð til leigu
Til leigu er 3ja herbergja íbúð á Völlunum, í
Hafnarfirði. Verð 110 þús, hiti, rafmagn og
hússjóður innifalinn. Laus strax. Upplýsingar í
síma 692-0717, 893-7043
Sumarhús Þjónustuauglýsingar
Nýr kostur í DV eru þjónustuauglýsingar.
ÞJÓNUSTUAUGLÝSINGAR
H ingdu í síma 515 5550
og byrjaðu strax í d g!
smaar@dv.is
Nýr kostur í DV eru þjónustuauglýsingar.
ÞJÓNUSTUAUGLÝSINGAR
Hringdu í síma 515 5550
og byrjaðu strax í dag!
smaar@dv.is
MYND FréDéric NauczYciel
Killshot
leikstjórn: John madden
aðalhlutverk: mickey rourke, diane Lane,
Thomas Jane og Joseph gordon-Levitt
kvikmyndir
Mickey rourke
Er í toppformi í killshot en
myndin er hins vegar drasl.