Dagblaðið Vísir - DV - 05.05.2009, Side 4

Þriðjudagur 5. maí 20094 Fréttir
Nethyl 2, sími 587-0600, www.tomstundahusid.is
Fjarstýrðir rafmagns- og
bensínbílar í úrvali
Þeir sem luma á hönnunarvöru sem þeir vilja koma í verð geta á næstunni selt hana
í umboðssölu hjá Epal. Kjartan Páll Eyjólfsson segir verslunina sækja fyrirmyndina
til hinna Norðurlandanna þar sem fólk getur losað sig við gamla hönnunarvöru, hvort
sem er vegna peningaskorts eða vegna þess að það vill breyta til og kaupa annað.
BETRI FJÁRFESTING
EN HLUTABRÉF „En ástandið í þjóðfé-laginu býður upp á að þetta veki meiri áhuga en áður.“
„Þessi hugmynd hefur lengi verið að
gerjast. Fólk hefur komið og spurt
okkur um eldri hönnunarvöru, bæði
til að kaupa og selja. Eftirspurnin er
því greinilega til staðar,“ segir Kjart-
an Páll Eyjólfsson, framkvæmdastjóri
Epal. Á næstu dögum hefst í versl-
uninni umboðssala með hönnunar-
vörur. Umboðssalan er ekki bundin
við vörur sem voru upphaflega seld-
ar í Epal. „Skilyrðið er bara að þetta
sé hönnunarvara og að hún standist
okkar kröfur. Þarna verður bæði hús-
búnaður og nytjavörur,“ segir hann.
Yfirfarið af fagfólki
Kjartan segir suma sem hafa leitað til
verslunarinnar hafa hug á að losa sig
við húsbúnað því fólk vantar pening í
því erfiða árferði sem nú ríkir. „Aðra
langar hreinlega bara að breyta til,
vilja fá eitthvað fyrir hlutinn sem þeir
eiga og kaupa sér annan. En ástand-
ið í þjóðfélaginu býður upp á að
þetta veki meiri áhuga en áður,“ seg-
ir hann.
Þeir sem eiga Eggið eftir Arne
Jacobsen en vilja losa sig við stólinn
geta því leitað til Epal á næstunni, en
Eggið hefur verið eitt af flaggskipum
verslunarinnar.
Notuðu hönnunarvörurnar fá sér
rými í Epal en einnig verða vörurnar
til sýnis á vefsíðu verslunarinnar.
Epal sækir fyrirmynd að umboðs-
sölunni til hinna Norðurlandanna og
nefnir Kjartan sem dæmi að í Dan-
mörku sé fjöldi búða sem sérhæfir sig
í umboðssölu með klassískri hönn-
unarvöru. Kosturinn við að kaupa
notaða hönnunarvöru í umboðssölu
er að starfsmenn Epal yfirfara hlut-
inn vandlega og því öruggara að fara
þessa leið við kaup en þegar enginn
fagmaður kemur að ferlinu.
„Gamalt verður nýtt – aftur“
Kjartan segir að fljótlegt verði að
verðmeta þá hluti sem seldir hafa
verið í Epal en annars hafi starfs-
menn góð sambönd erlendis og leiti
sérfræðiálits ef varan hefur ekki verið
í sölu hér.
Slagorð umboðssölunnar verður
„Gamalt verður nýtt – aftur“. Kjartan
bendir á tvöfalda merkingu orðsins
nýtt í þessu sambandi þar sem það á
bæði við að hluturinn er endurnýttur,
sem og að notaður hlutur verður nýr
hjá nýjum eiganda.
Rennt blint í sjóinn
„Það hefur sýnt sig að góð hönnun er
góð fjárfesting. Hönnunarvara hef-
ur haldið verðgildi sínu mun betur
en hlutabréfin,“ segir Kjartan. Hann
bendir á að eldri hönnunarvara get-
ur í sumum tilvikum verið dýrmætari
en samskonar hlutur, splunkudýr. Sú
getur til dæmis verið raunin þegar um
fyrstu framleiðsluhlutina er að ræða,
sem jafnvel eru númeraðir, og hafa
þannig mikið söfnunargildi.
Þó að fólk hafi spurst fyrir um þann
möguleika að Epal taki vörur fyrir sig
í umboðssölu segir Kjartan að það
verði að koma í ljós hvernig framhald-
ið verður. „Við rennum auðvitað blint í
sjónn en þetta gengur vonandi vel.“
ERla HlYnsdóttiR
blaðamaður skrifar: erla@dv.is
Borga reikningana Þeir
sem vilja koma hönnunarvör-
um á heimilinu í verð til að
eiga fyrir reikningunum geta
nýtt sér þessa nýjung.
notað verður nýtt Kjartan Páll Eyjólfs-
son segir það ekki skilyrði að hönnunar-
varan hafi upphaflega verið seld í Epal
til að hún sé tekin í umboðssölu.
