Dagblaðið Vísir - DV - 08.07.2009, Blaðsíða 29

Á MIÐVIKUDEGI
Sumar á ÍSlandi
Í dag kemur út safnplatan Sumar á Íslandi. Á plötunni er að finna lög
eftir 20 íslenskar sveitir sem hafa gert það gott með lögum sínum í sumar
og flokkast því undir svokallaða sumarsmelli. Á plötunni er meðal ann-
ars að finna lög með Hafdísi Huld, Buffi, Sálinni hans Jóns míns, Egó,
Baggalúti og fleirum. Það verður þó að teljast undarlegt að einn helsta
smell sumarsins, Nóttin er liðin, er ekki að finna á plötunni.
Kreppumálarar
Á laugardaginn verður sýningin
Kreppumálararnir opnuð í Lista-
safninu á Akureyri. Þar er dregin
upp mynd af lífi og listum þjóðar-
innar á fjórða áratug síðustu aldar.
Kreppumálararnir svokölluðu sem
sýningin heitir eftir eru þeir Snorri
Arinbjarnar (1901-1958), Gunnlaug-
ur Scheving (1904-1972), Þorvaldur
Skúlason (1906-1984) og Jón Engil-
berts (1908-1972). Allir beindu þeir
sjónum sínum að hinum vinnandi
manni. Sögusviðið er oft þorpið eða
bærinn sem einnig urðu rithöfund-
um og skáldum að yrkisefni á þess-
um áratug.
lay low á
roSenberg
Söngkonan Lay Low heldur
tónleika á Café Rosenberg 15.
júlí næstkomandi. Miðasala
hefst í dag klukkan 10 á midi.
is og afgreiðslustöðum midi.
is. Lay Low er nýkomin heim af
Glastonbury-hátíðinni en hún
hefur ferðast víða síðastliðna tvo
mánuði ásamt Pétri Hallgríms-
syni gítarleikara og Jóni Geir Jó-
hannssyni trommuleikara. Þau
munu stoppa stutt á Íslandi áður
en haldið er aftur til Evrópu þar
sem þau munu koma til með að
spila á tónlistarhátíðum í Noregi,
Slóvakíu, Hollandi og Englandi.
Miðaverð er eitt þúsund krónur
og eru aðeins 150 aðgöngumið-
ar í boði.
gjörningahelgi
á hjalteyri
Gjörningahelgi verður haldin í Verk-
smiðjunni á Hjalteyri um næstu
helgi. Á föstudeginum eru það Helgi
Svavar Helgason og Davíð Þór Jóns-
son sem framkvæma tónlistarspuna
með mynd- og leiklist. Sá gjörningur
hefst klukkan 21. Á laugardeginum
klukkan 17 eru það Joris Rademak-
er ásamt fleirum sem munu fremja
gjörninga. Enn fremur eru yfrstand-
andi sýningar Ilmar Stefánsdóttur og
Péturs Arnars Friðrikssonar.
Ljóðskáldið og myndlistarmaður-
inn Bjarni Bernharður kemur fersk-
ur undan gerningavetri efnahags-
hrunsins með ljóðabókina Blóm
í byssukjafta græðginnar. Bjarni
segist ekki vera að yrkja beint inn í
ástandið þótt titill bókarinnar kall-
ist óneitanlega á við efnahagshrun-
ið og afleiðingar þess. „Það er þó
eitt ljóð í bókinni sem vísar beint
til ástandsins og þess sem gerðist
í október,“ segir Bjarni um síðasta
ljóðið í bókinni, Villurúnir 2008.
Bjarni kippir sér sjálfur ekki
mikið upp við ástandið enda hefur
hann ýmsa fjöruna sopið á grýttri
lífsleiðinni. Hann var upp á sitt
besta á hippatímanum og í loka-
línum Villurúna 2008 boðar hann
lausn á hremmingum landsmanna
í anda hippanna:
En daginn þann/þegar fólk set-
ur blóm/í byssukjafta græðginnar/
– munu landvættirnar spekjast.
„Þarna er ég að vísa til atburða
í Bandaríkjunum árið 1968 þegar
ungmenni úr hippahreyfingunni
mótmæltu Víetnamstríðinu en þeg-
ar þau stóðu andspænis hermönn-
um stungu þau blómum í byssu-
hlaupin.“ Bjarni segir kreppuna
ekki hafa haldið fyrir sér vöku í vet-
ur heldur hafi hann þvert á móti
„verið óhemju kreatívur“ og leggur
áherslu á að ljóðin í nýju bókinni séu
ekki nein kreppuljóð. „Ástandið hef-
ur sjálfsagt hreyft eitthvað við mér
þótt þessi ljóð endurspegli það ekki
beint.“
Skáldið hefur engu að síður feng-
ið að kenna á kreppunni og salan hjá
Bjarna hefur verið frekar treg í sum-
ar en hann stendur vaktina á horni
Austurstrætis 16 þar sem hann selur
ljóðabækur sínar sem eru orðnar ansi
margar. „Veðrið hefur verið skaplegt
inn á milli en ég held að peninga-
leysi hjá fólki sé farið að segja til sín.
Ég er meira að segja búinn að lækka
mig í verði,“ segir Bjarni sem segist
alltaf hafa áhyggjur af „andvaraleysi
þjóðarinnar fyrir ljóðinu“. Fólk mætti
gefa þessu sterka listformi og sterka
tjáningarmáta meiri gaum.
Blóm í byssukjafta græðginnar
„Við erum með leir, gler og myndlist,“
segir Birna Smith myndlistakona um
nýja galleríið ART67 sem er á Lauga-
vegi 67. Galleríið verður opnað opin-
berlega á morgun en að því standa 13
listakonur úr ýmsum áttum. „Þrjár
eru í gler og leir en við erum tíu sem
erum í myndlist.“ ART67 er bæði gall-
erí og vinnustofa en gestir geta fylgst
með listsköpuninni á staðnum. „Við
erum með vinnustofur á neðri hæð-
inni og vinnum á staðnum,“ en hús-
næði gallerísins er um 250 fermetrar
með vinnustofunum.
Verkin sem seld verða í ART67
verða á lægra verði en í hinum hefð-
bundnu galleríum þar sem um engin
umboðslaun er að ræða. „Við rekum
þetta saman og skiptumst á að vinna
í galleríinu. Þess vegna er fólk ekki að
borga fyrir álagningu frá galleríi sem er
oft á tíðum mjög há.“ Birna segir ART67
vera sjálfsbjargarviðleitni af hálfu þess-
ara framtakssömu listakvenna til þess
að koma verkum sínum beint til al-
mennings á lægra verði. „Við verðum
að bjarga okkur eins og aðrir.“
Birna segir að hugmyndin ART67
hafi komið til þegar nokkrar af stofn-
endunum voru á gangi niður Lauga-
veginn. „Við sáum bara hvað Lauga-
vegurinn var orðinn dapur og að
það þyrfti að gera eitthvað til þess að
lífga upp á hann. Það er svo sorglegt
að ganga þar um og sjá tómar búð-
ir. Maður upplifir bara hryggð þegar
maður sér það. Þannig að við ákváð-
um að bjarga einmana húsi og gæða
það lífi.“ Birna segir það hvorki Ís-
lendingum né erlendum ferðmönn-
um boðlegt að láta þessa lífæð bæj-
arins koðna niður.
Þær listakonur sem standa að
galleríinu auk Birnu eru Kristín Guð-
mundsdóttir, Guðlaug Friðriksdóttir,
Hrönn Björnsdóttir, Margrét Krist-
jánsdóttir, Auður Björnsdóttir, Ragn-
heiður Guðjónsdóttir, Bjarney Sif
Ólafsdóttir, Álfheiður Ólafsdóttir,
Helga Sigurðardóttir, Nanna Guðrún
Yngvadóttir, Yvonne Nielsen og Þóra
Steinþórsdóttir.
asgeir@dv.is
fóKuS 8. júlí 2009 miÐViKudagur 29
liSt á
góÐu
VerÐi
Birna Smith Ein þeirra
þrettán sem standa að ART67.
myndir rakel óSk
ódýrari list Listakonurnar selja verkin
sjálfar og því er engin auka álagning á
þeim.
Bjarni á horninu Þeir
sem ná ekki í skottið á
Bjarna í miðbænum geta
gengið að bókum hans
vísum í bókaverslunum.