MYndiR KRistinn MaGnússon
Góð fjárfesting
Þessi Sjöa eftir arne
jacobsen gæti eignast
nýtt heimili á næstunni.
Harmsaga fjölskyldu stúlkunnar sem lamaðist á Álandseyjum:
misstu allt í bruna
Ester Eva Glad, tvítug, íslensk stúlka,
lenti í mjög alvarlegu bílslysi í Jomala
Möckelby á Álandseyjum að kvöldi
skírdags. Ester var ein átta farþega
í fólksbíl sem fór út af vegi eftir að
ölvaður ökumaðurinn missti stjórn
á honum með þeim afleiðingum að
hann valt.
Ester liggur lömuð á háskóla-
sjúkrahúsinu í Åbo í Finnlandi. Est-
er hrakaði fyrir stuttu þegar hún fékk
alvarlega lungnasýkingu en er búin
að jafna sig á henni. Ástand hennar
er samt sem áður tvísýnt.
Faðir Esterar, Sam Glad, er ís-
lenskur en móðir hennar, Ruth Glad,
er breskur ríkisborgari.
Sam segir í viðtali við fréttasíðuna
nyan.ax að fjölskyldan hafi ekki átt
sjö dagana sæla síðustu árin.
Sonur þeirra Jóhannes slasaðist
alvarlega í bifhjólaslysi fyrir tveimur
árum. Hann fótbrotnaði og varð fyr-
ir lungnaskaða og hefur enn ekki náð
fullum bata.
Sam fékk hjartaáfall í september í
fyrra og hefur einnig glímt við slæm
bakmeiðsli í mörg ár.
Í nóvember var keyrt yfir hund
dóttur þeirrar Elísabetar og lifði
hann ekki af. Þá dundu enn frekari
hremmingar yfir fjölskylduna því í
febrúar á þessu ári brann heimili
hennar í Jomala. Fjórir hundar þeirra
létust í brunanum. Hjónin Sam og
Ruth voru ekki heima þegar bruninn
átti sér stað.
Fjölskyldan var ekki tryggð fyrir
brunanum þannig að þau fengu bara
innbúið bætt en ekki sjálft húsið.
Fjölskyldan er harmi slegin yfir
bílslysinu sem Ester lenti í og reynir
að halda í vonina.
„Ég hef unnið mikið með hjálp-
arsamtökum í Afríku og fyrrum Sov-
étríkjunum. Ég hef séð mikið í því
starfi og hefur riffli meira að segja
verið beint að mér. En ekkert er eins
hræðilegt og að sjá sína eigin dóttur
liggja á sjúkrahúsi án þess að geta
gert neitt,“ segir Sam.
liljakatrin@dv.is
Heldur í
vonina Sam
og fjölskylda
vaka yfir
Ester Evu sem
liggur lömuð
á sjúkrahúsi í
Finnlandi.
Gylfi endurnýjar
ekki samninga
Gylfi Magnússon viðskiptaráð-
herra veit ekkert um framtíð
sína í ráðuneytinu og kýs því að
skuldbinda ekki hugsanlegan
eftirmann með mannaráðning-
um. Þorfinnur Ómarsson, blaða-
fulltrúi viðskiptaráðherra, er
hættur störfum. Sama á við um
Helgu Valfells, sem verið hefur
aðstoðarmaður viðskiptaráð-
herra. Þorfinnur segir að vegna
óvissu um ráðherraval hafi hann
ekki verið ráðinn lengur en út
aprílmánuð. „Ég hætti störfum
í góðri sátt við ráðherrann og
samkomulagið var fínt. Þetta eru
einfaldlega aðstæðurnar sem
uppi eru vegna óvissunnar.“
Vel klædd í
kreppunni
„Við skulum áfram bera okkur
vel. Klæða okkur fallega eftir
bestu getu og halda áfram að
versla ef við höfum efni á því. Það
verður okkur bara til framdráttar
og hjálpar til við að ná okkur upp
úr lægðinni og skapa nýtt og öfl-
ugt Ísland,“ skrifar Sigríður Arn-
ardóttir, betur þekkt sem Sirrý, á
bloggsíðu sína. Sirrý segir suma
líta svo á að í kreppunni á Íslandi
megi enginn skarta nýjum flík-
um, ekki heldur þegar útsölur
eru í gangi. Sirrý telur aftur á
móti fín föt auka sjálfstraust fólks.
Stýrivextir verði
14 prósent
Greining Íslandsbanka spá-
ir því að stýrivextir Seðlabank-
ans lækki niður í 14 prósent, úr
15,5 prósentum. Peningastefnu-
nefnd Seðlabankans tilkynnir
á fimmtudag um vaxtaákvörð-
un sína. Stýrivextir hafa lækkað
jafnt og þétt að undanförnu en
þeir voru 18 prósent í mars. Er
það mat Greiningar Íslands-
banka að minnkandi verðbólga
verði lögð til grundvallar en hún
er nú 11,9 prósent en var 15,2
prósent í mars. Þá eru verð-
bólguvæntingar litlar.